Addis Ethiopia Weblog

Ethiopia's World / የኢትዮጵያ ዓለም

Posts Tagged ‘Ethiopian Mystery’

ሰባት ፍጹም ቁጥር ነው | በፍቅርና አንድነት ሰባተኛ ሆንን፣ እንኳን ደስ ያለን! የኢትዮጵያ ጠላቶች ፭፣ ፮፣ ፯ ጊዜ ተመቱ

Posted by addisethiopia / አዲስ ኢትዮጵያ on August 14, 2017

ተቀበልንም አልተቀበልንም ፥ ወደድንም ጠላንም፡ ኢትዮጵያ አገራችን የሌላ የማንም ምድር አይደለችም፤ የእግዚአብሔር ምድር ናት። ስለዚህ፡ በምድረ ኢትዮጵያ እየተንከባከበ ለድል የሚያበቁን አንድ እግዚአብሔር እና በቅዱሳን ተራሮቻችን ያስቀመጣቸው የእርሱ መላዕክትና ቅዱሳን ናቸው።

ሰሞኑን በለንደኑ የዓለም አትሊቲክስ ውድድር ያየነው፤ አንድነት፣ ፍቅርና መተሰሳብ ለድል እንደሚያበቃንና ምንም ነገር ሊበግረን እንደማይችል ነበር ያሳየን።

የሆነ ወቅት ላይ የእግዚአብሔር እጅ እንዳለበት ሆኖ ነበር የታየኝ።

ሲያሽሟጥጡብን፣ ሲሳለቁብን፣ ሲተናኮሉን፣ ሲያዳክሙንና ቅስማችንን ለመስበር ሲሞክሩ የነበሩት ተንኮለኛ እባቦች በእግዚአብሔር እጅ ተደቁሰዋል። ከሌላ ጊዜ ጋር ሲወዳደር የተገኘው የሚዳሊያ ቁጥር ብዙም አይደለም፣ ነገር ግን፣ በወገኖች ላይ ቀጥተኛ የሆነ ጥቃት በሚፈጸምበት የዛሬ ወቅት፣ የቴሌቪዥን ካሜራሰዎችና ፕሮግራም አቅራቢዎች ተራችን ሲደርስ ዘወር ማለታቸውንና ሌሎቹን እንቅፋቶች ሁሉ አልፈው ለዚህ መብቃታቸው በእውነት እንደ ተዓምር ነው የሚቆጠረው። እንደ ኪኒያ ሁለተኛ፣ ወይም እንደ ሞግዚቷ እንግሊዝ 6ኛ ከመውጣት ሰባተኛ መውጣታችን እንደ ትልቅ ድል ይቆጠራል።

በሜዳልያ ደረጃ ሰባተኛ መሆናችንም ያለምክኒያት አይደለም፤ ሙስሊሙ ወንድማችን (በኢትዮጵያዊነት) ሙክታርም የአምልኮ ወንድሙን መሀመድ ፋራን መፈርፈሩ ያለምክኒያት አይደለም (ሌላ ጊዜ እመለስበታለሁ)

በቅዱስ መጽሐፍ አቆጣጠር ሰባት () ፍጹምና ሙሉ ቁጥር በመሆኑ ከአንድ እስከ ሰባት ( ፩–፯ ) የተዘረዘሩት ምስጢራተ ቤተክርስቲያንም እንከንና ጉድለት የሌለባቸው ፍጹማን ናቸው።
ሰባት ቁጥር በመጽሐፍ ቅዱስ ሥርዓት ፍጹም ለመሆን ለማወቅ ከዚህ የሚከተሉትን ማስረጃዎች እንመልከት፦

ሰባት ቁጥር ምስጢራት በቤተክርስቲያን፤

በመጽሐፍ ቅዱስና በስርዓተ ቤተክርስቲያን አስተምህሮ ስባት ቁጥር ብዙ ምሳሌ እንዳለው ይታወቃል፡፡ በዕብራዊያን ዘንድም ሰባት ፍጹም ቁጥር ነው፡፡ [ምሳሌ 2416} እግዚአብሔር ከሰኞ እስከ እሑድ ያሉትን ቀናት በሰባት ቁጥሮች ወስኗል ሕዝበ እስራኤል ከግብጽ ባርነት ወጥተው በሲና በርሀ ሲጓዙ ይመሩት የነበሩት በ7 ደመና እንደነበረ ይታወቃል፡፡ [ዘዳ 1321]

ከዚህ ቀጥለንም ለቤተክርስቲያን አስተምህሮ የ፯ ቁጥር ምስጢራትን ምሉዕነትን የሚያስረዱ ልዩ ልዩ ማስረጃዎችን በዝርዝር እንመለከታለን፦

/ ሰባቱ አባቶች

1. ሰማያዊ አባታችን እግዚአብሔር
2.
የነፍስ አባት
3.
ወላጅ አባት
4.
የክርስትና አባት
5.
የጡት አባት
6.
የቆብ አባት
7.
የቀለም አባት

/ ሰባቱ ዲያቆናት

1. ቅዱስ እስጢፋኖስ
2.
ቅዱስ ፊልጶስ
3.
ቅዱስ ጵሮክሮስ
4.
ቅዱስ ጢሞና
5.
ቅዱስ ኒቃሮና
6.
ቅዱስ ጳርሜና
7.
ቅዱስ ኒቆላዎስ

/ ሰባት የጌታ ቃላት /እኔ ነኝ

1. የሕይወት እንጅራ እኔ ነኝ
2.
የዓለም ብርሃን እኔ ነኝ
3.
እኔ የበጎች በር ነኝ
4.
መልካም እረኛ እኔ ነኝ
5.
ትነሣዔና ሕይወት እኔ ነኝ
6.
እኔ መንገድና ሕይወት ነኝ
7.
እውነተኛ የወይን ግንድ እኔ ነኝ

/ ሰባቱ ሰማያት

1. ጽርሐ አርያም
2.
መንበረ መንግሥት
3.
ሰማይ ውዱድ
4.
ኢየሩሳሌም ሰማያዊት
5.
ኢዮር
6.
ራማ
7.
ኤረር

/ ሰባቱ ሊቃነ መላእክት

1. ቅዱስ ሚካኤል
2.
ቅዱስ ገብርኤል
3.
ቅዱስ ሩፋኤል
4.
ቅዱስ ራጉኤል
5.
ቅዱስ ዑራኤል
6.
ቅዱስ ፋኑኤል
7.
ቅዱስ ሳቁኤል

/ ሰባቱ አብያተ ክርስቲያናት

1. የኤፌሶን ቤተ ክርስቲያን
2.
የሰርምኔስ ቤተ ክርስቲያን
3.
የጴርጋሞን ቤተ ክርስቲያን
4.
የትያጥሮስ ቤተ ክርስቲያን
5.
የሰርዴስ ቤተ ክርስቲያን
6.
የፊልድልፍልያ ቤተ ክርስቲያን
7.
የሎዶቅያ ቤተ ክርስቲያን

/ ሰባቱ ተዐምራት

  • ጌታ እኛን ለማዳን በመስቀል ላይ በተሰቀለ ጊዜ የተፈጸሙ ተዐምራት

1. ፀሐይ ጨልሟል
2.
ጨረቃ ደም ሆነ
3.
ከዋክብት ረገፉ
4.
ዐለቶች ተሠነጠቁ
5.
መቃብራት ተከፈቱ
6.
ሙታን ተነሡ
7.
የቤተ መቅደስም መጋረጃ

/ ሰባቱ የመስቀሉ ቃላት

1. አምላኬ አምላኬ ለምን ተውከኝ
2.
አባት ሆይ የሚያደርጉትን አያውቁምና ይቅር በላቸው
3.
ዛሬ ከእኔ ጋራ በገነት ትሆናለህ
4.
እነሆ ልጅሸ እናትህ እነሆት
5.
ተጠማሁ
6.
ተፈጸመ
7.
አባት ሆይ ነፍሴን በእጅህ አደራ እስጥሃለሁ

/ ሰባቱ ምሥጢራተ ቤተ ክርስቲያን

1. ምሥጢረ ጥምቀት
2.
ምሥጢረ ሜሮን
3.
ምሥጢረ ቁርባን
4.
ምሥጢረ ክህነት
5.
ምሥጢረ ተክሊል
6.
ምሥጢረ ንስሐ
7.
ምሥጢረ ቀንዲል

/ ሰባቱ ዐበይት አጽዋማት

1. ዐቢይ ጾም
2.
የሐዋርያት ጾም
3.
የፍልሰታ ጾም
4.
ጾመ ነቢያት
5.
ጾመ ገሀድ
6.
ጾመ ነነዌ
7.
ጾመ ድኅነት

/ ሰባቱ በእግዚአብሔር ዘንድ የተጠሉ ነገሮች

1. ትዕቢተኛ ዓይን ምሳ 166-19
2.
ሃሰተኛ ምላስ
3.
ንፁህን ደም የምታፈስ እጅ
4.
ክፉ ሃሳብን የምታፈልቅ ልብ
5.
ለክፋት የምትፈጥን እጅ
6.
የሐሰት ምስክርነት
7.
በወንድሞች መካከል ጠብን የምታፈራ ምላስ

/ ሰባቱ ፀሎት ጊዜያት

1. ነግህ የጠዋት ጸሎት
2.
ሠለስት (3 ሰዓት ጸሎት)
3.
ቀትር (6 ሰዓት ጸሎት)
4.
ተሰአቱ (9 ሰዓት ጸሎት)
5.
ሰርክ (11 ሰዓት ጸሎት)
6.
ነዋም (የምኝታ ጸሎት)
7.
መንፈቀ ሌሊት (የሌሊት ጸሎት)

______

Posted in Conspiracies, Ethiopia | Tagged: , , , , , , , , | 2 Comments »

የረር ጽርሃ ሥላሴ ተዓምርና ምስጢር

Posted by addisethiopia / አዲስ ኢትዮጵያ on January 16, 2012


 

 

ሰሞኑን ወደ የረር በር ሥላሴ ገዳም ጎራ ብየ ነበር። እንደሚታወቀው ይህ ገዳም የተሰራው ከ6 ዓመታት በፊት፤ ሁለት ግለሰቦች የተለያዩ ራዕዮች ከታዩአቸው ጊዜ በኋላ ነበር።

የመጀመሪያውን ራዕይ ያዩት አንዲት ሴትዮ ነበሩ። እኚህ ክርስቲያን ኢትዮጵያዊት አሁን ገዳሙ የሚገኝበትን ቦታ በወቅቱ በመግዛት አነስተኛ የሆነ ቤት ሠርተው መኖር ጀመሩ። ነገር ግን ይህን ቦታ ለቀው እንዲሄዱ የሚጠቁም ራዕይ በተደጋጋሚ ይታያቸው ነበር። ሴትዮዋም ይህን ራዕይ ቸል በማለታቸውና ኑሮአቸውንም እዚያው ቦታ ላይ ለመግፋት በመወሰናቸው እያበዱ መጡ። በዚህም ምክኒያት ከዓመት በኋላ ግቢውን ለቅው ለመውጣት ተገደዱ።

ቀጥሎም ራዕይ ለማየት የበቁት ግለሰብ አሁን ገዳም የሚገኝበት አካባቢ ላይ መሬት ገዝተው ከባለቤታቸው ጋር የሚኖሩት ሙስሊም ኢትዮጵያዊ፡ አቶ ቃሲም ናቸው። በራዕይ ተገለጠለት፡ ይመልከቱ

አካባቢው፡ በጣም ልዩ የሆነ፡ ባለታሪክ እና የተቀደሰ እንደሆነ ለእኝህ ሰው በራዕይ ይታያቸው ነበር። እዚህ ቦታ ላይ መሬት ሥር ተደብቆ የሚገኝ አንድ የጥንት ቤተክርስቲያን ሕንፃ እንዳለ እመቤታችን ድንግል ማርያም ለኚህ ግለሰብ በራዕይ ደጋግማ ትገልጽላቸዋለች።

ራዕያቸውንም ለሚያውቋቸውና ለሚመለከታቸው ወገኖች ሁሉ ለማጫወት ከበቁ በኋላ መጨረሻ ላይ ቤተ ክርስቲያኗ አለችበት ወደተባለው ቦታ ሁሉም አምርተው ቁፏሮ ይጀምራሉ። ግለሰቡ በራዕይ የታዩዋቸው ነገሮች ሁሉ መሬት ውስጥ ተቀብረው ይገኛሉ፡ ከነዚህም ውስጥ ጥንታዊ አጽሞች፡ መስቀላት እና ቅርሳቅርሶች ይገኙበታል።

4ኛው ምዕተ ዓመት ላይ በኢትዮጵያና አካባቢዋ ነግሥው ሲያስተዳድሩ የነበሩት አብርሃወአጽበሃ በሥላሴ ስም ይህችን ቤተከርስቲያን አሰርተዋት እንደነበር አሁን በደንብ ለማወቅ ተችሏል። ባካባቢው ገና ብዙ ምስጢራዊ የሆኑ ነገሮች እንደሚገኙ ይታመናል። ሣርና ዛፎች በሚገኙበት ቦታ ላይ ከየት እንደሚመጣ የማይታወቀው የሚጤስ ዕጣን ሽታ አልፎ አልፎ እንደሚሸታቸው ሰዎች ይናገራሉ። በጣም ቅዱስ የሆነ ጽላትም አሁን ቤተክርስቲያን የተሰራበት ቦታ አካባቢ ጥልቅ መሬት ውስጥ ተደብቆ እንደሚገኝ ነገር ግን እሱን እስካሁን ለማውጣት እንዳልተቻለ የኃይማኖት መሪዎች አውስተውኛል።

አሁን ቤተክርስቲያኗ በነበርችበት ቦታ ላይ የረር ጽርሃ ሥላሴ ገዳምበቆንጆ መልክ ተሰርቷል።

ቀደም ሲል የጠቀስኳት ሴትዮ መጀመሪያ ትኖርበት በነበረው ቦታ ላይ አንድ አነስተኛ ቤተመቅደስ ተሠርታለች።

ሴትዮዋም ሥላሴ ገዳም አጠገብ አንድ ቤት ተሠርቶላት ከልጅዋ ጋር እየኖረች እንዳልች ባለፈው መስከረም 2004፡ ልክ በሥላሴ ዕለት ፡ ከዚህ ዓለም በሞት ተለይታናለች። (እግዚአብሔር አምልክ ቀበላት!)

አቶ ቃሲም ከገዳሙ አጠገብ ከቤተሰባቸው ጋር አንድ አነስተኛ ሱቅ ከፍተው ይኖራሉ። አቶ ቃሲም ከቤተክርስቲያን ሰዎች ጋር በየጊዜው ይገናኛሉ፡ ነገር ግን ተባብሮ ለመስራት ፈቃደኛ እንዳልሆኑ እሳቸው እና ያነጋገርኳቸው የቤ/ክርስቲያን አገልጋዮች አውስተውኛል።

በቤተክርስቲያን በኩል አቶ ቃሲምን ለማስጠመቅ የተሞከረው ሙከራ ሁሉ ከሽፏል። አቶ ቃሲም ለመጠምቅ እና ክርስትናን ለመቀበል ፈቃደኛ አይደሉምና። እንዲያውም፡ እሳቸው፡ በድፍረት የቤተክርስቲያን አገልጋዮችን እንደሚሳደቡ፡ “ቄሶቹ የገንዘብ አፍቃሪዎች ናቸውእያሉ ስማቸውን እንደሚያጠፉ ነው የተነገረኝ።

አቶ ቃሲም፡ እኔ አሁን ለመጠመቅ ዝግጁ አይደለሁም!” “አባቶች በሚባሉትታሪክ አምናለሁ፡ ነገር ግን እኔን ለማጥመቅ ብቃት ያላቸው ቄሶች የሉም፡ ሁሉም የገንዘብ አፍቃሪዎች ናቸው…. በነገራችን ላይ ሙስሊም ራዕይ አይታየውምእየተባለ አይደለም አዲስ አበባ በየመንገዱ የሚወራው!?” እያሉ በማፌዝ አጫወቱኝ ነበር።

ይህም ሁኔታ በጣም ስላሳዘነኝ ነገሮችን ጠለቅ ብዬ ለመመርመር ሞከርኩ፤ ሁሉም የተወሳሰበ ስለሆነ ጉዳዩ ብዙዎቻችን ልናስብ እንደምንችለው ሆኖ መቀመጥ እንደማይኖርበት አሁን ተረዳሁ።

ይህ ቦታ ብዙ ታላላቅ ምስጢሮች የተደበቁበት እና መንፈሳዊ የሆኑ ጉዳዮች የሚገኙበት ቦታ ስለሆነ ከፍተኛ መንፈሳዊ ትግል ይካሄድበታል። ሰይጣን ከቅዱሳን ቦታዎች አይርቅምና ባገኘው አጋጣሚ ሁሉ ተንኮልን እየፈጠረ ቅዱስ መንፈስን (ሥላሴን) ለመፈታተን ይሞክራል።

አቶ ቃሲም ከጥሩ የኢትዮጵያ ክርስቲያን ቤተሰብ የወጡ፡ አባት እና እናታቸው ታማኝ የቤተክርስቲያን አገልጋዮች እንደነበሩ፡ ባለቤታቸውም ክርስቲያን የሰሜን ሴት እንደሆኑ ተነግሮኛል።

50 ዓመት ዕድሜ የሚሆናቸው አቶ ቃሲም በወጣትነት እድሜአቸው ወደ አረብ አገር ሄደውና ሰልመው ከተመለሱ በኋላ ነበር ለዚህ የራዕይ ጸጋ ለመታደል የበቁት። የአባቶቻቸውን እና የእናቶቻቸውን እምነት የከዱት አቶ ቃሲም እስልምናን በመቀበል የኢትዮጵያን አምላክ ጨምረው ነበር የከዱት፤ ነገር ግን እግዚአብሔር ቻይ፡ መሐሪ እና ሩህሩህ ነውና ለአባቶቻቸው፡ ለእናቶቻቸውና ለባለቤታቸው ሲል አንድ ሌላ እድል ሰጣቸው። እሱም፡ ፈጣሪአችን የኢትዮጵያ አምላክ እና ሥላሴ መሆኑን በእመቤታችን አማካይነት ገለጸላቸው፡ የተገለጸላቸውም ሁሉ ከነማስረጃው ፊታቸው ላይ ቀረበ፡ አቶ ቃሲም ግን ጥመቅትን የመሰለ ታላቅ ስጦታ ለመቀበል ወይም ለመጠመቅ ፈቃደኛ አይደሉም። እንዲያውም ሳዑዲ ዓረቢያ ሄጄ ሸሆችን ማማከር አለብኝ እያሉ በማቅማማት ላይ ይገኛሉ።

የኢትዮጵያ ሕዝብ እንደ አምላኩ ታጋሽ፡ መሐሪ እና ሩህሩህ ስለሆነ፡ ተጠምቀህ ብትድን ጥሩ ነው፡ መዳን ትፈልጋለህን?” ብሎ ከመጠየቅ ሌላ ማንንም አስገድዶ ወደ እግዚአብሔር ኃይማኖት የመቀየር ፍላጎቱም የለውም። አቶ ቃሲም ያው ሥላሴ ቤተክርስቲያን አጠገብ ቤት ሠርተው ይኖራሉ። እዚያም ሆነው የቤተክርስቲያን አገልጋዮችን መሳደብና መገለማመጥ ችለዋል፡ ሆኖም ክርስቲያኑ ተገርሞ ራሱን ከመነቅነቅ በቀር ማንም ትንፍሽ ብሎ ሊነካቸው የቃጣ የለም።

ክርስቲያኖች እስላም በሆኑ አገሮች የሚደርሱባቸውን በደሎች ዓለም ሁሉ የሚያውቀው ነው። አረብ አገር የሚገኝ አንድ ክርስቲያን፡ እንኳን ሸሆችን እና ኢማሞችን እንዲህ በግልጽ ሊሳደብ እና መስጊድ አጠገብ ቤት ሰርቶ ሊኖር፡ መጽሐፍ ቅዱስን ይዞ፡ መስቀል አንጠልጥሎ ወደ አገራቸው ከገባ እንኳ ለእስራት፡ ለስቃይና ለግድያ ይበቃል።

ከዕለታት አንድ ቀን በግብጽ አገር ያሉ አንድ ሙስሊም ሸህ ፡ ታዋቂ የነበረውን ግብጻዊ ክርስቲያን መሀንዲስ መስጊድ እንዲሰራላቸው ይጠይቁታል። እርሱም በደስታ ፈቃደኝነቱን ይገልጽ እና መስጊዱን በደንብ አሳምሮ ይሰራላቸዋል። በዚህም ሥራው በጣም የተደሰቱት ሸህ ወደ መሀንዲሱ ዘወር ይሉና አሁን እስልምናን ተቀበል!” ብለው ይጠይቁታል፤ መሀንዲሱ ግን አይ አይሆንም እልምናን አልቀበለዐም በማለቱ አስገደሉት።

ክርስቶስ አምላክ፤ ስለ አየኸኝ አምነሃል፤ሳያዩየሚያምኑ ብፁዓን ናቸውብሎ አስተምሮናል። ስለዚህ አሁን አቶ ቃሲም ታላቅ ፈተና ላይ ነው የሚገኙትክርስቶስን ወይም ሥላሴን የሚቀበሉት ቄሶቹን ወይም ሌላውን ለማስደሰት ብለው መሆን የለበትም፡ እግዚአብሔርን እንጂ። መዳን መፈለግ አለመፈለግ የራሳቸው መብት ነው፤ ግን ለጠፉት ሙስሊም ወገኖቻቸው አርአያ በመሆን ወደ ክርስቶስ መንግሥት እንዲመጡ ቀጥተኛውን መንገድ መምረጥ ነበረባቸው። በስድስት ዓመታት ውስጥ ስንት ሙስሊም መዳን በቻለ ነበር! የቤተክርስቲያን አገልጋዮች ጥፋት ወይም ድክመት የለባቸውም ማለት አይደልም፡ ሁላችንም ድክመት አለብን፡ ኃጢአተኞችም ነን፡ ነገር ግን እንኳን ከውጭ ሆነው ለሚታዘቡት አቶ ቃሲም ቀርቶ ክርስቲያኖችም እንኳ ቢንሆን በቤተክርስቲያን አገልጋዮች ላይ ምንም ዓይነት ስድብና ዘለፋ እንዲሁም ተቃውሟዊ ኃይለ ቃል የመሠንዘር መብት ሊኖረን አይገባም። የስድብና ፌዝ መንፈስ ከእግዚአብሔር አይደለምና!

አንድ ሌላ የታዘብኩት አሳዛኝና በጣም አደገኛ የሆነ ነገር የሚከተለው ነው፤

የሥላሴ ገዳምን አድራሻ ፈልጌ ለማግኘት በሞከርኩበት ወቅት የረር ሠፈር አንዳንድ ሰዎችን እጠይቅ ነበር። በአንድ ወቅት እስላማዊ አለባበስ የነበራቸው አንዲት ሲትዮ ወደኔ ጠጋ ብለው መጡና፡ “ “ቃሲም ሥላሴን” ነው እየፈልግክ ያለኽው? በዚህ በኩል ስትሄድ ታገኘዋለህ” ብለውኝ አለፉ። “ቃሲም ሥላሴ?” ፤ ይህ እንዴት ሊሆን ይችላል? ብዬ እጅግ በጣም ተቆጣሁ። ወደ 20 የሚጠጉ የአካባቢውን ነዋሪዎችና ጎብኝዎች፤ “የዚህ ቦታ ስም መጠሪያ ምን ይባላል?” ብዬ መጠያየቅ ጀመርኩ። “ሥላሴ” “የረር ሥላሴ” “ሠፈራ ሥላሴ” ተብሎ እንደሚጠራ ነው በብዛት የተነገረኝ። “ቃሲም ሥላሴ” በማለት አንዳንዴ ለመጥራት እንደሚሞከርም ግለሰቦቹ በሃዘንና በንዴት ገልጸውልኛል። በርግጥም ገዳሙን በዚህ ዓይነት መልክ ለመጥራት መሞከሩ በጣም መጥፎ ብቻ ሳይሆን እጅግ ኃይለኛ መቅሰፍት አምጪም ነው።

ከዚህ በተረፈ ሦስት ዓብያተክርስቲያናት በነዋሪው ብርታት በሥላሴ ዙሪያ፡ ትንሽ ራቅ ራቅ ብለው ተሠርተዋል። ብዛት ያላቸው ሙስሊሞችም በቤ/ክርስቲያን አገልጋዮች ጥረት በየረር ጽርሃ ሥላሴ ተገኝተው በመጠመቀ እየዳኑና ክርስቶስንም እየተቀበሉ እንደሆነ ለማወቅ ችያለሁ።

ሥላሴ የተመሰገኑ ይሁኑ!

__________________________

Posted in Ethiopia | Tagged: , , , , , , , | Leave a Comment »

 
%d bloggers like this: