Addis Ethiopia Weblog

Ethiopia's World / የኢትዮጵያ ዓለም

Posts Tagged ‘ቤተልሔም’

እግዚአብሔር አምላክ ዓለምን ከፈጠረበት ጥበቡ ይልቅ ዓለምን ያዳነበት ጥበቡ ይበልጣል

Posted by addisethiopia / አዲስ ኢትዮጵያ on January 6, 2018

በዓለ ልደት፣ በሰውና በእግዚአብሔር መካከል እርቅ የተፈጸመበት በዓላችን ነው፡፡ ለሞት ከመገዛት የዳንበት፤ ጨለማው ተወግዶልን የብርሃን ልጆች የኾንበት፤ የእባብ ራስ የተቀጠቀጠበት፤ ከምድር ወደ ሰማይ ያረግንበትና ከመላእክት ጋር ኾነን ለእግዚአብሔር ምስጋና ያቀረብንበት፤ ከነቢያት ኅብረት ጋር አንድ የኾንበት በዓል ነው፡፡

የጌታችን ልደት እና የመላእክት አገልግሎት

ለአምስት ሺሕ አምስት መቶ ዘመን በዓለም ላይ ሠልጥኖ የነበረውን ጨለማ ያስወግድ ዘንድ እግዚአብሔር አምላክ ሰው ኾነ፡፡ ከቅድስት ድንግል ማርያም የተወለደው አማናዊው ብርሃን ፀሐየ ጽድቅ ክርስቶስ በሥጋ ተገለጠ፡፡ ‹‹ብርሃን ዘበአማን ዘያበርህ ለኵሉ ሰብእ ለእለ ይነብሩ ውስተ ዓለም፤ በጨለማ ውስጥ ለሚኖር ሕዝብ ታላቅ ብርሃን ወጣላቸው›› እንዳለ ቅዱስ ኤፍሬም በውዳሴው (ኢሳ. ፱፥፪)፡፡ ቀዳሚ ቃል ኢየሱስ ክርስቶስ ከእመቤታችን ከሥጋዋ ሥጋ፣ ከነፍሷ ነፍስ ነስቶ ሰው በኾነ ጊዜም ቅዱሳን መላእክት በቤተ ልሔም ተገኝተዋል፡፡ ይህንም ቅዱስ ሉቃስ ‹‹ወግብተ መጽኡ ብዙኃን ሐራ ሰማይ፤ የሰማይ መላእክት በድንገት መጡ›› በማለት ገልጾታል (ሉቃ. ፪፥፲፫)፡፡ በድንገት መባሉም አመጣጣቸው ግሩም በመኾኑ ነው፡፡ ቅዱሳን መላእክት ቀድሞ አመጣጣቸው ጻድቃንን ለመርዳት፣ ሰማዕታትን ከስለት ለመታደግ፣ የተቸገረውን ለማጽናት ነበር፡፡

ዛሬ ግን ስለ ሰው ፍቅር ከሰማይ የወረደውን፣ በጎል (በበረት) የተጣለውን፣ በጨርቅ የተጠቀለለውን አምላክ ከሰው ልጅ ጋር በአንድነት ለማመስገን መጡ፡፡ ‹‹ዮም አሐደ መርዔተ ኮኑ መላእክት ወሰብእ ከመ ይሰብሕዎ ለክርስቶስ ንጉሥ፤ ሰውና መላእክት፣ ንጉሥ ክርስቶስን ያመሰግኑ ዘንድ ተባበሩ›› እንዲል፡፡ መላእክት በተፈጥሯቸው የማይሞቱ (ሕያዋን) ሲኾኑ ሰው ደግሞ ሟች ነው፤ ሞት ይስማማዋል፡፡ በጌታችን ልደት ግን መላእክትና የሰው ልጆች በአንድ ማኅበር፣ በአንድ ቃል ‹‹ስብሐት ለእግዚአብሔር›› እያሉ እግዚአብሔርን አመስግነዋል፡፡ በአዳም ኀጢአት ምክንያት ፈርሶ የነበረው የመላእክትና የሰው ልጆች ማኅበር ከተቋረጠ ከብዙ ዘመን በኋላ በኢየሱስ ክርስቶስ ልደት እንደ ገና ተጀመረ፡፡ ይህ የምስጋና ኅብረትም ምድር እንደ ልብስ ተጠቅልላ ስታልፍ ወደ ፊት በምትመጣዋ በአዲሲቷ ዓለም፣ በአዲሱ ሰማይ፣ በአዲሱ ቤተ መቅደስ ይቀጥላል (ራእ. ፳፩፥፩)፡፡

አንድነታችን እንደማያቋርጥና በሰማይም እንደሚቀጥል አረጋዊ መንፈሳዊ ሲገልጥም ‹‹እሉሂ ወእልክቱሂ በአሐዱ ኁባሬ አልቦ ማዕከሌነ ወማዕከሌሆሙ፤ በእኛ በደቂቀ አዳም እና በቅዱሳን መላእክት መካከል ልዩነት የለም›› ይላል፡፡ ይህም የኾነው በጌታችን መወለድ ምክንያት ነው፡፡ በጌታችን ልደት ምክንያት እኛም ዳግመኛ ተወለድን፡፡ የጌታችን ልደት የእኛም የክርስቲያኖች ዅሉ ልደት ነው፡፡ ከሦስቱ የቀጰዶቅያ አባቶች (The three Cappadocian Fathers) አንዱ፣ ታላቁ የቤተ ክርስቲያን አባት ሊቁ ቅዱስ ባስልዮስ ዘቂሣርያ ይህን ምሥጢር ሲገልጥ ‹‹The nativity of Christ is the birthday of the whole human race – የክርስቶስ ልደት የመላው ሰው የልደት ቀን ነው›› ሲል መስክሯል (Hyman of praise to the mother of God)፡፡

ሊቃውንት እንዳስተማሩን እግዚአብሔር አምላክ ዓለምን ከፈጠረበት ጥበቡ ይልቅ ዓለምን ያዳነበት ጥበቡ ይበልጣል፡፡ ጌታችን መድኀኒታችን ኢየሱስ ክርስቶስ የተወለደበት እና ዓለምን ያዳነበት ምሥጢር ከምሥጢራት ዅሉ በላይ ነው፡፡ ይህን ምሥጢር ከማድነቅ ሌላ ሊናገሩት አይቻልም፡፡ ሊቁ ቅዱስ ዮሐንስ አፈወርቅም በመገረም ይህን ጥበብ እንዲህ ሲል ይገልጸዋል፤ ‹‹ምን እላለሁ? ምንስ እናገራለሁ? ከዘመን አስቀድሞ የነበረው እርሱ ሕፃን ኾኗልና፡፡ እኔ ፈጽሜ አደንቃለሁ፡፡ ከሰማየ ሰማያት በላይ የሚኾን፣ በዘለዓለማዊ ዙፋን የሚኖር እርሱ በበረት ተጣለ፡፡ ከሥጋዌ አስቀድሞ አይዳሰስ የነበረ አንዱ እርሱ በምድራውያን እጅ ተዳሰሰ፡፡ ኀጢአትን የሚያስተሰርይ እርሱን በጨርቅ ጠቀለሉት፡፡ ይህን ወዷልና፤›› (ሃይማኖተ አበው ዘዮሐንስ አፈ ወርቅ፣ ፷፮፥፲፯)፡፡ ቅዱስ ዲዮስቆሮስም በቅዳሴው የእግዚአብሔርን ሰው የመኾን ምሥጢር እንዲህ በማለት ገልጾታል፤ ‹‹በጐለ እንስሳ ተወድየ አሞኀ ንግሡ ተወፈየ ወከመ ሕፃናት በከየ እንዘ ይስእል እምአጥባተ እሙ ሲሳየ፤ በእንስሳት በረት ተጨመረ፡፡ የንጉሡንም እጅ መንሻ ተቀበለ፡፡ ከእናቱ ጡቶች ምግብን እየለመነ እንደ ሕፃናት አለቀሰ፤›› (ቅዳሴ ዲዮስቆሮስ ቍ. ፲፯)፡፡

በዚህ ታላቅ በዓላችን የምናደንቀው ሌላው ምሥጢር እግዚአብሔር ወልድ በቅድስት ድንግል ማርያም ማኅፀን፣ በኅቱም ድንግልና ተፀንሶ በኅቱም ድንግልና የመወለዱ ረቂቅ ምሥጢር ነው፡፡ ሊቃውንተ ቤተ ክርስቲያን ይህን ድንቅ የሥጋዌ ምሥጢር ግሩም፣ ዕፁብ እያሉ ያደንቁታል፡፡ ሐዋርያውያን አበውን ተከትለው ከተነሡ የቤተ ክርስቲያን ጠባቆች (Apologists) መካከል አንዱ ቅዱስ ሄሬኔዎስም ፩ኛ የእመቤታችን ዘለዓለማዊ ድንግልና፣ ፪ኛ ድንግል ማርያም አማኑኤል ጌታን መውለዷ እና ፫ኛ የማይሞተው አምላክ መሞት በእግዚአብሔር የዝምታ ሸማ የተጠቀለሉ ሦስት ምሥጢሮች መኾናቸውን ይናገራል፡፡ ኢትዮጵያዊው ቄርሎስ የተባለው አባ ጊዮርጊስ ዘጋሥጫም በመጸሐፈ አርጋኖን ድርሰቱ ይህን ድንቅ የተዋሕዶ ምሥጢር በሚከተለው መልኩ ይገልጠዋል፤

‹‹ሦስቱን ደጆች ያልከፈተ የአብን ልጅ ጥበብ አደንቃለሁ፤ ያለ መለወጥ በኅቱም ድንግልና በመወለዱ፣ የመቃብሩን ደጅ ሳይከፍት በመነሣቱ፣ ደቀ መዝሙርቱ ተሰብስበው ወዳሉበት ቤት በተዘጋ ቤት በመግባቱ እና በሩን ሳይከፍት በመውጣቱ ስለነዚህም ሦስት ደጆች ልቤ አደነቀች፡፡ ከሁለቱ ይልቅ የመጀመሪያው እጅግ ያስደንቀኛል፡፡ ምክንያቱም ሁለቱን ከዚህ በፊት በመጽሐፍ ቅዱስ አውቃቸዋለሁ፡፡ የመቃብሩን ደጅ የሚመስለው ነገር አለ (ዮሐ. ፳፥፲፱)፡፡ ብልጣሶር የተባለ ዳንኤልን በአንበሶች ጕድጓድ ውስጥ በጣሉት ጊዜ ጕድጓዱን በታላቅ መዝጊያ ዘጉት፡፡ ዳንኤልም በረሃብ እንደ ተጨነቀ ልዑል እግዚአብሔር ባየ ጊዜ መልአኩን ወደ ነቢዩ ዕንባቆም ላከ (ዳን. ፮፥፲፮፲፯)፡፡ በራሱም ፀጕር አንሥቶ ተሸክሞ ወስዶ ዳንኤል ወዳለበት ጕድጓድ አገባው፡፡ ዳንኤልና ዕንባቆም እንጀራውንና ንፍሮውን በልተው እግዚአብሔርን አመሰገኑ፡፡ ዕንባቆምም ደጅ ተዘግቶ ሳለ ወጣ፡፡ ስለ ቤቱ ደጅም የሚመስል ነገር አለ፡፡ የእግዚአብሔር መልአክ ከሰማይ ወርዶ ጴጥሮስን ከግዞት ቤት እንዳወጣው በሐዋርያት ሥራ ተጽፏል፡፡ ጴጥሮስንም ካወጣው በኋላ ደጁ ተቈልፎ ዘበኞች በዅሉ ወገን ይጠብቁ ነበር (ሐዋ. ፲፪፥፮)፡፡ ለእነዚህ ለሁለቱ ደጆች ለቅዱሳን የተገኘውን ምክንያት አገኘሁ፡፡ ስለ ድንግልናሽ ደጅ እጠናለሁ፤ ግን ምክንያት አላገኘሁም፡፡ በድንግልና የኖረች ሴትም አላየሁም፡፡ እንደዚህ ዓይነት ነገር ኾኖ አያውቅም፡፡ ኢኮነ እምቅድመ ዝ ወኢኮነ እምድኅረ ዝ – ከዚህ በፊት አልተደረገም፤ ከዚህ በኋላም አይደረግም፤›› (አርጋኖን ዘቀዳሚት)፡፡

በአጠቃላይ በዓለ ልደት፣ በሰውና በእግዚአብሔር መካከል እርቅ የተፈጸመበት በዓላችን ነው፡፡ ለሞት ከመገዛት የዳንበት፤ ጨለማው ተወግዶልን የብርሃን ልጆች የኾንበት፤ የእባብ ራስ የተቀጠቀጠበት፤ ከምድር ወደ ሰማይ ያረግንበትና ከመላእክት ጋር ኾነን ለእግዚአብሔር ምስጋና ያቀረብንበት፤ ከነቢያት ኅብረት ጋር አንድ የኾንበት በዓል ነው፡፡ ድንቅ የተዋሕዶ ምሥጢር የተፈጸመበትን ይህን ልዩ በዓል በመንፈሳዊ ሥርዓት ማክበር ይገባናል፡፡

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡፡

ምንጭ

______

Posted in Ethiopia, Faith | Tagged: , , , , , , , , , , , , , , | Leave a Comment »

ሰብዓ ሰገል ኢትዮጵያውያን ጉዞ ወደ ኢየሩሳሌም

Posted by addisethiopia / አዲስ ኢትዮጵያ on January 5, 2015

SEBaSEGEL

ከ አማረ አፈለ ብሻው

በትንቢተ አሞጽ ምዕራፍ9 . 7የእስራኤል ልጆች ሆይ! እናንተ ለእኔ እንደ ኢትዮጵያውያን ልጆች አይደላችሁምን?” ሲል የተናገረው ከጥንት ጀምሮ ኢትዮጵያውያን እግዚአብሔርን የሚያከብሩ መሆናቸውን በመረዳት ነው። በኋላም ኢየሱስ ክርስቶስ በትንቢቱ መሠረት በቤተልሔም ሲወለድ የሰገዱለት ሰብዓ ሰገል ኢትዮጵያውያን ናቸው። ቀደም ሲል ኢትዮጵያውያን እንደሚሰግዱለት በታሪክ ብቻ ሳይሆን በመጽሐፍ ቅዱስ ላይ ሳይቀር ተጠቅሶ ይገኛል።

መዝሙረ ዳዊት ምዕራፍ 72 . 9በፊቱም ኢትዮጵያውያን ይሰግዳሉ ጣላቶቹም አፈር ይልሳሉ፤ የተርሴስና የደሴቶች ነገሥታት ስጦታን ያመጣሉ፤ የዐረብና የሳባ ነገሥታት እጅ መንሻ ያቀርባሉተብሎ የተጻፈው ይፈጸም ዘንድ ከኢትዮጵያውያን የተወለደው የአይሁድ ንጉሥ ወዴት ነው? እያለ ወደ እስራኤል ተጓዙ። ኢትዮጵያውያን ጌታችን መድኃኒታችን ኢየሱስ ክርስቶስ እንደሚወለድ ይጠባበቁ ስለነበር መወለዱን ሲያውቁ ከርቤወርቅና ዕጣን አበርክተው ሰግደውለታል። ወደ ኢትዮጵያ ከተመለሱ ጀምሮ የዓለም ንጉሥ ጌታችን ኢየሱስ ክርስቶስ መወለዱን ለኢትዮጵያ ሕዝብ አብስረዋል። ቀደም ሲል የአውሮፓ ደራስያን ሊቀበሉ አልፈለጉም ነበር። አሁን ግን ቀስ እያሉ ወደ እውነቱ በመምጣት ላይ ናቸው። ከሦስቱ ሰብዓ ሰገል አንደኛው (ባልታዛር) ኢትዮጵያዊ መሆኑን መናገር ከጀመሩ ውለው አድረዋል። ዛሬስ እንዲያውም እስከ ጋሻ ጦሩ ሥለው አውጥተውታል።

The Lost Book of The Bible” የተባለው መጽሐፍ ገጽ 40 ላይ የሚያመለክተው ሥዕል አንዱ ብቻ ኢትዮጵያዊ መሆኑን ሲሆን ሁለቱ ግን ኢትዮጵያዊ ለዛ ያላቸው አይደሉም። ከዚህ ታሪክ ጋር ሊመሳሰል የሚችል ሌላ ታሪክ መኖሩን ደግሞ ልገልጽ ፈለግሁ። ምክኒያቱም ሁለቱንም መጽሐፍ ያላገኘው ሰው በዚያው መተማመን እንደሌለበትና ተመሳሳይ የሆነ ሌሎችን ሊያሳስት የሚችል በመሆኑ አብሮ ማቅረቡን ትክክል መስሎ ስለታየኝ ይህን ለመጥቀስ ወሰንኩ።

ተውፊታዊ ሐሳብ ዘመንና ታሪክገጽ 37 “ለጌታ ልደት ወደ ቤተልሔም ከሄዱት ከነገስታተ ፋርስ መካከል ከጥበብ ሰዎች አንዱ ኢትዮጵያዊ እንደነበረ ከኢትዮጵያውያን ደራሲያን ጽሑፎች እናገኛለንሲሉ ጽፈዋል። ምናልባት የእኚህ ደራሲ አባባል ከውጭ አገር የታሪክ መጽሐፍት ጋር በተለይም ከላይ ከተጠቀሰው መጽሐፍ ጋር ተቀራራቢ ነው እንጂ በኢትዮጵያውያን ደራሲያን ግን ሁሉም ኢትዮጵያውያን ናቸው ብለው ነው የሚያስተምርቱ። ስለዚህ አንዱ ብቻ ሳይሆን ሦስቱም ንጉሦች ኢትዮጵያውያን ናቸው።

የጥንት ኢትዮጵያ ትንሣኤ ታሪክ የተባለው መጽሐፍ ገጽ 126 “ከኢትዮጵያ ከሚወለዱ የእግዚአብሔር ካህናት በየጊዜው በመንፈስ ተናገሩ። ትንቢቱም ይፈጸም ዘንድ በምሥራቅ በኩል እግዚአብሔር ምልክትን እሳየ ስለዚህ ነው ሁሉም በየራሱ ከሶስት ላይ ወደ ኢየሩሳሌም የወረዱይሉና በኮከብ ብርሃን እየተመሩ ከተወለደበት ደረሱ። ወደ ቤት ገብተው ሕጻኑን ከእናቱ ከማርያም ጋር አዩት። ወድቀውም ሰገዱለት ሣጥናቸውንም ከፍተው እጅ መንሻ ወርቅና እጣን፡ ከርቤ ከወርቅ ሃመልማል የተሰራ እጅ ጠባብ አቀረቡለት። ለእናቱም አንቆአርያውን ዮጵን ሉል የከበረ ድንጋይ ከወርቅ ሃመልማል የተሰራ መጎናጸፊያ ሰንደል እንጨት አድርገው ሰጧትሲሉ ጽፈዋል።

ገብረ ዮሐንስ ገብረ ማርያም፡ ክርስትና በኢትዮጵያ በሚለው መጽሐፋቸው ገጽ 52 “ጌታ በቤተልሔም በተወለደ ጊዜ ከምሥራቅ መምጣታቸው በአዲስ ኪዳን የተነገረላቸው ሰብዓ ሰገል ከኢትዮጵያ እንደሄዱ ኢትዮጵያውያን ሊቃውንት በትውፊታዊ አባባላቸው ይተርካሉሲሉ ጽፈዋል። ሱባኤ የተገባለት ትንቢት የተነገረለት ጌታችን ኢየሱስ ክርስቶስ ሲወለድ ኢትዮጵያውያን ሰግደውለታል።

ከመጽሐፍ ቅዱስ ላይ ኢትዮጵያዊ መዐሆናቸውን አልጻፈም። እነርሱ የጻፉት ማቴዎስ ወንጌል ም. 2 . 1 “የከዋክብት ተመራማሪዎች ከምስራቅ ወደ ኢየሩሳሌም መጡየሚል ነው። ከኢየሩሳሌም ምሥራቅ ኢትዮጵያ እንጂ አውሮፓ ወይም ሕንድ አሊያም አሜሪካን አይደለም።

መሪራስ አማን በላይ በጉግሣ መጽሔት ቅጽ. 3 ቁጥር 1 ሐምሌ 1993 .ም ገጽ 29 “በዚህን ጊዜ በደሽት ከተማ በንጅ ጎጃም የሚቀመጠው በተስፋ ሲጠባበቅ የነበረው እጎጃ ጃቦን ዮጵየሚባለውን ሉል ድንጋይ፡ የወርቅ ሐመልማል ማለት ወርቁን እንደ ሰፌድ ሆኖ የተሰራውን ይዞ በበፉ ሶስት ንጉሶች አስከትሎ፡ ከጣና ደሴት ተነስቶ ኮከቡ ወደሚያመለክትባት ምድር ጉዞአቸውን ቀጠሉ።

አጎጅ የዳቦ አማኣአናቱ የአማራ ጎሳ። ከአናርያ ዙባ ከተማ የሚቀመጠው የመደባይ ጎሣ የደርጊያ የሰገል የማጂና የአራመን ንጉሥ መጋል ከኤውላጥ ንጉሥ መካድሼ ከአቢል ንጉሥ አውር ከአፈር አፍሪካ ንጉሥ ሙርኖ ጋር ሆኖ ከወርቅ ሐመልማል የተሰራ መጎናጸፊያ እጀጠባብ የሰንደል እንጨትና ዕጣን ከርቤም የከበረውን ሉል ወርቅ ይዞ ኮከቡ ወደሚያመለክተው ሀገር ወደ ኢየሩሳሌም በጥንቱ ናግራ ኤደን በዛሬው የመን አድርጎ ጉዞውን ቀጠለ።

የገዳዲ ልጅ ዲዳ ስፍ የኦሮሞ ጎሳ፡ ከዋይዝ ከተማ በቀርሴስ ደሴት በዛሬው አፋር የሚቀመጠው የአዜባውያን አዛልአዳኣዓል የአፍርሴካውያን ንጉሥ አጋቦን በኢንኤ ጊዜር ከአውባው ንጉሥ ሳዱንያ ባል ሜሌኩ አቡል ሰላም ከሳባ ከተማ የሚቀመጠው አርስጣ ጋር ሆነው ወርቅና ዕጣን ከርቤም ይዘው ወደ ኢየሩሳሌም ቀይ ባሕርን ተሻግረው በምሥራቅ በኩል ወጦ ብርሀኑ ወደ ኢየሩሳሌም ያደረገውን ኮከብ አየተው ጉዞአቸውን ቀጠሉ።

አፍርስካ አፍርስካውያን የሆኑ እነዚህ ንጉሦች ሁሉም ዘውድ የደፉ ናቸው። ለእነዚህ ለአስራ ሁለቱ ንጉሦች የበላያቸው በኢትዮጵያ ዋና ከተማ አክሱም የሚቀመጠው ንጉሥ ነገሥት አጤ ባዜን ነው። እነዚህ ንጉሦች በግመሎቻቸውና በፈረሶቻቸው በምድራቸው የእህል የወርቅ የከርቤና የዕጣን ዓይነቶችና ልዩ ልዩ ልብሶች ገፀ በረከቶች ይዘው የንጋቱ ኮከብ ብርሃኑን ለሚያመለዐከታቸው የሰላም ንጉሥ ጋዳ ገፀበረከት ለማቅረብ ጉዞ ቀጠሉሲሉ ጽፈዋል። ይህ ታሪክ ትክክል መሆኑ የዓለም ሕዝብ ሁሉም ያውቃል ባይባልም አልፎ አልፎ የማያውቅ ያለ አይመስለኝም። በተለይም የአፍሪካ ምሁራኖች ሰብዓ ሰገል አፍሪካዊ መሆናቸው በቅኔ ድርሰታቸውና በየአደባባዩ ታሪኩን ሲናገሩ መኖራቸውን አይካድም።

ፀጋዬ ገብረ መድህን ኣርኣያ ጦቢያ መጽሔት ቁጥር 41995 .ም ገጽ 5 “የሴኔጋል ፈላስፋ፣ ዲፕሎማትና ባለቅኔ፡ ሴዳር ሲንጎር፡ የአፍሪካ ልደት ሲከበርና አህጉራዊ ድርጅታቸው ሲፈጠር ሰብዓ ሰገል ከምሥራቅ የመጡ ብልህ ሰዎች “The Wisemen of Africa” እስከመባል ደርሰው እንደነበር እናስታውሳለንሲሉ ጽፈዋል። ኢትዮጵያውያን አባቶቻችን ብዙ የምንይዝላቸው ያልተጻፈ ታሪክ አላቸው። እኛ የሩቅ አድናቂዎች የቅርብ ናቂዎች ሆንን እንጂ ሰብዓ ሰገል 12 ንጉሦች ኢትዮጵያውያን ናቸው።

ቃለ ዓዋዲ የተባለው መጽሔት ቁጥር 2 ሚያዝያ 1990 .ም ገጽ 5 “ኢትዮጵያ በኮከብ እየተመራች ኢየሩሳሌም ድረስ ሄዳ ከፈጣሪዋ ተዋውቃ በአይነ መንፈስ ታየው፡ ትናፍቀው የነበረውን አምላክ በዓይነሥጋ ለይታ መመለሷ ነውይልና የተወለደው የአይሁድ ንጉሥ ወደየት ነው ብላ የጠየቀቻት ኢየሩሳሌም ወደ ቤተልሔም ሄደሽ ፈልጊ ብላ የተዘባበተችበትን ያህል በበረት የተኛውን አምላክ ሳትንቅ ሳታቃልል ከስግደት ጋር የተፈቀደላትን እጅ መንሻ በማቅረብ ሞቱን መንግሥቱን አምላክነቱን መስክራ ጠላቶቹን አሳፍራ ሃይማኖቷን አድሳ ታሪኩን ቀድሳሲል ተጽፎ የሚነበበው ትልቅ ማስረጃ ነው።

__

Posted in Ethiopia, Faith | Tagged: , , , , , , , , , | Leave a Comment »

 
%d bloggers like this: