Addis Ethiopia Weblog

Ethiopia's World / የኢትዮጵያ ዓለም

  • September 2021
    M T W T F S S
     12345
    6789101112
    13141516171819
    20212223242526
    27282930  
  • Archives

  • Categories

  • Recent Posts

Posts Tagged ‘King Salomon’

Archaeologists Discover Queen of Sheba’s Gold

Posted by addisethiopia / አዲስ ኢትዮጵያ on February 12, 2012

“The queen of the South will rise up at the judgment with this generation and condemn it, for she came from the ends of the earth to hear the wisdom of Solomon, and behold, something greater than Solomon is here.” [Matthew 12:42]


A British excavation has struck archaeological gold with a discovery that may solve the mystery of where the Queen of Sheba derived her fabled treasures

A British excavation has struck archaeological gold with a discovery that may solve the mystery of where the Queen of Sheba of biblical legend derived her fabled treasures.

Almost 3,000 years ago, the ruler of Sheba, which spanned modern-day Ethiopia and Yemen, arrived in Jerusalem with vast quantities of gold to give to King Solomon. Now an enormous ancient goldmine, together with the ruins of a temple and the site of a battlefield, have been discovered in her former territory.

Louise Schofield, an archaeologist and former British Museum curator, who headed the excavation on the high Gheralta plateau in northern Ethiopia, said: “One of the things I’ve always loved about archaeology is the way it can tie up with legends and myths. The fact that we might have the Queen of Sheba’s mines is extraordinary.”

An initial clue lay in a 20ft stone stele (or slab) carved with a sun and crescent moon, the “calling card of the land of Sheba”, Schofield said. “I crawled beneath the stone – wary of a 9ft cobra I was warned lives here – and came face to face with an inscription in Sabaean, the language that the Queen of Sheba would have spoken.”

 

Continue reading…

 

_______________________________

 

Posted in Curiosity | Tagged: , , , , , , , | 1 Comment »

Probably The Most Intriguing Love Story Ever

Posted by addisethiopia / አዲስ ኢትዮጵያ on February 14, 2009

sabazeb3

ኢትዮጵያና ታቦተ ጽዮን

ከመነሻው ጀምሮ የታቦተ ጽዮን ባለቤት መሆንዋን በብቸኝነት የምትናገር ሀገር ኢትዮጵያ ናት። የዚህም ምክንያቱ ግልጽ ነው። ታቦተ ጽዮን ያለችው በምድረ ኢትዮጵያ በቅድስት ሀገር አክሱም ላይ ባለችው የ ጽዮን ቤተ ክርስቲያን ስለሆነ ነው። ኢትዮጵያ የዚህ ጸጋ ባለቤት የሆነችበት ሁኔታ በ13ኛው መቶ ክፍለ ዘመን እንደተጻፈ በሚነገረው በክብረ ነገሥት ላይ ተጽፏል።

ቅድመ ልደተ ክርስቶስ ሺህ ዓመት ገደማ በምድረ ኢትዮጵያ ነግሣ የነበረችው ንግሥተ አዜብ/ሳባ (ማክዳ) በኢየሩሳሌም ነግሦ ስለነበረው ንጉሥ ሰሎሞን ጠቢብነት ለመጀመሪያ ጊዜ የሰማችው ታምሪን ከተባለ አገልጋይዋ ነበር። ይህ ሰው ነጋዴ የነበረ ሲሆን አምስት መቶ ሃያ ግመሎችና ሰባ ሦስት ያህል መርከቦች የነበሩት ሀብታም ነጋዴ ነበር።

ንጉሥ ሰሎሞን ቤተ መቅደሱን ይሠራ ዘንድ በወደደ ጊዜ ለቤተ መቅደሱ መሥሪያ የሚሆኑ ዕቃዎችን እንዲያመጡለት ሀብታም ነጋድያንን ያፈላልግ ነበርና ከኢትዮጵያዊው ሀብታም ነጋዴ ከታምሪን ጋር ተገናኘ። ታምሪንም ንጉሡ የፈለገውን ሁሉ፡ ቀዩን ወርቅ፡ ጥቁርና የማይነቅዝ እንጨትና ስንፔር የተባለውን ዕንቁ አመጣለት። ንጉሥ ሰሎሞንም ለታምሪን የሚሻውን ሁሉ ከገንዘቡ አስበልጦ ሰጠው። ነጋዴው ግን እጅግ ብልህ ነበርና ከንጉሡ ጋር በነበረው ቆይታ የሰሎሞንን ጥበብ ያስተውልና ያደንቅ ነበር።

ወደ አገሩም በተመለሰ ጊዜ ለንግሥቲቱ በንጉሡ ዘንድ ያየውንና ያስታወሰውን በየቀኑ ይነግራት ነበር። እሷም አገልጋይዋ ከሆነው ከዚህ ነጋዴ በሰማችው ትደነቅ በልቧም ወደ ሰሎሞን ዘንድ ለመሄድ ታስብና ከፍቅሯ ብዛት የተነሳ ታለቅስ ነበር። በመጨረሻም ለመሄድ ቆርጣ ተነሣች። ለመንገድዋ የሚያስፈልጋትን፡ ለንጉሡ የሚቀርበውን ገጸ በረከት፡ ለመኳንንቱ የሚሰጠውን ስጦታ ሁሉ አዘጋጅታ መንገድዋን ወደ ምድረ እስራኤል አቀናች።

ኢየሩሳሌምም በደረሰች ጊዜ ባየቸው ነገር ሁሉ እጅግ ተገረመች። በዝናው ብቻ ልብዋ የጦፈለትን የሰሎሞንን ጥበቡን በዓይንዋ ያየቸው ከሰማችው በላይ ሆነባት። እርሱም እርሷን በፍጹም ፍቅር ተቀበላት የሚገባትንም ክብር ሰጣት። የጥበቡ ሁሉ ምንጭ ስለሆነው የእስራኤል አምላክ እግዚአብሔር ነገራት። እርሷም ይህን ጥበብ ለሰሎሞን የሰጠውን አምላክ አመሰገነች። ልብዋም በእውነተኛው አምላክ ፍቅር ተነደፈ። ንግሥተ ሳባ ምንም እንኳን በሀገርዋ ባሕልና ሥርዓት መሠረት በመንግሥትዋ ላይ ጸንታ ለመኖር ድንግልናዋን ጠብቃ መኖር የሚገባት ቢሆንም ዳሩ ግን ክብረ ንጽሕናዋን በጥበቡ ልብዋን ለማረከው ለንጉሥ ሰሎሞን አስረከበች።

ከንጉሥ ሰሎሞን ጋር ያላትን ቆይታ አጠናቃ ወደ ሀገርዋ ስትመለስ ፀንሳ ነበርና በመንገድ ላይ ወለደች። ወደ ሀገርዋ በገባች ጊዜም የሀገርዋ ሰዎች በደስታ ተቀበሏት። ልጅዋም አድጎ ሃያ ሁለት ዓመት ሲሞላው የአባቴን ፊት አይ ዘንድ እሄዳለሁስላላት የነጋዴዎችን አለቃ ታምሪንን ጠርታ ለጉዞ ተዘጋጅ። በብዙም በትንሹም ሌትና ቀን አስጨንቆኛልና ይህንን ልጅ ውሰደው። ከንጉሡም ታደርሰዋለህ። የእስራኤል አምላክ እግዚአብሔር ቢወድ ወደዚህ ትመልሰዋለህአለችው።

ስንቅንም እንደ ሀብታቸውና ባለፀግነታቸው መጠን አዘጋጀች። ለመንገድ የሚያስፈልገውን ገንዘብ፡ ለንጉሡ የሚሰጠውን ስጦታና ሌሎች የሚያስፈልገውን ነገር ሁሉ አዘጋጀች። ከእሱ ጋር ለሚሄዱ መኳንንትም ለንጉሡ እጅ አስነስተው እንዲመልሱትና ለሀገሩም መንግሥት እንዲሾመው እንጂ እዚያ እንዳይተውት አዘዘቻቸው። በኢትዮጵያ ወግ ቀድሞ ወንድ ልጅ ያላወቀች ድንግል ሴት ትነግስ ነበር። ከእንግዲህ ግን ከዚህ ከዘመድህና ከዘሩ ወንድ ይነግሳል እንጂ ሴት ለዘላለም አትነግስም።ስትል ጻፈች።

ለልጅዋም ሰሎሞን ልጁን እንዲያውቀው፣ ነገሯን እንዲያስብና በዘመኑ ሁሉ እሷና እግዚአብሔር በሰጣት በእሷ መንግሥት ስር ያሉት ሁሉ እግዚአብሔርን ያመልኩ ዘንድ የገባችውን ቃል ኪዳን ያስታውስ ዘንድ ለምልክት እንዲሆን የሰጣትን የጣቱን ቀለበት ሰጠችው። ከዚህ በኋላ በሰላም ላከችው።

እርሱም ምድረ እስራኤል በገባ ጊዜ ያዩት ሁሉ ተሸበሩ። አባቱ ንጉሥ ሰሎሞንን ይመስል ነበርና። ብዙዎችም ሰሎሞን መስሎአቸው ይሰግዱለት ነበር።

ሰሎሞንም የአብራኩን ክፋይ አምሳያ ልጁን ባየ ጊዜ ከተቀመጠበት ተነስቶ የልብሱን ቁልፍ ከትከሻው ፈትቶ ተቀበለው። ደረቱንም በእጁ እቅፍ አድርጎ አፉንና ግንባሩን ዓይኖቹንም ሳመው እንሆ አሁን አባቴ ዳዊት በጉልምስናው ታደሰ። ከሙታንም ተነሳ።አለው። ወደ ሚያነጋግሩትም ዞሮ አንተን ይመስላል ነው የምትሉኝ? ይህ በገልማሳነት ዘመን ያባቴ ርዝመት እንጂ የአኔ ርዝመት አይደለም። ከእኔ ይልቅ ፈጽሞ ያምራልናአለ።

ተነስቶም ወደ ቤቱ ገባ። የወርቅ ግምጃንና የወርቅ ዝናርም አለበሰው። በራሱ ላይም ዘውድ በጣቱ ላይ ቀለበትና ለዓይን የሚያጥበረብር የክብር ልብስ አለበሰው። ከእሱም ጋር በሚታይ ቦታ በዙፋን ላይ አስቀመጠው። ታምሪንም የተላከውን መልእክት ለንጉሡ አደረሰ። ንጉሥ ሰሎሞን ግን ይህንን ልጄን እግዚአብሔር የሰጠኝ የበኩር ልጄና ኃይሌ ነውና በእስራኤል ላይ አነግሰዋለሁ እንጂ ለንግሥት አልሰጣትምአለው። ልጁ ግን ፈቃዱ በእስራኤል መሆኑን በአጽንኦት በመግለጹ አማካሪዎቹን ሹማምንቱንና የቤተ መንግሥቱን ታላላቆች ሁሉ ሰብስቦ ይህን ልጅ እሺ ማሰኘት አልቻልኩም። እነሆ አሁን የምነግራችሁን ስሙኝ በቀኜና በግራዬ የምትቀመጡ ሁሉ ከልጆቻችሁ ጋር ለኢትዮጵያ እንድናነግሰው ፍቀዱ። ልጆቻችሁም እንዲሁ አለቃ ሆነው በቀኝና በግራ ይቀመጡ። እናንተ ሁላችሁ አማካሪዎችና መኳንንቶች በኩር ልጆቻችሁን እንሰጠው ዘንድ ፍቀዱለት መንግሥት ይሆንልናልአላቸው። እነርሱም ፈቃዳቸው ሆነ።

ቅብአ መንግሥቱንና የሚጣፍጥ ሽቶዎችን አዘጋጁ። ነጋሪት እምቢልታ እንዚራ፣ መሰንቆና ከበሮም ተመታ። አገሪቱም በደስታና በዕልልታ ድምፅ ተሞላች። ወደ ቅድስተ ቅዱሳኑም ውስጥ አስገቡት። በካህኑ በሳዶቅና የንጉሥ ሰሎሞን የኃይል አዛዥና ካህን በሆነው በኢዩአስ አፍ መንግሥት ተሰጠው። ከእግዚአብሔር ቤትም ወጣ። ስሙንም ዳዊት ብለው ሰየሙት።

ከንጉሡ ልጅ ጋር ወደ ኢትዮጵያ እንዲሄዱ የታዘዙት የእስራኤል የበኩር ልጆች ግን ከሀገራቸውና ከወገናቸው ይልቁንም ከታቦተ ጽዮን ተለይቶ መሄዳቸው እጅግ አሳዝኖአቸው ነበርና፤ የካህናቱ ልጆች ለብቻቸው ተሰባስበው እመቤታችን ጽዮንን ልንተዋት እንዴት እንችላለን? ለእሷም ተሰጥተናልና ምን እናድርግ?” ብለው ተማከሩ። የካህኑ የሳዶቅ ልጅ አዛርያስም ታቦተ ጽዮንን ከመንበርዋ ማንም ሳያውቅብን እንውሰዳት የሚል ሐሳብኢ በማቅረቡ ሁሉም በዚህ ሐሳብ ተስማሙ። በተለይ የቤተ መቅደሱ ቁልፍ በእርሱ እጅ ያለ በመሆኑ ይህን ለማድረግ እንደሚችሉ ሁሉም አመኑበት።

ሠረገላዎቹ ሁሉ ተጫኑ አለቆች ሁሉ ተነሱ። ነጋሪት ተመታ። አገሪቱም ጮኸች። ጎልማሶች ደነፉ። ግርማም ጋረዳት። ፀጋም ከበባት። የእስራኤል ጀግኖችና የመኳንንት ልጆች ስለተነሱ ሽማግሎች ዋይ ዋይ አሉ። ሕፃናት ጮኹ። ባልቴቶችና ደናግሉም አለቀሱ። በእነሱ ምክንያት ግርማዋ ስለተወሰደባት እንጂ አገሪቱም የምታለቅሰው ስለ እነሱ ብቻ አይደለም። ጽዮን ከእነሱ እንደ ተወሰደች በግልጽ ባያውቁም በልባቸው አልሳቱትም ነበርና እግዚአብሔር የግብጽን የበኩር ልጆች በገደለ ጊዜ እንደነበረው ዓይነት መሪር ልቅሶ አለቀሱ።

ንጉሥ ሰሎሞንም በሁኔታው ደነገጠ። የንጉሡን ክፍል መጋረጃ ከፍቶ አገሩ በሙሉ እነሱን እየተከተለ የእናቱን ጡት እንዳስተውትና ከእሱ የሄደችውን እናቱን ተከትሎ እንደሚጮህና እንደሚያለቅስ ሕፃን ሲያለቅሱ ተመለከተ። የሄዱትን ግርማቸውን ባየ ጊዜ ደንግጦ ተንቀጠቀጠ። አንጀቶቹ ታወኩ። እንባውም በልብሱ ላይ ትንጠባጠብ ነበር። እሱም ይህ ልጅ በመሄዱ የአገሩን ግርማ ስላፈረሰ የበኩር ልጆችን ይዞ ስለተንቀሳቀሰ ክብሬ አልፋለች፣ የመመኪያ ዘውዴም ወድቃለች፣ ሆዴም ተቃጥላለች ወዮልኝአለ።

ንግሥተ አዜብ እና ልጁ የጠየቁትን የታቦተ ጽዮንን ልብስ አምጥቶ ለልጁ / ለምንይልክ እንዲሰጠው ካህኑ ሳዶቅን አዘዘው። ካህኑ ሳዶቅም እንደታዘዘው የታቦተ ጽዮንን ልብስ ሰጠው። ምንይልክም በዚህ ነገር ተደሰተ። እጅግም አደነቀ። ይህቺ እመቤቴ ትሁንአለ። አዛርያ ስም በአባቱ ፊት በልብሱ ተደሰትክ? ይልቁንስ በልብሱ እመቤት እንዴት በተደሰትክ?” አለው። ምንይልክ ታቦተ ጽዮን ከእርሱ ጋር እንደምትሄድ አያውቅም ነበር።

ከዚህም በኋላ በመልአኩ ሚካኤል መሪነት መንገዳቸውን እንደ ጀመሩና በባሕሩ ላይ ክንፉን ዘርግቶ እንደ የብስ አድርጎ እንዳስኬዳቸው። በየብሱም ደመናውን ሰንጥቆና ከፀሐይ ትኩሳት ጋርዶ እንደሰወራቸው ክብረ ነገሥቱ ይተርካል። ሰረገላቸውንም የሚስበው አልነበረም። እራሱ ከምድር አንድ ክንድ ያህል ከፍ ብሎ በሰረገላ ይሄዳል እንጂ ሰዎችም ቢሆኑ ፈረሶችም ቢሆኑ፡ በቅሎዎችም ቢሆኑ፡ የግመል በዝራዎችም ቢሆኑ፡ ከተጫኑትም ሁሉ አንድ ስንዝር ያህል ከፍ ይሉ ነበር። ታቦተ ጽዮን ከእነርሱ ጋር አለችና።

የእስራኤል ልጆችም የአሥራ ሦስት ቀናትን መንገድ በአንድ ቀን ከደረሱ በኋላ ለንጉሡ /ለምንይልክ/ “መታገስ ትችል እንደሆነ ምሥጢር እንንገርህ?” አሉት። እሱም እችላለሁ። እስከ ዕለተ ሞቴም አላወጣም አልናገርምአላቸው። እነሱም ፀሐይ ከሰማይ ወረደች። በሲናም ለእስራኤል ተሰጠች። ከሙሴ እስከ እሴይ ዘር ድረስ ለአዳም ዘር ሁሉ መድኃኒት ሆነች። እነሆ በእግዚአብሔር ፈቃድ በአንተ ዘንድ ናት። ይህም በእግዚአብሔር ፈቃድ እንጂ ከእኛ የተደረገ አይደለም። በጥበበኛውና በሠሪው ፈቃድ እንደዚህ ሆነ እንጂ ከእኛ የተደረገ አይደለም። እኛ ፈቀድን እግዚአብሔር ፈፀመ። እኛ ተስማማን እግዚአብሔር አሰመረልን። እኛ ተናገርን እግዚአብሔር ሠራ። እኛ አሰብን እግዚአብሔር ግን እውነት አደረገው። እነሆ ዛሬም እግዚአብሔር አንተን መረጠ። አገርህንም ወደደ። ይኸውም ለእግዚአብሔር ታቦተ ሕግ ለቅድስቲቱና ለሰማያዊቱ ጽዮን አገልጋይ ትሆን ዘንድ ነው። የአምላክህን የእግዚአብሔርን ፈቃዱን ብታደርግ ትዕዛዙን ብትጠብቅ እሷ እስከ ዘላለም ለአንተና ከአንተም በኋላ ለዘርህ መሪ ትሁንህ። አንተም ብትሻ እሷ ለመመለስ አትችልም። አባትህም ቢሻ ሊወስዳት አይችልም። እሷ ራሷ ወደምትሻበት ትሄዳለችና። ካልወደደችም ከመንበሯ አትነሳም። እነሆ እሷ የምንማጠንባት እናታችንና መድኃኒታችን መጠጊያችንና መማጠኛችን­፣ ክብራችንና የመድኃኒታችን መልህቅ ናትአሉት።

ከዚያም ታቦተ ጽዮንን ባሳዩት ጊዜ ደነገጠ። ሁለቱን እጆቹን በልቡ ላይ አስቀምጦ ሦስት ጊዜ ተነፈሰና በሰማይ የምትኖር ንጽሕት ቤት ማለትም ቅድስቲቱና ሰማያዊቷ ጽዮንን አይ ዘንድ እኛን የተጠላንና የተናቅን ሕዝቦችህን በእውነት በቸርነትህ ታስበናለህ? እግዚአብሔር ስለ ሠራልን መልካም ሥራ ሁሉ ምን እንከፍለዋለን? በምድር ምስጋናውን እናውቅ ለልእልናውም እንሰግድ ዘንድ በእሱ ዘንድ ኢምነት ሳለን በፀጋው ክብርና ምስጋናን አለበሰን። ለምርጦቹ ቸር ነውና እስከ ዘላለሙ ምስጋና ለእርሱ ይሁንአለ።

ታቦተ ጽዮን ከእነርሱ ጋር መሆንዋን ተጓዦች እንዳወቁ እንዚራንም አነሱ። ከበሮዎችና ነጋሪቶች ተመቱ። መለከቶችም ተነፉ። በዝማሬያቸው ቃል ምድረ ግብጽ ፈጽማ ታወከች። የግብጽ ጣኦታትም ተቀጠቀጡ። ታቦተ ጽዮን እንደ ፀሐይ ታበራ ነበርና ከግርማዋ ኃይል የተነሳ ይቀልጡ ነበር። የኢትዮጵያ አውራጃዎች ሁሉ በደስታ ሲዋጡ። ኢየሩሳሌም ላይ ደግሞ የሀዘን ደመና ደምኖ ነበር።

ካህኑ ሳዶቅ ወደ ንጉሥ ሰሎሞን በተመለሰ ጊዜ ሲተክዝ አገኘው። ንጉሡም ስላስተከዘው ነገር ለካህኑ ሳዶቅ ነገረው ንግሥቲቱ በመጣችበት ወቅት በሌሊት እንዲህ አሳየኝ። በኢየሩሳሌም ዋልታ እንደቆምኩ በይሁዳ አገር ከሰማይ ፀሐይ ወረደች። እጅግም አበራች። ቆይታም ጠፋች። በሀገረ ኢትዮጵያም አበራች። ሁለተኛም ወደ ይሁዳ ምድር አልተመለሰችም።

ካህኑ ሳዶቅ ይህን እንደሰማ ደንግጦ ወደ ቤተ መቅደሱ ገሠገሠ መብራትም ይዞ ወደ መቅደሱ ውስጥ ታቦተ ጽዮን ወዳለችበት ቦታ ፈጠነ። አዛርያስ በጽዮን ልክ ከመሰለው ከጥርብ እንጨት በቀር ምንም አላገኘም። ይህንን አይቶ በፊቱ በምድር ላይ ወደቀ። ነግሱም ፈሰሰች። በድንጋጤ እንደ በድን ሆኖ ነበር።

ወሬው ለንጉሥ ሰሎሞን በደረሰው ጊዜ በቁጣ ተነሣ ሊፈልጋቸው ሄደ። የታቦተ ጽዮን መወሰድ በተሰማ ጊዜ የቀሩት የእስራኤል ልጆች ከተማዋን የለቅሶ ቤት አስመሰሏት። ንጉሥ ሰሎሞን ሊደርስባቸው እንደማይችልና ይህ የሆነው በፈቃደ እግዚአብሔር መሆኑን ሲረዳ ወደ ቦታው ተመለሰ። ወደ ድንኳኑም ገብቶ አቤቱ የቃል ኪዳንህ ታቦት በዘመኔ ከእኛ ትወስዳታለህሲል የመረረ ልቅሶ አለቀሰ።

ንጉሥ ሰሎሞንም ወደ ኢየሩሳሌም እንደተመለሰ ከኢየሩሳሌም ሽማግሎች ጋር በእግዚአብሔር ቤት ውስጥ መራራ ልቅሶን አለቀሱ። ከሐዘናቸው ከተጽናኑ በኋላ ሽማግሎችም ተነሱና ንጉሡን ጌታችን ሆይ! ስለዚህ ነገር አትዘን። እግዚአብሔር የፈቀደው ቦታ ካልሆነ በቀር ጽዮን እንዳትቀመጥ አውቀናልና። ከመጀመሪያው እስከ መጨረሻውም ቢሆን ያለፈቃደ እግዚአብሔር የሚሆን የለም።በማለት በኤሎፍላውያን ተማርካ በነበረችበት ጊዜ ያደረገችውን ተአምር አውስተው በፈቃድዋ ወደ ኢትዮጵያ እንደሄደች አሳምነው ለእኛ ግን እግዚአብሔር ከወደደ በእኛ ዘንድ ኢየሩሳሌም ውስጥ አንተ የሠራህልን የእግዚአብሔር ቤት አለች። ልብህን አታሳዝነውበማለት አረጋጉት።

ንጉሡም ለሽማግሎች ክብራቸው ፈረሰ። እግዚአብሔርም ተዋቸው ብለው ያልተገረዙት ወገኖች /አሕዝብ/ በላያችን ላይ እንዳይመኩ ተውት ከእንግዲህ በኋላ ለሌሎች ወገኖች አትግለጹ እነዚህን የተጠጋጉና የተያያዙ ጠፍጣፋ ገበታዎች ግን አሁኑኑ እንቀድሳቸው በወርቅም እንለብጣቸው። በእመቤታችን በጽዮን ምሳሌም እንሸልማቸው። በውስጧም የሕጉን መጽሐፍ እናስቀምጥአላቸው። እነርሱም ሲመልሱለት የአምላክህ የእግዚአብሔር ፈቃድ ይሁን። እኛም ከቃልህ የምንተላለፈው ነገር የለም። ታቦተ ጽዮንም ከእኛ እንደተወሰደች ለሌላ ሕዝብ አንነግርምበማለት ቃል ተገባቡ።

በዚህ መልኩ ታቦተ ጽዮን ወደ ኢትዮጵያ እንደ ገባች ክብረ ነገሥት ይተርካል። ይህን የክብረ ነገሥት መረጃ ከአፈ ታሪክነት የሚፈርጁ የውጭ ምሁራን በታሪክነቱ ባይቀበሉትም ኢትዮጵያውያን ምእመናን ግን እውነተኛ ታሪክ መሆኑን አምነን የምንቀበለው ነው። የክብረ ነገሥትን ትረካ በጭፍን ሳይኮንን እውነታ እንዳለው በማመን ክብረ ነገሥቱን መነሻ በማድረግ የታሪክ መዛግብትን፣ አርኪዎሎጂካል ግኝቶችን፣ የመጽሐፍ ቅዱስና የታሪክ ሊቃውንትን አስተያየት አሰባስበው መረጃዎችን ያቀረቡ ጸሐፊዎች ብዙ ናቸው።

~~~~~~~~~~~~~~~~~~~~~~~~~~~~~~~~~~

Posted in Ethiopia | Tagged: , , , , , | Leave a Comment »

 
%d bloggers like this: