Addis Ethiopia Weblog

Ethiopia's World / የኢትዮጵያ ዓለም

Posts Tagged ‘ደመና’

ያልተለመደ ክስተት በአውሮፓ | የ አሳማ ቅርጽ ከሠራው ደመና ሥር ኃይለኛ አውሎ ነፋስ ሲሽከረከር

Posted by addisethiopia / አዲስ ኢትዮጵያ on May 1, 2019

__________________

Posted in Curiosity, Ethiopia | Tagged: , , , , , , , | Leave a Comment »

አስደናቂ ዕይታ | በደመናዎች መሃል የገባው የፀሐይ ብርሃን መስቀል ሠርቷል

Posted by addisethiopia / አዲስ ኢትዮጵያ on April 27, 2019

ፍኖተ መስቀል – የመስቀል መንገድ

ፍኖተ መስቀል ማለት ጌታችን መድኃኒታችን ኢየሱስ ክርስቶስ ከጲላጦስ ዐደባባይ አንሥቶ መስቀሉን ተሸክሞ እስከተሰቀለበት ተራራ ቀራንዮ ድረስ የተጓዘበት መንገድ ማለት ነው፡፡

ጌታችን መድኃኒታችን ኢየሱስ ክርስቶስ ሐሙስ ማታ እንደተያዘ ሌሊቱን ሁሉ መከራ ሲቀበል አድሮ ዓርብ ጧት የአይሁድ ሽማግሌዎችና አለቆች ተሰብስበው ወደ ሹሙ ወደ ጲላጦስ ቤት ይዘውት ሔዱ፡፡ ከዚያም ይህ ሰው ከሕጋችን ጋር የማይስማማ ትምህርት ሕዝቡን ያስተምራልና እንደ ሕጋችን ሞት ይገባዋል፡፡ ንጉሥ ነኝ፣ እያለም ያታልላል በማለት በሹሙ ፊት ቀርበው ከሰሱት፡፡ ጲላጦስ ግን ብዙ ቢዋሹበትና ቢከሱት አላመናቸውም ነበር፡፡ ምክንያቱም መርምሮ በደል አላገኘበትምና ሊያድነው አስቦ ነበር፡፡ ግን ሊያድነው አልተቻለውም፡፡

ጲላጦስ ጌታችንን ሲመረምር ለብቻው አቁሞ መጠየቅ የሮማውያን ልማድ ነበርና አዳራሽ አስገብቶ ለብቻው የተከሰሰበትን ነገር ጠየቀው፡፡ አይሁድ ግን በዓለ ፋሲካ ደርሶባቸው ነበርና ስለ በዓሉ ክብር ሲሉ ወደ ፍርድ ቤት አልገቡም፡፡ ከውጪ ተሰብስበው እርስ በእርሳቸው እንደፈቃዳቸውና እንደምኞታቸው ጌታን ለመስቀል ያስቡ ነበር፡፡

ጲላጦስም ጌታን ለብቻው በጥያቄ ከመረመረው በኋላ ከአዳራሹ ወደ ውጭ ብቅ ብሎ በዚህ ሰው ለሞት የሚያበቃ በደል ወይም ምክንያት አላገኘሁበትም ያውላችሁ አላቸው፡፡ እነሱም ራሱን ከእግዚአብሔር ጋር አስተካክሏልና ሞት ይገባዋል፡፡ ስቀለው፣ ስቀለው እያሉ መለሱለት፡፡ እሱም እንደገና ለብቻው ጠይቆና መርምሮ የሚሞትበት በደል ስላላገኘበት ከአዳራሹ ወደ ውጭ ወጣና ውኃ አስመጥቶ በሕዝቡ ፊት እጁን ታጠበ፡፡ ከዚህም ሰው ደም ንጹሕ ነኝ ሞት አልፈርድበትም እያለ ሐቁን መሰከረ፡፡

አይሁድ ግን ይህ ሰው ንጉሥ ሳይሆን ንጉሥ ነኝ ብሏል፤ ንጉሥ ነኝ የሚል ሁሉ የቄሳር ተቃዋሚ ጠላት ነው፡፡ የቄሳር ወደረኛ መሆኑን እኛ እየመሰከርን አንተ ግን የቄሳር ሹም ሆነህ ብትለቀው አንተ ታውቃለህ እያሉ ጲላጦስን አስፈራርተውታል፡፡ ጲላጦስም ይህን ሲሰማ በራሱ ላይ ክስ እንዳይመጣበት ጌታችንን አሳልፎ ሰጥቷቸዋል፡፡

ከዚህ በኋላ ጌታችንን ወታደሮቹ ተቀብለው ወደ ሌላ አዳራሽ አስገቡት፡፡ ልብሱን ገፍፈው፣ ሌላ ቀይ ልብስ አልብሰው፣ የሾህ አክሊል በራሱ ላይ ደፍተው፣ ዘንግ በእጁ አስይዘው፣ ሎቱ ስብሐት ንጉሥ ከሆንህ ለአንተ ስግደት ይገባል፡፡ ልብሰ መንግሥት ያምርብህ ይሆን? ክርስቶስ ከሆንህ ትንቢት ንገረንእያሉ ፊቱን ሸፍነው ራስ ራሱን በዘንግ እየመቱ ተሳለቁበት፡፡

ከያለበሱትንም ልብስ ገፍፈው የቀድሞ ልብሱን አልብሰው፣ መስቀሉን አሸክመው ወደሚሰቀልበት ቦታ ወደ ቀራንዮ ሲወስዱት የተነሡበት ቦታ ገበታ /ገበጣ/ ተብሎ ይጠራል፡፡ ከዚህ ቦታ ተነሥቶም መስቀሉን ተሸክሞ መከራውን ታግሶ እስከ ቀራንዮ የተጓዘበት ፍኖተ መስቀል ይባላል፡፡

___________________

Posted in Curiosity, Ethiopia, Faith | Tagged: , , , , , , , , , , , , | 1 Comment »

ቅ/ ስላሴ ቤተክርስቲያን ሰማይ ላይ የኢትዮጵያ ቀለማት ይታያሉ፤ ጠላቶቿንም ያስጠነቅቃሉ

Posted by addisethiopia / አዲስ ኢትዮጵያ on January 15, 2019

ምዕራባውያኑ ዔሳውያን እና ምስራቃውያኑ እስማኤላውያን ከጡትነካሾቹ ኢትዮጵያውያን ጋር በማበር በአገራችን እና በተዋሕዶ ክርስትና እምነት ላይ በጣም ትልቅ የሆነ ሤራ በመጠንሰስ ላይ ናቸው፤ ይህንንም አይደብቁትም፣ በግልጽ እየነገሩን ነው፦ የሉሲፈራውያኑ መጽሔት Foreign Policy“ ሰሞኑን እባባዊ የሆኑ ጽሑፎችን በተከታታይ በማቅረብ ላይ ይገኛል። በዛሬው ዕለት Don’t Let Ethiopia Become the Next Yugoslaviaኢትዮጵያን የምትቀጥለው ዩጎዝላቪያ እንዳታደርጓት” በሚል ር ዕስ ሌላ የማታለያ ጽሑፍ ይዞ ቀርቧል። ይህ መጽሔት Council on Foreign Relationsበተሰኘው የኢሉሚናቲዎች ተቋም ነው የሚታተመው)

ዩጎዝላቪያ ለመበታተን የበቃችው ኦርቶዶክስ ክርስቲያን የሆነችውን ሰርቢያን በማጥቃት ነበር። በአሜሪካና አውሮፓውያን ሤራ። ልክ አሁን ኦርቶዶክስ ሩሲያን ለመምታት በዩክሬይን እየጠነሰሱት እንዳለው ሤራ ማለት ነው። ባለፈው ገና ዋዜማ የዩክርየን ኦርቶዶክስ ቤተክርስቲያን ከእናቷ ከሩሲያ ኦርቶዶክስ ቤተክርስቲያን በይፋ እንድትከፈል ተደርጓል። ያውም በገና ዋዜማ! ይህ ብዙ ያልተወራለት አሳዛኝ የታሪክ ክስተት ነበር።

በኢትዮጵያና ኤርትራም ይህን አይተናል፥ አይደል? ያው እንግዲህ ሉሲፈራውያኑ ላለፉት 50 ዓመታት የቀመሙትን ተንኮለኛ ሥራ በአገራችንም በማከናወን ላይ ናቸው። ሰሞኑን በይበልጥ የምናየው ነው!

ብዙዎቻችን እስካሁን በደንብ የተረዳነው አይመስለኝም፤ በትግርኛ ተናጋሪ ኢትዮጵያውያን ላይ እየተካሄደ ያለው የጥላቻ ዘመቻ ለተዋሕዶ ክርስትናችን የጀርባ አጥንት የሆነውን የአገራችንን ክፍል ለመምታት የታሰበ ዲያብሎሳዊ ሤራ ነው። ተዋሕዶ ነኝ የሚል ይህን በግልጽ ማየት ይኖርበታል። ዱሮ በጦርነትና ረሃብ በቀጥታ ተፈታተኑት፤ አሁን ደግሞ የራሳችንው ሰው እየተጠቀሙ ነው፤ የራሳችንን ፖለቲከኛ፣ የራሳችንን የቤተክርስቲያን አገልጋይ፣ የራሳችንን ፀሀፊና ጋዜጠኛ። ክርስቲያን ወገኖች ተጠንቀቁ! እንጠንቀቅ!

በተለይ በምዕራቡ ዓለም የምንገኝ ወገኖች፤ ከዛሬ ኅዳር ፯ እስከ ወሩ መጨረሻ ድረስ የዲያብሎስ ሠራዊት የክርስቶስ የሆነውን ሁሉ ከያቅጣጫው ያጠቃናል፤ ይህን የጨለማ ጊዜ ተግን በማድረግ በትምህርት ቤት፣ በሥራ ቦታ ወይም በመኖሪያ ቤቶች አካባቢ ቴክኖሎጂን በመጠቀም ጥቃት ለመፈጸም ይሻሉና ይህን አውቀን ለሌሊት ጸሎት እንዘጋጅ፣ ዳዊታችንን እንድገም ዲያብሎስ ሥራው ሲነቃበት ካጠገባችን ይሸሻልና!

የሰይፈ ስላሴ ፀሎት ከክፉ ነገር ይጠብቀን!

እንኳን ጥር ስላሴ በሰላም አደረሰን!

..January 15, 2014 .ም ላይ በጦማሬ የቀረበ

በስመአብ ወወልድ ወመንፈሥ ቅዱስ፡ አሐዱ አምላክ፡ አሜን

ዘመነ ስብከት” በታኅሣሥ ፰ እና በጥር ፲ ቀኖች መካከል ያሉት አራት የእሑድ ሰንበታት ከነሳምንታቶቻቸው፡ እያንዳንዳቸው በቅደም ተከተል

  • + ስብከት
  • + ብርሃን
  • + ኖላዌ
  • + ጌና

ተብለው የሚጠሩት ናቸው።

በእነዚህ ሰንበታትና ሳምንታት፦

እግዚአብሔር ወልድ በመንፈስ ቅዱስ ግብር በድንግል ማርያም ማሕፀን ተፀንሶ በፍጹም ሰውነት ከእርሷ ስለመወለዱ፡ የሰውነት አመጣጡም ለዓለሙ በደል ቤዛ ኾኖ የመሥዋዕትነት ዋጋን በመክፈል ፍጥረቱን ለማዳን ስለመኾኑ፡ “ኢየሱስ ክርስቶስ” በተባለበት ስሙም በምድር ላይ እየተመላለሰ፡ ከኃጢዓት በቀር እውነተኛውን ሰውኛ አኗኗር በመኖር ለሰው ልጆች ኹሉ ፍጹም አርአያነትን ስለማበርከቱ በነቢያት የተነገሩትን የእግዚአብሔርን ትንቢታዊ ቃላት በመጥቀስ ትምህርትና ምዕዳን (ምክር) ይሰጥባቸዋል፡ የተስፋ ዝማሬ ይሰማባችዋል፡ ስለሥጋዌ ምሥጢርም ይቅኔያት ማዕበል ይወርድባቸዋል።

እነዚህን አርእስት በመከተል “ፈኑ እዲክ እም አምርያም!..ፈኑ ብርሃነከ ወጽድቀከ…” ማለትም፡ “እጅህን ከሰማይ ላክ!.. ብርሃንህንና እውነትህን ላክ!” እያሉ የቀደሙት ሰዎች ወደፈጣሪያቸው ያቀርቡት የነበረው ያልተቋረጠ ልመና ተሰምቶላቸው፡ “እነ ውእቱ፡ ኖላዌ ‘ኔር!’” ማለትም ቸር ጠባቂ እኔ ነኝ!” የሚላቸውና “የእግዚአብሔር ቀኝ እጅ“፡ እውነተኛው የዓለም ብርሃን የተባለው ጌታችን ኢየሱስ ክርስቶስ እነሆ “ሰው ኾኖ በድንግል ማሕፀን ተፀነሰ ተወለደ እንደሰው በምድር ላይ ተመላለሰ!” በማለት በመንፈስ ወደኋላ ተመልሰን የነቢያትን የተስፋ ጉዞ ከፈጸምን በኋላ ከጥምቀቱ በዓል እንደርሳለን።

የጥር ሥላሴ

ከበዓለ ጥምቀት በፊት ግን ጥቂት ቀደም ብሎ፡ በጥር ፯ ቀን፡ “የጥር ሥላሴ” በዓል ይከበራል። ይህም የኾነው በታኅሣስ ፩ ቀን በሚውለው በየሱስ ክርስቶስ ትስብእት፡ ማለትም አምላክ ሰው ኾኖ በድንግል ማርያም ማሕፀን በመፀነሱ የእግዚአብሔር የአንድነቱና የሦስትነቱ ምሥጢር ስለተገለጸ፡ ስለታወቀና ስለተረዳ የምስጢረ ሥላሴና የምስጢረ ሥጋዌ ነገር በሰፊው እየተነገረ ትምህርቱ እንዲሰጥበት ምሥጢሩም እንዲፍታታበት ታስቦ ነው።

ምንጭ፦ “ኢትዮጵያ እና ኢትዮጵያዊነት” ኹለተኛ መጽሓፍ

ለ አባታችን ንቡረ ንቡረ እድ ኤርምያስ ከበደ ወልደ ኢየሱስ፡ ነፍሳቸውን በገነት ያኑርልን! ኢትዮጵያ አንድ በጣም ትልቅ ታታሪ ሰው ነው ያጣችው! እንዴት እንደሚናፍቁኝ

______

Posted in Conspiracies, Ethiopia, Faith | Tagged: , , , , , , , , | Leave a Comment »

ይህ ከጠፈር ታይቶ አይታወቅም | መብረቅ በአፍሪቃ ደመና ላይ | መንኮራኩሯ በኢትዮጵያ ሰማይ ላይ

Posted by addisethiopia / አዲስ ኢትዮጵያ on December 22, 2018

ባለፈው ኃሙስ ምድርን ከሚዞረው የዓለም አቀፋዊ የጠፈር ጣቢያ፣ ቤተ ሙከራ፡ ከአይ ኤስ ኤስ ሦስት ጠፈርተኞችን ይዛ ወደ ምድር ትመለስ የነበረችውን የሩስያዋን ሳዩዝ መንኮራኩርን በመቶ ኪሎሜትር እርቀት ላይ ሆኖ የሚከታተለው ካሜራ በመካከለኛው አፍሪቃ አስገራሚ የመብረቅ ብልጭታ ለማንሳት በቅቶ ነበር። ከዚህ በተጨማሪም፡ ወደ ካዛክስታን ታመራ የነበረችውን መንኮራኩር አጅበው የነበሩት ሦስት የመንኮራኩሯ ክፍሎች የተለያዩት ልክ በሰተሰሜኑ የኢትዮጵያ ሰማይ ላይ ነበር።

የሚገርም ነው አቡነ ማትያስ የሩስያ ጉብኝታቸውን አቋርጠው ወደ ኢትዮጵያ የተመለሱት በዚሁ ዕለት በዚሁ የአውሮፓላን አየር መንገድ አቅጣጫ ነበር። በመካከለኛው አፍሪቃ በተለይ በኮንጎ የኤቦላ ቫይርስ ብዙ ሰዎችን እየገደለ ነው። ይህ ብልጭታ ምናልባት በአፍሪቃውያን ላይ በሽታዎችን እያሰራጩ፣ ህፃናቶቻቸውን እያደነዘዙ እና ሴቶቻቸውን መኻን እያደረጉ ያሉት የዓለማችንን ፈላጭ ቆራጮች እያስጠነቀቀ ይሆናል።

ለመሆኑ እዚያ ጠፍር ላይ ምንድን ነው እየሠሩ ያሉት? ሩሲያና ምዕራባውያኑ እዚህ ምድር ላይ ጠላታሞች እንደሆኑ አድርገው እርስበርስ ሲፎካከሩና ሲወቃቀሱ ይሰማሉ፤ ጠፈር ላይ ግን አብረው ይሠራሉ። ለምንድንስ ነው አንድም አፍሪቃዊ ወደ ጠፈር ተልኮ የማያውቀው?

__________________

Posted in Curiosity, Ethiopia | Tagged: , , , , , , , , , , , , , , | Leave a Comment »

እኅተ ማርያም ባየችበት ዕለት፡ ጨረቃዋ በአረንጓዴ፣ ቢጫና ቀይ ተከባ፤ ሰማይ ላይም የኢትዮጵያ ካርታ በደመና ተስላ እኔም አይቼ ነበር

Posted by addisethiopia / አዲስ ኢትዮጵያ on October 21, 2018

ተዓምር በኢትዮጵያ፦

የኢትዮጵያ ካርታ፣ ከማርያም መቀነት ያገኘናቸው አረንጓዴ ቢጫና ቀይ ቀለማት እንዲሁም መስቀልና ሌሎች ምልክቶች ሰማይ ላይ በየጊዜው እየታዩን ነው።

አዎ! በእውነት ድንቅ ዘመን ላይ ነን!“ዓይን የሌለው ያዳምጥ፤ ጆሮ የሌለው ይመልከት!“ የምንልበት ዘመን ላይ ደርሰናል።

______

Posted in Curiosity, Ethiopia, Faith | Tagged: , , , , , , , , , , | Leave a Comment »

ተዓምረ ትንሣኤ | የኢየሱስ ክርስቶስ ፊት ደመናው ላይ አበራ

Posted by addisethiopia / አዲስ ኢትዮጵያ on April 8, 2018

ኢትዮጵያዊውን ጃንደረባ ያጠመቀውን የሐዋርያው ፊሊጶስን ስም በያዘቸው በክርስቲያኗ የፊሊፒንስ አገር ነበር በትንሣኤ ዕለት ይህ አስደናቂ የደመና አፈጣጠር ለብዙ ፊሊፒናውያን የታየው።

[የዮሐንስ ራእይ ምዕራፍ ፩፥፯]

እነሆ፥ ከደመና ጋር ይመጣል፤ ዓይንም ሁሉ የወጉትም ያዩታል፥ የምድርም ወገኖች ሁሉ ስለ እርሱ ዋይ ዋይ ይላሉ። አዎን፥ አሜን።

______

Posted in Ethiopia, Faith | Tagged: , , , , , , , , | Leave a Comment »

የማርያም እህቶች በጣና ሐይቅ ላይ የኖኅን መርከብ አዩ

Posted by addisethiopia / አዲስ ኢትዮጵያ on March 11, 2018

[የማቴዎስ ወንጌል ምዕራፍ ፳፬፥፴፯]

የኖኅ ዘመን እንደ ነበረ የሰው ልጅ መምጣት እንዲሁ ይሆናልና።”

ድንቅ ነው፤ እግዚአብሔር በደመናዎች ላይ ብዙ ምልክቶችን እያሳየን ነውና ወደ ታች ሳይሆን ወደላይ መመልከቱን ማዘውተር ሊኖርብን ነው።

በእኛ በኢትዮጵያውያን ዘንድ “ሰባቱ ኪዳናት” ተብለው የሚታወቁትና የቅዱሱ ኪዳን አካላት የኾኑት፡ የኢትዮጵያዊነት ተዋህዶ ሃያማነኖታችን መሠረቶች፡ መደበኛ ስማቸውና መለያ ምልክታቸው ተለይቶና ተዘርዝሮ ይገኛል። እነዚህም፦

  1. ኪዳነ አዳምና ሔዋን፥

  2. ኪዳነ ኖኅ፥

  3. ኪዳነ መልከ ጼዴቅ፥

  4. ኪዳነ አብርሃም፥

  5. ኪዳነ ሙሴና

  6. ኪዳነ ዳዊት፥ በመጨረሻም

  7. በድንግል ማርያምና በኢየሱስ ክርስቶስ የተገኘው “ኪዳነ ምሕረት

የሚባሉት ናቸው።

______

Posted in Ethiopia, Faith | Tagged: , , , , , , , , , , | 1 Comment »

ከ ቅ/ሚካኤል ቤ/ክርስቲያን በላይ ያለው ደመና በጉን ያሳየናል

Posted by addisethiopia / አዲስ ኢትዮጵያ on November 21, 2016

እንዲህም ሆነ፤ አሮን ለእስራኤል ልጆች ማኅበር ሁሉ በተናገረ ጊዜ ወደ ምድረ በዳ ፊታቸውን አቀኑ፤ እነሆም የእግዚአብሔር ክብር በደመናው ታየ” [ኦሪት ዘጸአት ምዕራፍ 16:10]

MekanisaMichaelCross

በጣም የሚደንቅ ነው፡ እነዚህን ምልክቶች ማየት የሚያስደስት ነው። ከሁለት ዓመታት በፊት በዚህችው ቅ/ሚካኤል ቤ/ክርስቲያን፡ ከመስቀሉ ከፍ ብሎ ብሩህ የሆኑት ደመናዎች የአንበሳ ምስል ሠርተው ይታዩኝ ነበር።

አሁን ደግሞ፡ ያው በዚያው አቅጣጫ አንበሳው በነበረበት ሰማይ ላይ በጉ ይታያል። ከቪዲዮው የተወሰደ ምስል፦

qedusmichael2 qedusmichael1

ጌታችን ኢየሱስ ክርስቶስ ኀጢአትን የሚያስወግድ የእግዚአብሔር በግ ነው! [ዮሐ. 1:29]

በይስሐቅ ፈንታ በጉ እንደታረደ የእግዚአብሔር በግ ክርስቶስ ስለኛ ታረደ።

በኋለኛው ዘመን ለሚደረገው የድል ዘመን ጥላ አባቶቻችንን በብረት በትር ቀጥቅጦ የገዛውን ባለ ብዙ ሠራዊት ዲያብሎስን ከሴቲቱ ነብይት የተወለደው የይሁዳ አንበሳ ኢየሱስ ክርስቶስ በቅዱሳን ተራራዎቻችን ድል ያደርግልናል።

ቅዱስ ሚካኤል

ውዳሴው እንደ ማር የጣፈጠ ንዑድ ክቡር የሆነ የመላእክት አለቃ የቅዱስ ሚካኤል ተአምራት ተዓምር ይህ ነው፦

ሚካኤል ማለት በዕብራይስጥ ቋንቋ

= መኑ

= ከመ

ኤል = አምላክ

ማለት ሲሆን በአንድነት ሲነበብ መኑ ከመ አምላክ (እንደ እግዚአብሔር ያለ ማን ነው)ማለት ነው፡፡ አንድም ለእግዚአብሔር አሸናፊ ድል አድራጊ የቸርነትና የርህራሄ መገኛ መዝገብ ማለት ነው፡፡ ይህ ታላቅ መልአክ ዮሐንስ ወንጌላዊ በራዕዩ ‹‹በእግዚአብሔር ፊት የሚቆሙትን ሰባቱን መላእክት አየሁ›› ብሎ ከተናገረላቸው መላእክት ውስጥ የሚመደብ ሲሆን የሰባቱም ሊቃነ መላእክት አለቃ እንዲሆን እግዚአብሔር መርጦ ሹሞታል፡፡ ይህ ታላቅ መልአክ ያደረጋቸው የሠራቸው እጅግ ብዙ የሆኑ ተአምራት አሉት፡፡ ስለዚህ ስለ ታላቁ መልአክ ቅዱስ ሚካኤል ክብር፤ ጠባቂነትና አማላጅነት ከአባቶቻቸው የተማሩትን በኑሮአቸው ያዩትን አባቶቻችን ጽፈዋል፡፡ ስለ ቅዱስ ሚካኤል ከጻፉት አባቶች መካከል የተወሰኑትን ለመጥቀስ ያክል፡

  • ዮሐንስ አፈወርቅ

  • ኤዎስጣቴዎስ ዘአንፆኪያ

  • ቅዱስ መቃርዮስ

  • ቅዱስ ያሬድ

  • አባ ጊዮርጊስ ዘጋስጫ

የእስክንድርያው ሊቀ ጳጳስ አባዲማቴዎስ ናቸው፡፡ እኛም የአባቶቻችንን አንደበት አንደበታችን አድርገን በኅዳር 12 ክቡር ገናና የሆነ ቅዱስ ሚካኤል ካደረጋቸውና ከሠራቸው ብዙ ተአምራት ውስጥ የተወሰኑትን በመልአኩ ተረዳኢነት እንዲህ ብለን እንናገራለን አንጽፋለን፡፡

ጥንተ ነገሩ እንዲህ ነው፡ንግስት ክሌዎፓትራ ‹‹ሳተርን›› ለሚባለው ጣዖት የሠራችው ቤተ ጣዖት በእስክንድርያ ነበር፡፡ ይህ ቤተ ጣዖት እስከ እስክንድርያው ፓትርያርክ እለ እስክንድሮስ /312 – 326/ ዘመን ድረስ ነበር፡፡ እለ እስክንድሮስ ሊያጠፋው ሲነሣ ሕዝቡ ከልቡ ገና የአምልኮ ጣዖት ስላልጣፋ “18 ፓትርያርኮች ያልነኩትን አንተ ለምን ታፈርስብናለህ?” ብለው ተቃወሙት፡፡ እለ እስክንድሮስም ሕዝቡን መክሮና አስተምሮ የሳተርን በዓል ይውልበት በነበረው ዕለት የቅዱስ ሚካኤልን በዓል እንዲያከብሩ አውጆ ቤተ ጣዖቱንም በቅዱስ ሚካኤል ስም ሰይሞ ቤተክርስቲያን አደረገው

ሕዝቡ በየዓመቱ መሥዋዕት እየሠው ተረፈ መሥዋዕቱን እየተመገቡ እየዘፈኑ እያጨበጨቡ ያከብሩ ነበር፡፡ ታላቁ ጻድቅ ንጉሥ ቁስጠንጢኖስ አብያተ ጣዖታት ይዘጉ አብያተ ክርስቲያናት ይከፈቱብሎ ካወጀ በኋላ ሊቀ ጳጳሳት እለ እስክንድሮስ ቤተ ጣዖቱን አፍርሶ ከቦታው ላይ ቤተ ክርስቲያን ሠርቶ ታቦተ ሚካኤልን አግብቶ በዓሉን በደስታ በሐሴት አሳለፉት፡፡ እለ እስክንድሮስም ሕዝቡን የጣዖቱን በዓል ተው ይህን የመላእክት አለቃ የቅዱስ ሚካኤልን በዓል አክብሩብሎ በየዓመቱ በዚህ ቀን በዓል እንዲሆን ሥርዓት ሠራላቸው፡፡ ይህንንም የቅዱስ ሚካኤልን በዓል ከሚያከብሩ ምእመናንን አንዱ የባሕራን አባት ነበር፡፡ እርሱም እግዚአብሔርን እጅግ አድርጐ የሚፈራ ወር በገባ በየዐሥራ ሁለቱ ቀን የቅዱስ ሚካኤልን ዝክሩን የሚዘክርና ይልቁንም በኅዳር ዓሥራ ሁለትና በሰኔ ዓሥራ ሁለት ቀን በታላቅ ክብር የሚያከብር አንድ ሰው ነበር። ለዚህ እግዚአብሔርን ለሚፈራ ሰውም ርኅራኄ የሌለው በእርሱም ላይ ጥላቻ ያደረበት አንድ በለጸጋ ጐረቤት ነበረው፡፡ የቅዱስ ሚካኤልን በዓል በሚያከብርበት ጊዜ ሁሉ ይዘብትበት ይሳለቅበት ነበር።

ይህ እግዚአብሔርን ለሚፈራ ሰውዬ በዚህ ዓይነት በጐ ሥራ ብዙ ጊዜ ከኖረ በኋላ ከዚህ ዓለም ድካም ያርፍ ዘንድ የሞቱ ጊዜ ቀረበ። ሚስቱንም ጠርቶ በጐ ስራ ከመሥራት ለድኃ ከመመጽወት ቸል አትበይ የቅዱስ ሚካኤልንም በዓል በየወሩ ከማክበር አትቦዝኝ ይልቁንም በኅዳር ዓሥራ ሁለትና በሰኔ ዓሥራ ሁለት ቀን ከፍ ባለ ሥነ ሥርዓት እንድታከብሪ አደራ እልሻለውአላት፡፡ በሚሞትበትም ጊዜ ሚስቱ ፀንሳ ነበር። ይህም ደገኛ ሰው በሰላም ዐረፈና ፍጹም መንግሥተ ሰማያትን ወረሰ። ከዚህም በኋላ ሚስቱ የመውለጃዋ ጊዜ ተቃርቦ ነበርና ምጥ ይዟት በታላቅ ጭንቅ ላይ እንዳለች አንተ የእግዚአብሔር መልአክ ሆይ በእኔ ላይ ይቅርታን አውርድ ከዝህ ከደረሰብኝም ጭንቅ ይገላግለኝ ዘንድ ስለኔ እግዚአብሔርን ለምንልኝ አንተ ከእግዚአብሔር ዘንድ ታላቅ ባለሟልነት ተሰጥቶሃልናእያለች ለመነች። ይህንንም በምትልበት ጊዜ ያለችበት ቤት በብርሃን ተመላ ከጭንቋም ዳነችና መልኩ በጣም ያማረ ልጅ ወለደች። የእግዚአብሔር መልእክተኛ ቅዱስ ሚካኤልም ከሰማይ ወርዶ ያን ሕፃን ባረከውና ቸርነት ርኅራኄ የሌለውን የዚህን ባለጸጋ ገንዘብና ሀብት እርሻውንም ሁሉ ይህ ሕፃን እንዲወርስ እግዚአብሔር አዟልአለ። ያን ጊዜ ያ ባለጸጋ በሴትዮዋ ቤት መስኮት አጠገብ ሆኖ ሁኔታውን ሁሉ ይመለከት ነበርና ይህን ነገር በሰማ ጊዜ ልቡ በታላቅ ኅዘን ተነካ፤

ሕፃኑንም የሚገድልበትን ምክንያት ይፈልግ ጀመር፡፡ ነገር ግን እግዚአብሔር በቅዱስ ሚካኤል ጸሎት ብላቴናውን ከክፉ ነገር ሁሉ ይጠብቀው ነበር። ብላቴናውም ዓሥር ዓመት በሆነው ጊዜ እናቱ በጣም ችግር ፀናባት፡፡ በዚህን ጊዜ እምነት የጐደለው ያ ባለጸጋ አንቺ ችግረኛ ስለሆንሽ ይላከኝ ያገለግለኝ ዘንድ ልጅሽን ስጭኝና ምግቡንና ልብሱን ምንም ሳላጐድል ተንከባክቤ አኖረዋለው ለአንቺም ሃያ ወቄት ወርቅ እሰጥሻለውአላት። ይህንንም ባላት ጊዜ ስለ ችግሯ በጣም በመደሰት ልጅዋን ሰጠችውና ሃያውን ወቄት ወርቅ ተቀበለች፡፡ ብላቴናውንም በወሰደ ጊዜ እንግዲህ ሃሳቤ ሁሉ ዛሬ ተፈጸመልኝ እያለ በጣም ደስታ ተሰማው፡፡ ከዚህ በኋላ በልጅ ቁመት ልክ ሳጥን አሠርቶ ሕፃኑን በሣጥኑ ውስጥ አግብቶ በላዩ ላይ ቆለፈበትና ሣጥኑን ወስዶ ከባሕር ጨመረው፤ እንዲሁም የሣጥኑን ቁልፍ መክፈቻ አብሮ ወረወረው። ነገር ግን በእግዚአብሔር ፈቃድ ያ ሣጥን ሳይሰጥም በባሕሩ ላይ እየተንሳፈፈ ከዚያች አገር ርቃ ወደምትገኝ የባሕር ወደብ ደረሰ።

በባሕሩ አካባቢ በጎቹን አሰማርቶ የሚጠብቅ አንድ ሰው ነበርና ያንንሣጥን ባየው ጊዜ ከባሕሩ አወጣውና ወደ ቤቱ ወሰደው። እቤቱም በደረሰ ጊዜ ይህን ሣጥን በምን እከፍተዋለሁ?” እያለ ሲያወጣ ሲያወርድ ተመልሶ ወደ ባሕሩ ይሄድ ዘንድ እግዚአብሔር አሳሰበው፤ በሄደም ጊዜ አንድ ዓሣ የሚያጠምድ ሰው አገኘና ዓሣ አጥማጁን በኔ ስም መረብህን ወደ በሕር ጣልና የተሠገረው ዓሣ ለኔ ይሆናል ዋጋውን ግን እከፍልሃለውአለው፡፡ ዓሣ አሥጋሪውም እንደ ተነጋገሩት መረብን ከባሕር ቢጥል ታላቅ ዓሣ ተያዘና ለሰውየው ሰጥቶት ዋጋውን ተቀበለ። እሱም ያንን ዓሣ ከቤተሰቦቹ ጋር ጠብሶ ይበላ ዘንድ በችኮላ ወደ ቤቱ ሄደና ያሣውን ሆድ ቢሰነጥቀው የዚያን የሣጥን ቁልፍ መክፈቻ አገኘ፡፡ በዚያን ጊዜ ይህ መክፈቻ የዚህ ሣጥን ቁልፍ መክፈቻ መሆን አለበት ሲል አሰበና ቁልፉን ለመክፈት ቢሞክር ወለል ብሎ ተከፈተ። በዚህም እየተደነቀ ሳለ ሣጥኑን ቢከፍተው ያ ባለ ፀጋ ሊገድለው ያሰበውን ሕፃን በሣጥኑ ውስጥ አገኘው። ባየውም ጊዜ እጅግ ተደስቶ በባሕር ውስጥ ስላገኘው ስሙን ባሕራንብሎ ሰየመውና እንደ ልጁ አድርጐ ይንከባከበው ዘንድ ወሰነ፡፡

ከባሕራን ሀገር የበግ ጠባቂው አገር የዓሥር ቀን ጐዳና የሚያስኬድ ርቀት ነበረው። ከብዙ ዓመታት በኋላ ያ ባለ ጸጋ ሰው ለንግድ ከሀገሩ ወጣ፡፡ በጉዞውም ላይ ሳለ ፀሐይ ስትገባ ከዚያ የበግ ጠባቂው ዘንድ ደረሰ። በግ ጠባቂውንም ወንድሜ ሆይ ባንተ ዘንድ የማድርበት ቢኖር ታሳድረኝ ዘንድ እለምንሃለው፣ ኪራዩንም እከፍልሃለውብሎ ጠየቀውና ያ በግ ጠባቂ ወደ ቤቱ አስገባው። ባለጸጋውም ገብቶ ጥቂት ካረፈ በኋላ

በግ ጠባቂው ያን ብላቴና ባሕራን ብሎ ሲጠራው በሰማ ጊዜ ልጅህ ነውን?” ብሎ ጠየቀው። በግ ጠባቂውም አዎን ይህ አሁን ጐልማሳ ሆኖ የምታየው ወጣት ገና ሕፃን ሆኖ ሳለ በሣጥን ተከቶ ከባሕር ውስጥ ተጥሎ አግኝቼው ወስጄ አሳድጌዋለሁና ልጄ ነውአለው። ባለጸጋውም በባሕር ውስጥ የጣለው ሕፃን መሆኑንም ስላወቀ ይህንን ነገር በሰማ ጊዜ ፈጽሞ ደነገጠ፤ ይገድለውም ዘንድ ፈለገ፡፡ በበነጋውም መንገዱን ለመሄድ ሲዘጋጅ ልዩ ልዩ ምክንያት (ሰይጣናዊ ሃሳብ) በመፍጠር በግ ጠባቂውን ወንድሜ ሆይ አንድ የማስቸግርህ ጉዳይ አለኝ ይኸውም በቤቴ የረሳሁት ነገር ስላለ ዕገሊት ወደ ምትባል ሀገር ሄዶ መልእክት ያደርስልኝ ዘንድ ይህን ብላቴና እንድትሰጠኝ ነው የድካሙንም ዋጋ ሃያ ወቄት ወርቅ እከፍላለሁአለው።

ያም በግ ጠባቂ ስለ ወርቁ ስጦታ ደስ በመሰኘት ያን ጐልማሳ ጠርቶ ልጄ ባሕራን ሆይ ይህ ክቡር ሰው ለሥራ ጉዳይ ወደ ቤቱ ሊልክህ ይፈልጋልና መልእክቱን አድርስለት እግዚአብሔር በሰላም ያግባህሲል ጠየቀው፡፡ ልጁም እሺ መልካም ነው አባቴ ሆይ ያዘዝከኝን ሁሉ ለመፈጸም ዝግጁ ነኝአለው። ከዚህም በኋላ ያ ባለጸጋ ይህችን የመልእክት ደብዳቤ ይዞ ወደ አንተ የመጣውን ስሙ ባሕራን የተባለውን መልእክቷ በደረሰችህ ጊዜ ፈጥነህ ግደለው ገድለህም ሬሣውን ከጉድጓድ ጣለው እኔ በሰላም ተመልሼ እስክመጣ ድረስ ማንም ማን ይህን ምሥጢር አይወቅየሚል ጽሑፍ ለሹሙ ጽፎ አዘጋጀ፡፡ እንዲሁም በሹሙና በእርሱ መካከል የሚተዋወቁበትን ማኅተም በደብዳቤው ላይ አትሞ ለባሕራን ሰጠው፡፡ ለመንገዱም የሚሆነው ስንቅ ሰጥቶ ላከው።

ባሕራንም መልእክቱን ለማድረስ ዘጠኝ ቀን ተጉዞ የአንድ ቀን ጎዳና ሲቀረው እነሆ ክቡር የሚሆን የመላእክት አለቃ ቅዱስ ሚካኤል በንጉስ ጭፍራ አምሳል በፈረስ ተቀምጦ ወደሱ ደረሰና ወዴት እንደሚሄድ ጠየቀው፡፡

ባሕራንም ከአንድ ባለጸጋ ሰው የተጻፈ ደብዳቤ ይዤ እርሱን ለማድረስ ዕገሊት ወደምትባል አገር እሄዳለሁአለው። ንዑድ ክቡር የሚሆን ቅዱስ ሚካኤልም እስኪ የመልእክቱን ደብዳቤ አሳየኝ?” አለው፡፡ ባሕራንም ጌታዬ ለማንም አታሳይ ብሎኛልአለው፡፡ መልአኩም እሺ ያም ባይሆን እንደተጠቀለለ አሳየኝአለው፡፡ ባሕራንም አሳየው፡፡ ቅዱስ ሚካኤልም በሞቱ ደብዳቤ ላይ እፍ ቢልበት የሞቱን ትእዛዝ አጥፍቶ የሕይወት ትዕዛዝ ጽፎበታል፡፡ በደብዳቤው ላይ የተጻፈውን የሞት መልእክት ደምስሶ ከእኔ ከባለጸጋ ዕገሌ የተጻፈይልና ይህን መልእክት ይዞ ለመጣሰው ዕገሊት የምትባለዋን ልጄን አጋቡት (ዳሩለት) በዱር የተሰማራውን ከብቴን በቤት ያለውን ሀብቴን በጠቅላላው የሚንቀሳቀስና የማይንቀሳቀስ ንብረቴን በሙሉ አውርሼዋለሁና እኔ እስክመጣ ድረስ አትጠብቁ በሄድኩበት ሀገር የምቆይበት ጉዳይ አለኝና፤ በቤቴና በንብረቴ ላይ ሙሉ ሥልጣን ሰጥቼዋለሁና የወደደውን ያደርግ ዘንድ አትከልክሉት ስለዚህም በእኔና በአንተ መካከል የምንተዋወቅበትን ምልክት አድርጌበታለሁየሚል ጽሑፍ ጽፎ ሰጠውና እንግዲህ ወደ ባለጸጋው ቤት ሂድና ይህን መልእክት አድርስ ነገሩ እንዳይገለጽብህ ከእኔ ጋር መገናኘታችንንና የመልእክቱን ጽሑፍ እንደለወጥኩልህ ለማንም አትንገርሲል አስጠነቀቀው፡፡ ባሕራንም እሺ ጌታዬ እንዳዘዝከኝ አደርጋለሁብሎ ጉዞውን ቀጠለና የዚያን የባለፀጋ ቤት እየጠየቀ ከደረሰበት በኋላ ደብዳቤውን ለሹሙ ሰጠው።

ያም ሹም ደብዳቤውን ተቀብሎ ሲያነብ የታተመበት ማኅተም ዕውነተኛ መሆኑን ከአረጋገጠ በኋላ እግዚአብሔር እንዳዘዘው በቤተ ክርስቲያን ደንብ የባለጸጋውን ልጅ በተክሊል አጋባው፣ የሠርጉንም በዓል እስከ ዐርባ ቀን ድረስ በታላቅ ደስታ አከበሩ። ከሠርጉም በዓል ፍጻሜ በኋላ ያ ባለጸጋ ሰው ከሄደበት አገር ወደ ሀገሩ ተመልሶ ገባና በቤቱ አካባቢ ሲደርስ የደስታና የዘፈን ድምፅ ስለሰማ ይህ የምሰማው ድምፅ ምንድነው?” ሲል ጠየቀ፡፡ ሰዎቹም ባሕራን የተባለ ጐበዝ ካንተ ዘንድ ልጄን ዳሩለት የሚል ትእዛዝ አምጥቶ ልጅህን አግብቶ በሠርጉ ምክንያት ይዘፍናሉ ይደሰታሉ እነሆ እየበሉና እየጠጡ በቀንና በሌሊት እየዘፈኑ ሲደሰቱ ዐርባ ቀን ሆኗቸዋል በመልእክትህም እንዳዘዝከው ገንዘብህን የወንድና የሴት ባሮችህን በጠቅላላው የሚንቀሳቀስና የማይንቀሳቀስ ንብረትህን ሁሉ በሙሉ አስረክበውታልአሉት።

ያም ባለጸጋ ያህን ቃል በሰማ ጊዜ ከድንጋጤው የተነሳ በታላቅ ቃል በመጮኽ ከመሬት ላይ ተከስክሶ ሞተና ነፍሱን አጋንንት ተረክበው ወደ ሲኦል አወረዷት። ከዚህም በኋላ ባሕራን የተባለ ያ ጐልማሳ የቅዱስ ሚካኤልን በዓል በየወሩ እያከበረ ዝክሩን እየዘከረ ይኖር ጀመር። በዚያን ጊዜ በጉዞ ላይ ሳለ ተገልጾለት የሞቱን መልእክት ወደ ሕይወት የለወጠለት ቅዱስ ሚካኤል እንደሆነም አወቀ ተረዳ። ንዑድ ክቡር የሚሆን የመላእክት ሁሉ አለቃ ቅዱስ ሚካኤል ያደረገው ተአምር ሊቆጥሩት የማይቻል ብዙ ስለሆነ በኛም ላይ ኃይለ ረድኤቱ አድሮብን.ይኑር እስከ ዘላለሙ ድረስ አሜን።

ምንጭ

የኅዳር ሚካኤል — ብሩክ ዓመት በዓል

__

Posted in Curiosity, Ethiopia, Faith | Tagged: , , , , , | 1 Comment »

 
%d bloggers like this: