Addis Ethiopia Weblog

Ethiopia's World / የኢትዮጵያ ዓለም

Posts Tagged ‘ክርስትናን ተቀበለ’

አምላካችን እግዚአብሔር ሆይ ፥ አድነን ፣ ከአሕዛብ መካከል ሰብስበን

Posted by addisethiopia / አዲስ ኢትዮጵያ on December 20, 2020

❖❖❖ መዝሙረ ዳዊት ከ ምዕራፍ ፻፩ እስከ ምዕራፍ ፻፭ ❖❖❖

[መዝሙረ ዳዊት ምዕራፍ ፻፭]

፩ ሃሌ ሉያ፤ ቸር ነውና፥ ምህረቱም ለዘላለም ነውና እግዚአብሔርን አመስግኑ።

፪ የእግዚአብሔርን ኃይል ሥራ ማን ይናገራል? ምስጋናውንስ ሁሉ ማን ያሰማል?

፫ ፍርድን የሚጠብቁ፥ ጽድቅንም ሁልጊዜ የሚያደርጉ ምስጉኖች ናቸው።

፬ አቤቱ፥ በሕዝብህ ሞገስ አስበን፥ በመድኃኒትህም ጐብኘን፤

፭ የመረጥሃቸውን በጎነት እናይ ዘንድ፥ በሕዝብህም ደስታ ደስ ይለን ዘንድ፥ ከርስትህም ጋር እንጓደድ ዘንድ።

፮ ከአባቶቻችን ጋር ኃጢአትን ሠራን፥ ዐመፅንም፥ በደልንም።

፯ አባቶቻችን በግብጽ ሳሉ ተኣምራትህን አላስተዋሉም፥ የምሕረትህንም ብዛት አላሰቡም፤ በኤርትራ ባሕር ባለፉ ጊዜ ዐመፁብህ።

፰ ኃይሉን ግን ለማስታወቅ። ስለ ስሙ አዳናቸው።

፱ የኤርትራንም ባሕር ገሠጸ እርሱም ደረቀ፤ እንደ ምድረ በዳ በጥልቅ መራቸው።

፲ ከሚጠሉአቸውም እጅ አዳናቸው፥ ከጠላትም እጅ ተቤዣቸው።

፲፩ ያሳደዱአቸውንም ውኃ ደፈናቸው፥ ከእነርሱም አንድ አልቀረም።

፲፪ በዚያን ጊዜ በቃሉ አመኑ፥ ምስጋናውንም ዘመሩ።

፲፫ ፈጥነውም ሥራውን ረሱ፥ በምክሩም አልታገሡም።

፲፬ በምድረ በዳም ምኞትን ተመኙ፥ በበረሃም እግዚአብሔርን ተፈታተኑት።

፲፭ የለመኑትንም ሰጣቸው፤ ለነፍሳቸው ግን ክሳትን ላከ።

፲፮ ሙሴንም እግዚአብሔር የቀደሰውንም አሮንን በሰፈር ተመቀኙአቸው።

፲፯ ምድርም ተከፈተች ዳታንንም ዋጠችው፥ የአቤሮንንም ወገን ደፈነች፤

፲፰ በማኅበራቸውም እሳት ነደደች፥ ነበልባልም ኅጥኣንን አቃጠላቸው።

፲፱ በኮሬብም ጥጃን ሠሩ፥ ቀልጦ ለተሠራ ምስልም ሰገዱ።

፳ ሣርም በሚበላ በበሬ ምሳሌ ክብራቸውን ለወጡ።

፳፩-፳፪ ታላቅ ነገርንም በግብጽ፥ ድንቅንም በካራን ምድር፥ ግሩም ነገርንም በኤርትራ ባሕር ያደረገውን ያዳናቸውንም እግዚአብሔርን ረሱ።

፳፫ እንዳያጠፋቸው ቍጣውን ይመልስ ዘንድ የተመረጠው ሙሴ በመቅሠፍት ጊዜ በፊቱ ባይቆም ኖሮ፥ ያጠፋቸው ዘንድ ተናገረ።

፳፬ የተወደደችውን ምድር ናቁ፥ በቃሉም አልታመኑም፥

፳፭ በድንኳኖቻቸውም ውስጥ አንጐራጐሩ፤ የእግዚአብሔርን ቃል አልሰሙም።

፳፮-፳፯ በምድረ በዳም ይጥላቸው ዘንድ፥ ዘራቸውንም በአሕዛብ መካከል ይጥል ዘንድ፥ በየአገሩም ይበትናቸው ዘንድ፥ እጁን አነሣባቸው።

፳፰ በብዔል ፌጎርም ተባበሩበት፥ የሙታንንም መሥዋዕት በሉ።

፳፱ በሥራቸውም አስመረሩት፥ ቸነፈርም በላያቸው በዛ።

፴ ፊንሐስም ተነሥቶ ፈረደባቸው፥ ቸነፈሩም ተወ፤

፴፩ ያም እስከ ዘላለም ለልጅ ልጅ ጽድቅ ሆኖ ተቈጠረለት።

፴፪-፴፫ በክርክር ውኃ ዘንድም አስቈጡት፥ መንፈሱን አስመርረዋታልና፤ ስለ እነርሱም ሙሴ ተበሳጨ፤ በከንፈሮቹም በስንፍና ተናገረ።

፴፬ እግዚአብሔርም እንዳላቸው አሕዛብን አላጠፉም፤

፴፭ ከአሕዛብም ጋር ተደባለቁ፥ ሥራቸውንም ተማሩ።

፴፮ ለጣዖቶቻቸውም ተገዙ፥ ወጥመድም ሆኑባቸው።

፴፯ ወንዶች ልጆቻቸውንና ሴቶች ልጆቻቸውን ለአጋንንት ሠው፤

፴፰ የወንዶች ልጆቻቸውንና የሴቶች ልጆቻቸን ደም፥ ለከነዓን ጣዖቶች የሠውአቸውን ንጹሕ ደም አፈሰሱ፥ ምድርም በደም ረከሰች።

፴፱ በሥራቸው ረከሱ፥ በማድረጋቸውም አመነዘሩ።

፵ የእግዚአብሔርም ቍጣ በሕዝቡ ላይ ነደደ፥ ርስቱንም ተጸየፈ።

፵፩ ወደ አሕዛብም እጅ አሳለፋቸው፥ የሚጠሉአቸውም ገዙአቸው።

፵፪ ጠላቶቻቸውም ግፍ አደረጉባቸው፥ ከእጃቸውም በታች ተዋረዱ።

፵፫ ብዙ ጊዜ አዳናቸው፤ ነገር ግን በምክራቸው አስመረሩት፥ በኃጢአታቸውም ተዋረዱ።

፵፬ እርሱ ግን ጩኸታቸውን በሰማ ጊዜ ጭንቃቸውን ተመለከተ፤

፵፭ ለእነርሱም ኪዳኑን አሰበ፥ እንደ ምሕረቱም ብዛት ተጸጸተ።

፵፮ በማረኩአቸውም ሁሉ ፊት ሞገስን ሰጣቸው።

፵፯ አምላካችን እግዚአብሔር ሆይ፥ አድነን፤ ቅዱስ ስምህን እናመሰግን ዘንድ፥ በምስጋናህም እንመካ ዘንድ፥ ከአሕዛብ መካከል ሰብስበን።

፵፰ ከዘላለም እስከ ዘላለም የእስራኤል አምላክ እግዚአብሔር ይባረክ ሕዝብም ሁሉ አሜን ይበል። ሃሌ ሉያ።

________________________

Posted in Ethiopia, Faith | Tagged: , , , , , , , , , , , | Leave a Comment »

አንድ ጀግና ኢትዮጵያዊ ሶማሌ የፖሊስ መኮንን ክርስትናን በመቀበሉ ከሥራው ተባረረ፤ አካባቢውንም እንዲቀይር ተገደደ

Posted by addisethiopia / አዲስ ኢትዮጵያ on February 8, 2019

ይገርማል፤ ትናንትና የኒው ዮርክ ሻሪያ ፖሊሶችን አስመልክቶ ያኛውን ቪዲዮ ባቀርብኩ ማግስት ይህባጋጣሚ? አይደለም! እግዚአብሔር ሊጠቁመን የሚፈልገው አንድ ነገር አለ

በኢትዮጵያ ሶማ ክልል ውስጥ የሚገኝ አንድ ክርስትናን የተቀበለ የፖሊስ መኮንን ወደ እስልምና እንዲመለስ የተጠየቀ ቢሆንም የሃገሪቱን ሕገ መንግታዊ የሃይማኖት ነጻነትን በመጥቀስ ለመመለስ ፈቃደኛ አልነበረም

በዚህም ምክኒያት ኢትዮጵያዊ የፖሊስ መኮንን በቁጥጥር ስር ከዋለ በኋላ ከትውልድ ከተማው ተፈናቅሎ ወደ ሌላ የአገሪቱ ክፍል እንዲዛወር ተደረጓል።

መቶ በመቶ እስላም በሆነበት በምስራቅ ሶማሌ ክልል ውስጥ ያደገው ይህ ከሶማሌ ጎሳ የሆነው የፖሊስ መኮንን 25 ዓመቱ ሲሆን፤ ክርስቲያን ለመሆን የወሰነውም ከሁለት አመታት በፊት ነበር።

በአካባቢው የሚገኝ አንድ ምንጭ እንደጠቆመው ከመኮንኑ የሥራ ባልደረቦች አንዱ ባደረገው ጥቆማ ነበር የተያዘው። መኮንኑ በአንድ ወቅት ስለ አዲ የክርስትና እምነ ሲናገ ሰምቶ ነበርና። ከሶማሌ ጎሳ መካከል አንድ ክርስቲያን መኖሩን ማወቃቸው በጣም አስገርሟቸው ነበር።

ክርስቲያኑ መኮንን በሰብአዊ መብት ጽ / ቤት ሊቀመንበር ጣልቃገብነት ከእስር ከተለቀቀ በኋላ ከነበረበት የፖሊስ ኃይል ተባረረ፥ ከዚያም በአካባቢው በርካታ ጠላቶችን ስላተረፈ ወደ ሌላ አካባቢ እንዲዛወር ተደርጓል።

በአብዛኛ ሙስሊም በሚኖርበት ሶማሌ ክልል ውስጥ ያሉ ክርስቲያኖች በእምነታቸው ምክንያት ከቤተሰብ እና ከማኅበረሰቡ በኩል ጥላቻ ይደርስባቸዋል፤ የጎሣዎች ግጭት ሲከሰ መጀመሪያ ጥቃት የሚደርስባቸው ክርስቲያኖች ናቸው።

በምስራቃዊ ኢትዮጵያ በኦሮሞና በሶማሌ ሕዝቦች መካከል ለረጅም ጊዜ የዘለቀው ግጭት ወደ ሦስት ሚሊዮን የሚጠ ኢትዮጵያውያንን ከመኖሪያ መንደራቸው እንዲፈናቀሉ አድርጓቸዋል።

በነሐሴ ወር በተከሰተው ሁከት ምክንያት በርካታ ክርስቲያኖች ተገድለዋል ብዙ አብያተክርስቲያናት ም ተቃጥለዋል። ከሁለት ወራት ቀደም ብሎ ከሶማሌ ክልል በስተምዕራብ በኦሮሚያ ክልል ባሌ ጎባ አካባቢ ሃያ ክርስቲያኖች ተገድለዋል

በደቡባዊው የኢትዮጵያ ክፍል ጂሃድ ታውጇል፤ ስለዚህ ክርስትያኖች ለሙስሊሞች ክፍት ጥቃት ተጋልጠዋል።

በዚህም ሳቢያ በዓለማችን ላይ ክርስቲያኖች በጣም ከሚበደሉባቸው ሃምሳ ሃገራት መካከል (ከሁለት ሳምንት በፊት በወጣው መረጃ)ኢትዮጵያ ሃያ ስምነተኛውን ቦታ ይዛለች፤ ከእንደ ሶማሊያ፣ ሶሪያ፣ ኢራቅ፣ ግብጽ፣ ኢራን፣ ሳውዲ አረቢያና መሰሎቻቸው ካሉት ሙስሊም አገሮች ቀጥሎ ማለት ነው።

ቪዲዮው ቀጣዩ ክፍል የሚያሳያው በአሜሪካዋ ሚነሶታ ግዛት በሚኒያፖሊስ ከተማ ትውልደ ሶማሊያዊው የፖሊስ መኮንን ክርስቲያን ወንጌላዊ ሰባኪዎች ወንጌሉን እንዳይካፈሉ ለመከልከል ሲሞክር ነው።

እነዚህ ወንጌል ሰባኪዎች ላለፉት አምስት ዓመታት በዚህ ጎዳና ላይ ወንጌልን ያካፍሉ ቆይተዋል፤ ታዲያ እስካሁን ልክ ይህ የ ሶማሌ ፖሊስ እንደሚሰራው የእግዚአብሔርን ቃል መስበክ ለመቃወም ተሞክሮ አይታወቀም። ሶማሌው በሐሰት እንደተነጋረው የእግረኛ መንገዱ ታግዶ አያውቅም።

ወደ ሚኒሶማሊያ እንኳን ደህና መጡ! ሚነሶታ ብዙ ሶማሌዎች የሚኖሩባት የአሜሪካ ግዛት ናት። የመጀመሪያዋ ሙስሊም የአሜሪካ ምክር ቤት አባል የተመረጠችውም ከዚህ ግዛት ነው፤ ወንድሟን አግብታ ወደ አሜሪካ ያመጣችው ሶማሊት። እነ ጃዋር በዚህ ግዛት ነበር በኦባማና የሲ.አይ.ኤ አለቃው፡ ጆን ብሬነን የተመለመሉት፥ ኢንጂነር ስመኘው በተገደለ ማግስት ዶ/ር አብይ አህመድወ ደዚህ ግዛት ነበር ቀድሞ ያመራው፤ እንደ ኦባማ “አሳላማሊኩም!“ ለማለት።

የሚገርም ዘመን ነው፤ በአንድ በኩል ምዕራባውያኑ እና አረቦች በአዲስ አበባ ጎዳናዎች ላይ ነፃ ሆነው እንዲሰብኩ ተፈቅዶላቸዋል፤ በሌላ በኩል ሶማሌ ፖሊሶች በአሜሪካ ከተሞች ጎዳናዎች ላይ ወንጌል ሰባኪዎችን ይተናኮላሉ። ዋውው!

_________

Posted in Curiosity, Ethiopia, Faith | Tagged: , , , , , , , , , , , , | Leave a Comment »

 
%d bloggers like this: