የዲያብሎስ ተስፈኛ ሁሉ ዘመንህ መከደኑን እወቅ

_____________________________

መምህር ደረጀ | ዶ/ር አብይ ለምኑ ነው የተሸለመው? | ግብረሰዶማዊነትን ቢቃወም ኖሮ ኖቤል ሽልማትን አያገኝም ነበር

“አርቀህ ጕድጓዱን አትቆፍረው ፥ ምናልባት አንተ ልትገባበት ትችላለህ!”

“ግብረሰዶምን በአደባባይ ቢቃወም ኖሮ የኖቤል ሽልማትን አያገኝም ነበር፤ ምክኒያቱም የዓለም መንግስታት እነደነርሱ ሃሳብ ሰው ካልሄደ ሽልማትን አይደለም ለእጩነት እንኳን አያቀርቡትም። ግብረሰዶምን ፊት ለፊት እንደ ኡጋንዳው መሪ የእኛ መሪ አልተቃወመም፤ ይህ ሁሉ ሕዝብ ሲንጫጫ፣ ይህ ሁሉ ሜዲያ ሲናገር ዶ/ር አብይ አንድም ቀን ወጥቶ “ግብረሰዶም አያስፈልግም” አላለም፤ ለምን አላለም?

ቤተክርስቲያን አልቅሳ መልስ ሳይሰጥ ቢሸለም ትርጉሙ አይገባኝም። የዓለም መሪዎች ለአብይ “በኢትዮጵያ በምታደርጋቸው ነገሮች ሁሉ ለእኛ ተመችተኸናል” በማለት ነው ለአብይ የሸለሙት።

መንግስት ንስሐ ገብቶ፣ ሕዝቡን ይቅርታ ጠይቆ፣ የሕዝቡን ፍላጎት ጠብቆ፣ ኢትዮጵያ ወደ አንድነትና ወደ ሰላም የምትመጣበትን መንገድ እንዲፈጠር ቢያደርግ የበለጠ የተሻለ ነው ፥ አለበለዚያ ግን ውጤቱ መልካም አይሆንም፤ ከባድ ነው የሚሆነው። ከእግዚአብሔር ጋር መጣላት ደግሞ አወዳደቅን ማክፋት ነው፣ ጕድጓድን ማራቅ ነው፤ “አርቀህ ጕድጓዱን አትቆፍረው ፥ ምናልባት አንተ ልትገባበት ትችላለህ” የሚባል አባባል አለና ያ እንዳይሆን መጀመሪያ የቤታችንን ሥራ እንሥራ።”

100% ትክክል። በእውነት መምህር ደረጀ ነጋሽ እና የአዲስ አበባ ዩኒቨርሲቲው ዶ/ር ደረጀ ዘለቀ የእምነት መንፈስ አላቸው፤ ስለዚህ የሚያምኑትን ቀጥተኛ ነገር እንዲህ ይናገራሉ። ደረጀዎች በጣም ተመችተውኛል፤ ቃለ ሕይወትን ያሰማልን!

________________________