Addis Ethiopia Weblog

Ethiopia's World / የኢትዮጵያ ዓለም

  • June 2021
    M T W T F S S
     123456
    78910111213
    14151617181920
    21222324252627
    282930  
  • Archives

  • Categories

  • Recent Posts

Posts Tagged ‘ቅዱስ ገብርኤል’

ከ ፪ ዓመት በፊት በመካ ፭ሺ “ሀጂዎችን” የገደለው ፡ ከቁልቢ በቱርኮች ተሠርቆ ወደ መካ የተወሰደው የ ‘ቅ/ ገብርኤል ጽላት’ ይሆን?

Posted by addisethiopia / አዲስ ኢትዮጵያ on January 11, 2018

ግራኝ አህመድ በቱርኮች እየተደገፈ በክርስቲያን ኢትዮጵያ ላይ ዲያብሎሳዊ ዘመቻውን ልክ ባካሄደበት የ16ኛ መቶ አጋማሽ ላይ ኦቶማን ቱርክ መላው አረቢያን ብሎም መካና መዲናን ትገዛ ነበር።

የግራኝ ዘመቻ ክርስትናን መዋጋትና ክርስቲያኖችንም ጨፍጨፍ ብቻ ሳይሆን፣ በተለይ የተደበቁ ቅርሶችንና መረጃዎችን ለማጥፋት፣ ጽላቶችን ለመስረቅ፡ በዚህም የእስልምናን ቅጥፈት እንዲሁም መሀመድን ጎበኘ የሚባለው የጂብሪልን ጋኔናዊነት ለመደበቅ መሆኑ እንደነበር አሁን የሚያጠራጥር ነገር አይደለም።

ነሐሴ ፪ሺ፯ ዓ.ም ላይ ከህንድ ወደ አዲስ አበባ ስበር በዱባይ ቀጥሎም በሳዑዲ አረቢያ በኩል ነበር ያለፍኩት፤ የሆነ ነገር ይሰማኝ ነበር። ከዓመት በፊት መስከረም ፪ሺ፮ ላይ መካኒሳ ቅ/ ሚካኤል ቤ/ ክርስቲያን በነበረኝ ቆይታዬ፤ ደመናው ላይ አፉን የከፈተ አንበሳ ወደ ሳዑዲ አቅጣጫ ነፋሱን የሚነፋ መስሎ ታየኝ (እታች በቪዲዮ አቅርቤዋለሁ በጊዜው)

ወደ ቤት እንደተመለስኩ፤ ቤተሰቦችና ጎረቤቶች በተሰባሰቡበት፤ “ሰሞኑን በመካ ከፍተኛ አደጋ ይኖራል”

አልኩ፡ እንዲያው በዝግታ። መቼም በእኛ ዘንድ ነገሮች እስኪከሰቱ ድረስ ይህን መሰል ነገር በደፈና መቀበል ስለሚቸግረን በጊዜው በቂ አትኩሮ አላገኝም ነበር።

ከጥቂት ቀናት በኋላ፡ በቅዱስ ዮሐንስ ዕለት በመካ ክሬኑ በኃይለኛ አውሎ ነፋስ ተሰባብሮ 107 ሰዎች ሲሞቱ ከሁለት ሳምንታት በኋላም 5ሺህ የሚሆኑ ሀጂዎች ህይወታቸው ሲያልፍ ዘመድ አዝማድ በሙሉ እየተገረመ ስልክ ይደውልልኝ ጀመር። እኔም ሁሉም በእጃችሁ ነው“ሂዱና ቅዱስ ሚካኤልን ወይም ቅዱስ ገብርኤልን ጠይቁ” ነበር ያልኩት።

ቁልቢ ገብርኤል ከዚህ ታሪክ ጋር ምናልባት ሊዛመድ እንደሚችል የተረዳሁት ይህ ሰውየ ያቀረበውን ቪዲዮ ከተመለከትኩ በኋላ ነበር። በጣም የሚገርም ነገር ነው፤ ብዙ ወደ ቁልቢ ገብርኤል የሚሄዱ ሰዎች እንደነገሩኝ ከሆነ በጣም ብዙ አረብ ሙስሊሞች በተለይ ለታህሣሥ ገብርኤል ወደ ቁልቢ ይሄዳሉ። ምን/ ማን ይሆን ወደዚህ ቅዱስ ቦታ እንዲጓዙ የሚገፋፋቸው? ይህ የሁላችንም የቤት ስራ ሊሆን ይገባል።

እነዚህ ትዕቢተኞች እጃቸውን ሰጥተው እስኪንበረከኩ ድረስ ገና ይንቀጠቀጣሉ!

+ የቪዲዮው ጽሑፍ በቴሌግራፍ፦

በዚህ ጉዳይ ላይ የጠለቀ ምርምር እስካሁን አልተካሄደበትም

በመጨረሻዎቹ የ 2016 .ም ወራት አንታርክቲካን በሚምለከት ብዙ ምስጢራዊነት የተሞላባቸው ወሬዎች ሲናፈሱ ይሰሙ ነበር።

ኖቬምበር 42016 .ም የወቅቱ የአሜሪካ የውጭ ጉዳይ ምኒስትር፡ ጆን ኬሪ ወደ አንታርክቲካ አመሩ።

ጆን ኬሪ የመጀመሪያው ከፍተኛ የአሜሪካ ባለሥልጣን ነበሩ የአንታርክቲካን ክፍለ ዓለም ሲጎበኙ። ጆን ኬሪ ለምን ወድዚያ እንዳመሩ ሲጠየቁ የዓየር ጥበቃ ጉዳይ አሳስቧቸው ነው በማለት መልስ ሰጥተው ነበር

ኖቬምበር 23 እና 26 ላይ በአንታርክቲካ 3ፒራሚዶች ተግኝተዋል የሚል ዜናም በየቦታው ይናፈስ ጀመር

ለዚህም ምናልባት ከምድር ክልል ውጭ የመጡ ባዕዳን ፍጥረታት በአንታርክቲካ ሳይገኙ አይቀሩም ይባል ነበር

እንዲያውም አንዳንዶቹ የጠፋችው የአትላንቲስ ከተማ ምናልባት በአንታርክቲካ ሳትገኝ አትቀርም ብለው ይናገራሉ።

የጆን ኬሪ ጉብኝት በእነዚህ ፒራሚዶች ላይ አተኩሮ ይሆን? እዚያስ ከረዓይት ወላጆች “ከወረዱት የሰማይ ልጆች መላእክት” ጋር ለመገናኘት አቅዶ ይሆን?

ኖቬምበር 28 በኑውዚላንዷ ክራይስት ቸርች (የክርስቶስ ብ/ክርስቲያን) 7.8 ዲግሪ ኃይለኛ በነበረው የመሬት መንቀጥቀጥ ተመታች።

በዚህ ወቅት ጆን ኬሪ እዚያ ነበር። ምናልባት እነዚህ ከምድር ውጭ የመጡ ፍጥረታት ጆን ኬሪን ምንም ነገር እንዳይነካ መሬቱን በማንቀጥቀጥ አስጠንቅቀውት ይሆን?

ዲሴምበር 12016 ጠፈርተኛው ኦልድሪን በሳንባ በሽታ ምክኒያት አንታርክቲካን ለቅቆ መውጣቱ ተነገረ። የ86 ዓመቱን አዛውንት ኦልድሪንን በመጀመሪያ ማን ነው ወደ እዚያ ቀዝቅዛ ክፍለ ዓለም የላከው?

ይህ በእንዲህ እንዳለ፡ ዲሰምበር 6 ላይ አንድ እጅግ በጣም አስገራሚ ዜና ተሠራጨ፤ ይህም፦ በጣም አውዳሚ የሆነ ኃይል አለው ስለሚባለው ጥንታዊ የሃይማኖት ቅርስ፡ ስለ ጽላተ ገብርኤል አንድ ትልቅ ወሬ ይወራ ጀመር።

ይህ ጽላተ ገብርኤል በሳዑዲዋ መካ ለሙስሊሞች ቅዱስ ነው ተብሎ በሚነገርለት አካባቢ በመሠራት ላይ ባሉ ህንፃዎች ሥር ነው የተገኘው ይባላል።

የገብርኤልን ጽላትን ልክ እንዳገኙት ብርቱ ኃይል ያለው ነገር ነዝሮ ጽላቱን ያገኙትን 15 ሰዎች በቦታው ገደላቸው።

ከዚያም ኃይለኛ የሆነ ነፋስ የህንፃ መሥሪያ ክሬኖቹን ሰባብሮ ዋናውን የእላሞች መስጊድ ደረማመሰው፤ እዚያ የነበሩትም107ሰዎች ሞቱ።

12 ቀናት በኋላ ይህን የገብርኤልን ጽላት እንደገና ለማውጣት ሲሞክሩ በተጨማሪ የ4ሺህ ሰዎች ህይወት አለፈ።

ነገሩ ያስደነገጣቸው የመካ ታላቁ መስጊድ አስተዳዳሪዎች የሩሲያ ኦርቶዶክስ ፓትሪርክ ኪሪልን ለመገናኘት ወሰኑ።

ለዘመናት በሩሲያውያን እጅ የሚገኘውን አንድ ጥንታዊ የእስልምና ጽሑፍ በሚመለከት ነበር ሳዑዲዎቹ ወደ ሩሲያ የዞሩት።

ይህ በእንዲህ እንዳለ፡ የሩሲያው ፕሬዚደንት ፑቲን ወደ አንታርክቲካ የላኩትን መርከብ በ ሳዑዲዋ የቀይ ባህር ወደብ በጂዳ በኩል እንዲያርፍና የገብርኤልን ጽላት እንዲጭን አዘዙ።

በዚህም መልክ ሩሲያውያኑ ጽላተ ገብርኤልን ወደ ቀዝቃዛዋ አንታርክቲካ ወሰዱት።

በፌብርዋሪ 72016 .ም፡ የሮማው ጳጳስና የሩሲያ ፓትርያርክ በ አንድ ሺህ ዓመት ውስጥ ለመጀመሪያ ጊዜ ለስብስባ በኩባዋ ዋና ከተማ በሃቫና ተገናኙ።

6ቀናት በኋላ የሩሲያው ፓትርያርክ ኪሪል ወደ አንታርክቲካ በማምራት በሳዑዲ በኩል ያለፈውን የሩሲያ መርከብ ተቀበሉ።

እንደሚወራው ከሆነ የገብርኤል ጽላት ግኝት ያስከተለው አደጋ ያሳሰባቸው ጳጳስ ፍራንሲስኮ ነበሩ ከፓርትያርክ ኪሪል ጋር ለመሰባሰብ ጥሪ ያቀረቡት።

በዚህ ስብሰባ ጳጳስ ፍራንሲስኮ ለ ፓትርያርክ ኪሪል ስለ ጽላተ ገብርኤል የሚናገር አንድ ጥንታዊ የሆነ ሰንድ አበርክተውላቸው ነበር ተብሏል።

ይህ ሰነድ፡ መጽሐፈ ሄኖክ ላይ በተጠቀሱት “የወረዱት የሰማይ ልጆች መላአክት” (ተመልካቾች) የተጻፈ ነው የሚል ግምት አለ።

ፓትርያርክ ኪሪል አንታርክቲካ በሚገኝ የሩሲያ ኦርቶዶክስ ቅ/ ሥላሴ ቤ/ክርስቲያን ከጽላተ ገብርኤል ጋር ጥንታዊ የሆነ የጸሎት ሥነስርዓት አካሂደው ነበር ይባላል።

በአንታርክቲካ እንደሚነገረው አንድ ብቻ ሳይሆን 4 የካቶሊኮች እንዲሁም3 የኦርቶዶክስ ዓብያተ ክርስቲያናት ይገኛሉ።

እንደሚነገረው ከሆነ ጽላተ ገብርኤል በአንታርክቲካ ባልታወቀ ጥልቅ ጉድጉድ ውስጥ በሩሲያውያኑ ተቀብሯል።

ስለዚህ ስለ ጽላተ ገብርኤል የሚናገሩ መረጃዎችን ለማግኘት ከባድ ነው።

ይህ ጽላተ ገብርኤል ታሪክ ሦስቱን የ “አብርሃም” ሃይማኖት ቅርንጫፍ ናቸው የሚባሉትን፤

(ኦርቶዶክስ፣ ካቶሊክ እና እስላም) የሚመለከት ቢሆንም፤ አንድ አገር ብቻ ናት የአይሁድ፣ የክርስትና እና የእስልምና እምነቶች ጎን ለጎን የኖሩባት፤ ይህችም ኢትዮጵያ ብቻ መሆኗን ስረዳ፡ በኢትዮጵያ ኦርቶዶክስ ተዋሕዶ ቤተክርስቲያን ታሪክ ላይ ለማተኮር ወሰንኩ።

ኢትዮጵያ በከዳዊነት ከንጉስ ሰለሞን ሥርወመንግሥት ጋር የተሣሰረች ነች፤ አይህዳውያንም ከመጀመሪያ ቤተ መቀደስ ጊዜ አንስቶ በኢትዮጵያ ኖረዋል።

ኢትዮጵያ ቀዳሚ የሆኑት ክርስቲያኖች ከመጀመሪያ ምዕተ ዓመት አንስቶ ኖረውባታል። ቅዱስ ማቴዎስ በኢትዮጵያ ይሰብክ እንደነበር ይታወቃል። እስላሞቹ የመሀመድ ተከታዮችም ወደ ኢትዮጵያ ተሰደው ነበር።

ታዲያ ከሌላ ቦታ ይልቅ ይህን መሰል ኃብታም ድብልቅ ልምድ ባለባት ኢትዮጵያ ብቻ ነው የጽላተ ገብርኤልን ምስጢር ለመግለጥ የሚቻለው።

በስተምስራቅ ኢትዮጵያ ቁልቢ ገብርኤል የሚባል የኦርቶዶክስ ተዋሕዶ ቤተ ክርስቲያን መኖሩን ተረዳሁ

ይህ ቤተክርስቲያን እ..አ በ1887 .ም ነበር የተመሠረተው።

የቁልቢ ገብርኤል ቤ/ክርስቲያን ህንፃ የተሠራው ከ 9ኛው መቶ ጀምሮ ቅዱስ እንደሆነ በሚታወቀው ቦታ ላይ ነው።

9ኛው መቶ ዮዲት ጉዲት በመባል የምትታወቀው አይሁድ ሴት በሰሜን ኢትዮጵያና በአክሱም የነበሩትን ብዙ ዓብያተክርስቲያናትን ለማጥፋት በቅታ ነበር። ጉዲት ማለትም እሳት ማለት ነው።

በዚህ ጊዜ ነበር ጽላተ ገብርኤል ከአክሱም የጉዲት ቃጠሎ ተርፎ በዝዋይ ሐይቅ ወደምትገኝ አንዲት ደሴት የመጣው ይህ ራሱ ሌላ አስደናቂ ታሪክ ነው።

ከዝዋይ ደሴቶች ነበር ጽላተ ገብርኤል በአንድ አባ ሉዊስ በሚባሉ መነኩሴ/ሄዳ ወደ ቁልቢ የተወሰደው

መነኩሴውን ቅ/ገብሬል ነበር ተገልጦላቸው ጽላቱን ወደ ቁልቢ እንዲወስዱ ያዘዛቸው።

16ኛው ክፍለ ዘመን በግራኝ አህመድ ጸረክርስቶሳዊ የጥፋት ዘመቻ ወቅት ጽላቱ ከ ቁልቢ ጠፍቶ እንደነበር የሚታወቅ ነው።

ታዲያ ጽላተ ገብርኤል በ16ኛው ክፍለ ዘመን በግራኝ ተሠርቆና3ሺ ኪሎሜተር ተጕዞ ወደ መካ ተወስዶ ይሆን?

የጽላተ ገብርኤል ታሪክ ከዚህ ጋር የተያያዘ ይሆን?

መካስ ነበርን? አሁንስ አንታርክቲካ ተቀበሯል የተባለለት

እውነተኛው ጽላተ ገብርኤል ነውን? ወይስ ሌላ ነገር?

ሆነም አልሆነም፡ጽላተ ገብርኤል ወይ አንታርክቲካ ነው የሚገኘው፡ ወይም ደግሞ ከ9ኛው ክፍለዘመን ጀምሮ የጽላተ ገብርኤል ባለቤት በሆነችው በጥንታዊቷ የኢትዮጵያ ኦርቶዶክስ ተዋሕዶ ቤ/ክርስቲያን እጅ ነው የሚሆነው።

9ኛው እስከ 16ኛው ምዕተ ዓመት የተከሰቱት ታሪካዊ ክስተቶች እውነቱን እንድናውቅ ረድቶናል

እውነቱ ይህ ነው፤ በይበልጥ ለማወቅና ለመረዳት የሁላችንንም ተሳትፎና ጥረት እጠይቃለሁ።

ይህን የመሰለ ነገር በሚመለከት ቴሌቪዝን እና ሚዲያዎች ሁሉ መረጃዎችን በሚያዳላ መልክ ሲያቀርቡና የምርምር መንገዳችንንም ሲያበላሹብን ቆይተዋል።

ለማንኛውም አገራችን ኢትዮጵያ ገና ያልታወቁ የብዙ ተዓምራት ምድር ናት!

______

Posted in Curiosity, Ethiopia, Faith | Tagged: , , , , , , , , , , , , , , , | Leave a Comment »

አቡነ ቴዎፍሎስ | ኮማንዶዎች በገመድ አንገታቸውን ሸምቀቅ አድርገው በማነቅ ከገደሏቸው በኋላ አስከሬናቸውን በርካታ ሬሳ በተጣለበት ጉድጓድ ውስጥ ወርውረው ጣሉት

Posted by addisethiopia / አዲስ ኢትዮጵያ on October 29, 2017

ጎፋ ገብርኤል አቅራቢያ የሚገኘውን አደባባይ በብጹዕነታቸው ስም ለመጥራትና ኃውልታቸውንም እዚያ ለማቆም ነበር ታቅዶ የነበረው። ለነገሩማ፤ ኃውልቱ እንዲያውም ከናፍጣ ጭስ ተገላግሎ በዚህች ንጹህና ውብ ቤ/ክርስቲያን ግቢ ውስጥ መተከሉ ሳይሻል አይቀርም።

የአገራችን፣ የወገናችንየአምላካችን የኢየሱስ ክርስቶስ ጠላቶች እነማን እንደሆኑ ያው አሁን በግልጽ እየታየን ነው።

ለእነ “ቦብ ማርሊያ”፣ ለ “ካርል ሃይንስ ቡም” እና ለሌሎቹ ባዕዳውያን የአደባባዮች እና የመንገድ ስሞች ይሰጣሉ፣ ኃውልቶች ይቆማሉ፤ ለወገናችን ለአገራችን መስዋዕት ለከፈሉት ኢትዮጵያውያን ግን ቦታም አይሰጣቸውም።

አወይ ጊዜ አወይ ጊዜ
ጊዜ ነቃሽ ፤ጊዜ ወቃሽ
መንገደኛ ሁሉን ታጋሽ

ብፁዕ ወቅዱስ አቡነ ቴዎፍሎስ

ኢትዮጵያ ብዙ መከራዎችን አሳልፋለች ፤ ብዙዎቹ መከራዎች ከውጭ ወራሪዎች ቢደረሱም ከውስጥ ሀይሎችም ከደረሰው ጥቃት ያልተናነሰ መከራ በቤተክርስትያንና በሀገር ላይ ብዙ መከራ ደርሷል ፤ ይህች ቤተክርስቲያን ከዘመነ አክሱም ጀምሮ አሁን እስካለንበት ዘመን ድረስ ብዙ መንግስታትን አሳልፋለች ፤ ፈሪሀ እግዚአብሔር ያላቸው ነገስታት ለቤተክርስትያን እና ለህዝበ ክርስትያን በርካታ መልካም ተግባሮችን አከናውነው ወደማይቀረው አለም አልፈዋል ፤ ስማቸውም በየዘመኑ በመልካም እየተጠራ ትውልድም የሚዘክራቸው እስከ አሁን ድረስ አሉ ፤ ሌሎች ደግሞ የምትጠፋ መስሏቸው ጦር መዘውባታል ፤ በዘመናቸው ቤተክርስትያኒቷን ለማፍረስ ድንጋይ አንስተውባታል ፤ አሳት ለኩሰውባታል ፤ እርሷ ግን የመጣውን መከራ ተቋቁማ እጃቸውን ያነሱባትን ወደ ኋላ ትታ አሁን እኛ ትውልድ ላይ ደርሳለች፡፡

በሁለተኛው ፓትርያርክ ብፁዕ ወቅዱስ አቡነ ቴዎፍሎስ ላይ የደረሰውን ነገር ማስትታወስ ይኖርብናል፡፡ ብጹዕነታቸው ስለ ቤተክርስቲያን በነበራቸው አቋም ምክንያት በግፈኞች ሕይወታቸውን በግፍ እንዲያልፍ ነበር የተደረገው፡፡

አቡነ ቴዎፍሎስ በእስር ቤት ደረሰባቸውን ፀዋትወ መከራ በዓይን ያዩ በታላቁ ቤተመንግስት አብረዋቸው ታስረው የቆዩ ፤ በአፄ ኃ/ስላሴ ዘመን በስልጣን ላይ የነበሩ ታላላቅ ሰዎች ነበሩ፡፡ ከእነዚህ የአይን ምስክሮች በተገኝው የቃል መረጃ መሰረት ቅዱስነታቸው መጀመሪያ የታሰሩት ለብቻቸው በኢዮቤልዩ ቤተመንግሥት ነበር፡፡ በዚህ ቦታ ጥቂት ቀናት ከቆዩ በኋላ በአንዲት ጠባብ ክፍል ውስጥ አስገብተው እጃቸውንና እግራቸውን ከአልጋ ጋር ጠፍረው አሰሯቸው ፡፡ ቀንም ሆነ ማታ ለሽንት ሲወጡ ካልሆነ በስተቀር ሰንሰለቱ አይፈታላቸውም ነበር በዚህ አይነት ለአራት ቀናት እንዲሰቃዩ ከተደረገ በኋላ ባለስልጣኖች ታስረውበት ወደነበረው ቁጠር አንድ እስር ቤት ወሰዷቸው።

ወቅቱ አብይ ፆም ነበር ከጎፋ ገብርኤል ተይዘው ከመጡበት ቀን ጀምሮ ለአርባ ቀናት ያህል እህል የሚባል ነገር አልቀመሱም ፡፡ አንዳንድ ጊዜ ጣታቸውን በውሀ ውስጥ በመንከር ከንፈራቸውን ከማርጠብ በስተቀር ጥም የሚቆርጥ ውሀ እንኳን አልጠጡም፡፡ ምግብ እንዲበሉ አንዳንድ ደርግ ባለስልጣናት እና አብረዋቸው ታስረው የነበሩ አዛውንቶች ለምነዋቸው ነበር ነገር ግን ለመብላት ፍቃደኛ አልነበሩም እስከ ፋሲካ ማግስት ድረስ ምንም ሳይቀምሱ ቆይተዋል ፡፡ ለፋሲካ ማግስት ግን እስረኞች መካከል አረጋውያኑ አጥብቀውና አስጨንቀው ስለለመኗቸው እህል ሊበሉ ችለዋል፡፡

በወቅቱ ከነበሩ ሰዎች መረጃ መሰረት ደርግ አቡነ ቴዎፍሎስን በእስር ቤት ስቃይ ካሳዩአቸው ሰዎች መካከል አንድ ሻለቃ የፈፀመባቸው ግፍ ሳይጠቀስ አይታለፍም ፡፡ ይህ ሰው እርሳቸውን የማበሳጨት ተልዕኮ ስለነበረው በንቀት ‹አባ መልአክቱ›› እያለ ይጠራቸው ነበር፡፡ ሞራልም የሚነካ አነጋገርም ይናገራቸው ነበር፡፡ ከወርቅ የተሰራ የእጅ መስቀላቸውን ቀምቶ እስከ መውሰድ ደርሶም ነበር፡፡ ከሚተኙበት ትንሽ ክፍል ውስጥ ሰቅለውት የነበረውን የጌታችን እና የመድሐኒታችን ኢየሱስ ክርስቶስ ስዕልም በስልጣኑ አውርዶ ወስዶባቸዋል፡፡ የዚህ ሰው ድርጊት ከበስተኋላው የሚገፋፋው ጠላት እንዳለ ያመላክት ነበር፡፡ አቡነ ቴዎፍሎስ የነበራቸው አነስተኛ ግላዊ ነፃነት እንኳን እስከዚህ ድረስ ተገፍፎ እንደነበር የሻለቃው ድርጊት ያሳያል፡፡

‹‹ሲነቅፉአችሁና ሲያሳድዱአችሁ በእኔም ምክንያት ክፉውን ሁሉ በውሸት ሲናገሩባችሁ ብፁዓን ናችሁ። ዋጋችሁ በሰማያት ታላቅ ነውና ደስ ይበላችሁ፥ ሐሴትም አድርጉ፤ ከእናንተ በፊት የነበሩትን ነቢያትን እንዲሁ አሳድደዋቸዋልና።›› የማቴዎስ ወንጌል 5(11-12)

ብፁዕ ወቅዱስ አቡነ ቴዎፍሎስ በብዙ ስቃይ እያዩ በእስር ቤት የቆዩት እስከ ሐምሌ 7 1971 .ም ነበር፡፡ በዚህ ቀን እስረኛው እንዲሰበሰብ ታዞ ሲሰበሰብ አንድ ዘበኛ መጣና የሁለት እስረኞችንና የብፁዕነታቸውን ስም ጠርቶ ብርድ ልብሳቸውን እና የሽንት ቤት ወረቀታቸውን ይዘው እንዲወጡ አዘዘ፡፡ በዚህ ወቅት ብፁዕ ወቅዱስ አቡነ ቴዎፍሎስ ወደ ክፍላቸው ገብተው አጭር ፀሎት ካደረጉ በኋላ ጥቁር ቀሚሳቸውን ለብሰው ነጠላ ጫማ አድርገው ቆባቸውን ደፍተውና ከእንጨት የተሰራ የእጅ መስቀላቸውን ይዘው እስረኞችን ካፅናኑ እና መስቀል ካሳለሙ በኋላ ‹‹ እግዚአብሔር ያስፈታችሁ›› በማለት ተሰናብተዋቸው ወጡ፡፡..

‹‹ጊዜው ክረምት ነበር አባታችን አቡነ ቴዎፍሎስ ተይዘው ወደ ራስ አስራት ካሳ ግቢ አዲስ አበባ ከፍተኛ 12 ቀበሌ 22 ተይዘው ሄዱ በወቅቱ የለበሱት ጥቁር የሐር ቀሚስ ጥቁር ነጠላ ጫማ ጥቁር የመነኩሴ ቆብ ነበር፡፡ እንደ ወትሮ በአንገታቸው ያጠለቁት ወይም በእጃቸው የያዙት መስቀል ግን አልነበረም ፡፡ በተጠቀሰው ግቢ ውስጥ ወዳለው ቤት እንዲገቡ ሲደረግ ከውስጥ የተደበቁ ኮማንዶዎች ባዘጋጁት ገመድ በድንገገት አንገታቸውን ሸምቀቅ አድርገው በማነቅ ገደሏቸው፡፡ወዲያውም አስከሬን የሚያነሱ ሌሎች ሰራተኞች አስከሬናቸውን አንስተው ከቤቱ ውጪ ባለው ግንብ ስር በስተ ምዕራብ በኩል በተቆፈረው እና በርካታ ሬሳ በተጣለበት ጉድጓድ ውስጥ ወርውረው ጣሉት›› (በጊዜው ከነበረ ወታደር የዓይን እማኝ የሰጠው ቃል)

ከዚህ በኋላ ቅዱስነታቸው የት እንደደረሱ ምን አይነት ግድያ እንደተፈጸመባቸው ሳይታወቅ ለ13 ዓመት ተዳፍኖ ቆየ፡፡ ነገር ግን ‹‹ የማይገለጥ የተከደነ ፤ የማይታወቅ የተሰወረ ምንም የለም›› ማቴ 1626 እንደተባለው ጊዜ ሲደርስ በምን አኳኋን እንደሞቱና አስከሬናቸው የት ቦታ እንደተጣለ ሊታወቅ በመቻሉ በእንጦጦ አውራጃ ከፍተኛ 12 ቀበሌ 22 ከሚገኝው ከራስ አስራት ካሳ ግቢ አስከሬናቸው ተቆፍሮ ወጥቶ በጎፋ መካነ ሕያዋን ቅዱስ ገብርኤል ቤተክርስትያን በክብር አረፈ፡፡

ብጹዕ ወቅዱስ አቡነ ቴዎፍሎስ ከአሜሪካ ቦስተን ዩኒቨርሲቲ በቴዎሎጂ የክብር ዶክትሬት ድግሪ አግኝተዋል ፤ 24 ሺህ ሰው በማሳመንና በማጥመቅ የኦርቶዶክስ እምነት ተከታዮች አድርገዋል ፤ መንፈሳዊ ኮሌጅ በማቋቋም እንደ አንድ መምህር ከክፍል እየገቡ በማስተማር ምሳሌነታቸውን አሳይተዋል ፤ የስብከተ ወንጌል አገልግሎት ማስፋፊያ ድርጅት መስርተዋል ፤ ቤተ ክርስቲያን ከዘመኑ ስልጣኔ ጋር ጎን ለጎን መራመድ ትችል ዘንድ ሰባኪያን ቀሳውስትና ዲያቆናት የሚሰለጥኑባቸው የካህናት ማሰልጠኛ ተቋማትን በየሀገረ ስብከቱ እንዲቋቋሙ አድርገዋል ፤ አሜሪካ ከሚገኝው ብሔራዊ የሰብአዊ ጥናቶች መርጃ ድርጅት የገንዘብና የመሳሪያ እርዳታ በመጠየቅ የብራና መጻህፍት የማይክሮ ፊልም ድርጅት አቋቁመዋል(አሁን በመንግስት የተወረሰ) ፤ የዘመን ጥርስ የበላቸው በርካታ በሺህ የሚቆጠሩ የብራና መጻህፍት ጨርሰው ሳይጠፉ ከየገዳማቱና ከየአድባራቱ በማሰባሰብ በማይክሮ ፊልም እንዲቀረጹ አድርገዋል ፤ ቤተክርስቲያን በራሷ ገቢ የምትተዳደርበት የሰበካ ጉባኤ ሃሳብ በማቅረብ አደራጅተው በቃለ አዋዲ እንዲመራ አድርገዋል ፤ የሕጻናት ማሳደጊያ ድርጅት እንዲቋቋም አድርገዋል ፡፡ አቡነ ቴዎፍሎስ በጠቅላላ ቤተክርስቲያን ያፈራቻቸው አለም አቀፋዊ ብቁ ዲፕሎማት መሆናቸውን ታሪካቸው ይመሰክራል፡፡

______

Posted in Ethiopia, Faith, Infos | Tagged: , , , , , , , , , | Leave a Comment »

ዓለምን ሲያውኩት ያጋንንት ሥራቸው፤ እንዳያተርፈን ለእኛ የእነርሱ ግብራቸው፤ ገብርኤል በሰይፉ ቀጥቅጦ ጣላቸው!!!

Posted by addisethiopia / አዲስ ኢትዮጵያ on July 26, 2017

ቅዱስ ገብርኤል

______

ኦሪት ዘጸአት ምዕራፍ ፳፫:

    በመንገድ ይጠብቅህ ዘንድ ወዳዘጋጀሁትም ስፍራ ያገባህ ዘንድ፥ እነሆ፥ እኔ መልአክን በፊትህ እሰድዳለሁ።

መጽሐፈ ነገሥት ቀዳማዊ ምዕራፍ ፲፱:

፭    ክትክታውም ዛፍ በታች ተጋደመ እንቅልፍም አንቀላፋ፤ እነሆም፥ መልአክ ዳሰሰውና። ተነሥተህ ብላ አለው

ትንቢተ ዳንኤል ምዕራፍ ፰

፲፭   እኔም ዳንኤል ራእዩን ባየሁ ጊዜ ማስተዋሉን ፈለግሁ፤ እነሆም፥ የሰው ምስያ በፊቴ ቆሞ ነበር።

፲፮   በኡባልም ወንዝ መካከል። ገብርኤል ሆይ፥ ራእዩን ለዚህ ሰው አስታውቀው ብሎ የሚጮኸውን የሰውን ድምፅ ሰማሁ።

፲፯   እኔም ወደ ቆምሁበት ቀረበ፤ በመጣም ጊዜ ፈርቼ በግምባሬ ተደፋሁ፤ እርሱም። የሰው ልጅ ሆይ፥ ራእዩ ለፍጻሜ ዘመን እንደ ሆነ አስተውል አለኝ።

፲፰   ሲናገረኝም ደንግጬ በምድር ላይ በግምባሬ ተደፋሁ፤ እርሱም ዳሰሰኝ ቀጥ አድርጎም አቆመኝ።

፲፱   እንዲህም አለኝ። እነሆ፥ በመቅሠፍቱ በመጨረሻ ዘመን የሚሆነውን አስታውቅሃለሁ፤ ይህ ለተወሰነው ለፍጻሜ ዘመን ነውና።

ትንቢተ ዘካርያስ ምዕራፍ ፩:

፲፪   የእግዚአብሔርም መልአክ መልሶ። አቤቱ፥ የሠራዊት ጌታ ሆይ፥ እነዚህ ሰባ ዓመት የተቈጣሃቸውን ኢየሩሳሌምንና የይሁዳን ከተሞች የማትምራቸው እስከ መቼ ነው? አለ።

የማቴዎስ ወንጌል ምዕራፍ ፲፰:

፲     ከነዚህ ከታናናሾቹ አንዱን እንዳትንቁ ተጠንቀቁ፤ መላእክቶቻቸው በሰማያት ዘወትር በሰማያት ያለውን የአባቴን ፊት ያያሉ እላችኋለሁና።

የሉቃስ ወንጌል ምዕራፍ ፩:

፳፮   በስድስተኛውም ወር መልአኩ ገብርኤል ናዝሬት ወደምትባል ወደ ገሊላ ከተማ፥

፳፯   ከዳዊት ወገን ለሆነው ዮሴፍ ለሚባል ሰው ወደ ታጨች ወደ አንዲት ድንግል ከእግዚአብሔር ዘንድ ተላከ፥ የድንግሊቱም ስም ማርያም ነበረ።

፳፰   መልአኩም ወደ እርስዋ ገብቶ። ደስ ይበልሽ፥ ጸጋ የሞላብሽ ሆይ፥ ጌታ ከአንቺ ጋር ነው፤ አንቺ ከሴቶች መካከል የተባረክሽ ነሽ አላት።

የዮሐንስ ወንጌል ምዕራፍ ፳:

፲፩   ማርያም ግን እያለቀሰች ከመቃብሩ በስተ ውጭ ቆማ ነበር። ስታለቅስም ወደ መቃብር ዝቅ ብላ ተመለከተች፤

፲፪   ሁለት መላእክትም ነጭ ልብስ ለብሰው የኢየሱስ ሥጋ ተኝቶበት በነበረው አንዱ በራስጌ ሌላውም በእግርጌ ተቀምጠው አየች።

፲፫   እነርሱም። አንቺ ሴት፥ ስለ ምን ታለቅሻለሽ? አሉአት። እርስዋም። ጌታዬን ወስደውታል ወዴትም እንዳኖሩት አላውቅም አለቻቸው።

፲፬   ይህንም ብላ ወደ ኋላ ዘወር ስትል ኢየሱስን ቆሞ አየችው፤ ኢየሱስም እንደ ሆነ አላወቀችም።

የሐዋርያት ሥራ ምዕራፍ ፲፪:

፮   ሄሮድስም ሊያወጣው ባሰበ ጊዜ፥ በዚያች ሌሊት ጴጥሮስ በሁለት ሰንሰለት ታስሮ ከሁለት ወታደሮች መካከል ተኝቶ ነበር፤ ጠባቂዎችም በደጁ ፊት ሆነው ወኅኒውን ይጠብቁ ነበር።

፯   እነሆም፥ የጌታ መልአክ ቀረበ በቤትም ውስጥ ብርሃን በራ፤ ጴጥሮስንም ጎድኑን መትቶ አነቃውና። ፈጥነህ ተነሣ አለው። ሰንሰለቶቹም ከእጁ ወደቁ።

  መልአኩም። ታጠቅና ጫማህን አግባ አለው፥ እንዲሁም አደረገ።

፱    ልብስህንም ልበስና ተከተለኝ አለው። ወጥቶም ተከተለው፤ ራእይንም የሚያይ ይመስለው ነበር እንጂ በመልአኩ የሚደረገው ነገር እውነት እንደ ሆነ አላወቀም።

የዮሐንስ ራእይ ምዕራፍ ፲፪:

  በሰማይም ሰልፍ ሆነ፤ ሚካኤልና መላእክቱ ዘንዶውን ተዋጉ። ዘንዶውም ከመላእክቱ ጋር ተዋጋ፥ አልቻላቸውምም፥ ከዚያም ወዲያ በሰማይ ስፍራ አልተገኘላቸውም።

      ዓለሙንም ሁሉ የሚያስተው፥ ዲያብሎስና ሰይጣን የሚባለው ታላቁ ዘንዶ እርሱም የቀደመው እባብ ተጣለ፤ ወደ ምድር ተጣለ መላእክቱም ከእርሱ ጋር ተጣሉ።

      ታላቅም ድምፅ በሰማይ ሰማሁ እንዲህ ሲል። አሁን የአምላካችን ማዳንና ኃይል መንግሥትም የክርስቶስም ሥልጣን ሆነ፥ ቀንና ሌሊትም በአምላካችን ፊት የሚከሳቸው የወንድሞቻችን ከሳሽ ተጥሎአልና።

፲፩    እነርሱም ከበጉ ደም የተነሣ ከምስክራቸውም ቃል የተነሣ ድል ነሡት፥ ነፍሳቸውንም እስከ ሞት ድረስ አልወደዱም።

፲፪    ስለዚህ፥ ሰማይና በውስጡ የምታድሩ ሆይ፥ ደስ ይበላችሁ፤ ለምድርና ለባሕር ወዮላቸው፥ ዲያብሎስ ጥቂት ዘመን እንዳለው አውቆ በታላቅ ቍጣ ወደ እናንተ ወርዶአልና።

ኦሪት ዘፍጥረት ምዕራፍ ፲፱:

    ሁለቱም መላእክት በመሸ ጊዜ ወደ ሰዶም ገቡ፤ ሎጥም በሰዶም በር ተቀምጦ ነበር። ሎጥም ባያቸው ጊዜ ሊቀበላቸው ተነሣ፤ ፊቱንም ደፍቶ ወደ ምድር ሰገደ፥ አላቸውም።

፪     ጌቶቼ ሆይ፥ ወደ ባሪያችሁ ቤት አቅኑ፥ ከዚያም እደሩ፥ እግራችሁንም ታጠቡ፤ ነገ ማልዳችሁም መንገዳችሁን ትሄዳላችሁ። እነርሱም። በአደባባዩ እናድራለን እንጂ፥ አይሆንም አሉት።

መጽሐፈ ኢያሱ ወልደ ነዌ ምዕራፍ ፭:

፲፫   እንዲህም ሆነ፤ ኢያሱ በኢያሪኮ አጠገብ ሳለ ዓይኑን አንሥቶ ተመለከተ፥ እነሆም፥ የተመዘዘ ሰይፍ በእጁ የያዘ ሰው በፊቱ ቆሞ ነበር፤ ኢያሱም ወደ እርሱ ቀርቦ። ከእኛ ወገን ወይስ ከጠላቶቻችን ወገን ነህን? አለው።

፲፬   እርሱም። አይደለሁም፤ እኔ የእግዚአብሔር ሠራዊት አለቃ ሆኜ አሁን መጥቼአለሁ አለ። ኢያሱም ወደ ምድር በግምባሩ ተደፍቶ ሰገደና። ጌታዬ ለባሪያው የሚነግረው ምንድር ነው? አለው።

፲፭   የእግዚአብሔርም ሠራዊት አለቃ ኢያሱን። አንተ የቆምህበት ስፍራ የተቀደሰ ነውና ጫማህን ከእግርህ አውልቅ አለው። ኢያሱም እንዲሁ አደረገ።

መጽሐፈ መሳፍንት ምዕራፍ ፲፫:

፩    የእስራኤልም ልጆች በእግዚአብሔር ፊት እንደ ገና ክፉ ሥራ ሠሩ፤ እግዚአብሔርም በፍልስጥኤማውያን እጅ አርባ ዓመት አሳልፎ ሰጣቸው።

   ከዳን ወገን የሆነ ማኑሄ የሚባል አንድ የጾርዓ ሰው ነበረ፤ ሚስቱም መካን ነበረች፥ ልጅም አልወለደችም።

፫    የእግዚአብሔርም መልአክ ለሴቲቱ ተገልጦ እንዲህ አላት። እነሆ፥ አንቺ መካን ነሽ፥ ልጅም አልወለድሽም፤ ነገር ግን ትፀንሻለሽ፥ ወንድ ልጅም ትወልጃለሽ።

    አሁንም ተጠንቀቂ፤ የወይን ጠጅን የሚያሰክርም ነገር አትጠጪ፥ ርኩስም ነገር አትብዪ።

    እነሆ፥ ትፀንሻለሽ፥ ወንድ ልጅም ትወልጃለሽ፤ ልጁም ከእናቱ ማኅፀን ጀምሮ ለእግዚአብሔር የተለየ ናዝራዊ ይሆናልና በራሱ ላይ ምላጭ አይድረስበት፤ እርሱም እስራኤልን ከፍልስጥኤማውያን እጅ ማዳን ይጀምራል።

፳፬  ሴቲቱም ወንድ ልጅ ወለደች፥ ስሙንም ሶምሶን ብላ ጠራችው፤ ልጁም አደገ እግዚአብሔርም ባረከው።

ትንቢተ ዳንኤል ምዕራፍ ፰:

   ወደ አውራውም በግ ሲቀርብ አየሁት፤ እርሱም ተመረረበት፥ አውራውንም በግ መታ፥ ሁለቱንም ቀንዶች ሰበረ፤ አውራውም በግ ሊቋቋመው ኃይል አልነበረውም፥ እርሱም በምድር ላይ ጥሎ ረገጠው፤ አውራውንም በግ ከእጁ ያድነው ዘንድ የሚችል አልነበረም።

   አውራውም ፍየል ራሱን እጅግ ታላቅ አደረገ፤ በበረታም ጊዜ ታላቁ ቀንዱ ተሰበረ፥ ወደ አራቱም የሰማይ ነፋሳት የሚመለከቱ አራት ቀንዶች ከበታቹ ወጡ።

    ከእነርሱም ከአንደኛው አንድ ታናሽ ቀንድ ወጣ፥ ወደ ደቡብም ወደ ምሥራቅም ወደ መልካሚቱም ምድር እጅግ ከፍ አለ።

     እስከ ሰማይም ሠራዊት ድረስ ከፍ አለ፤ ከሠራዊትና ከከዋክብትም አያሌዎችን ወደ ምድር ጣለ፥ ረገጣቸውም።

፲፩   እስከ ሠራዊትም አለቃ ድረስ ራሱን ታላቅ አደረገ፤ ከእርሱም የተነሣ የዘወትሩ መሥዋዕት ተሻረ፥ የመቅደሱም ስፍራ ፈረሰ።

፲፪   ሠራዊቱም ከኃጢአት የተነሣ ከዘወትሩ መሥዋዕት ጋር ተሰጠው፤ እርሱም እውነትን ወደ ምድሩ ጣለ፥ አደረገም ተከናወነም።

፲፫   ከቅዱሳኑም አንዱ ሲናገር ሰማሁ፤ ለተናገረው ለቅዱሱም ሁለተኛው ቅዱስ። ስለ ዘወትሩ መሥዋዕት፥ መቅደሱና ሠራዊቱም ይረገጡ ዘንድ ስለሚሰጥና ስለሚያጠፋ ኃጢአት የሆነው ራእይ እስከ መቼ ይሆናል? አለው።

፲፬    እርሱም። እስከ ሁለት ሺህ ሦስት መቶ ማታና ጥዋት ድረስ ነው፤ ከዚያም በኋላ መቅደሱ ይነጻል አለኝ።

፲፭    እኔም ዳንኤል ራእዩን ባየሁ ጊዜ ማስተዋሉን ፈለግሁ፤ እነሆም፥ የሰው ምስያ በፊቴ ቆሞ ነበር።

፲፮    በኡባልም ወንዝ መካከል። ገብርኤል ሆይ፥ ራእዩን ለዚህ ሰው አስታውቀው ብሎ የሚጮኸውን የሰውን ድምፅ ሰማሁ።

፲፯    እኔም ወደ ቆምሁበት ቀረበ፤ በመጣም ጊዜ ፈርቼ በግምባሬ ተደፋሁ፤ እርሱም። የሰው ልጅ ሆይ፥ ራእዩ ለፍጻሜ ዘመን እንደ ሆነ አስተውል አለኝ።

፲፰    ሲናገረኝም ደንግጬ በምድር ላይ በግምባሬ ተደፋሁ፤ እርሱም ዳሰሰኝ ቀጥ አድርጎም አቆመኝ።

______

Posted in Ethiopia, Faith | Tagged: , , , , | Leave a Comment »

ለጌታችን ኢየሱስ ክርስቶስ መምጫና ለዓለም መጨረሻ የተሰጠው የመጨረሻው ምልክት ጥቅምት 1982 ዓ.ም ተፈጸመ፡ ፍጻሜውንም ቅዱስ ገብርኤል አበሰረ

Posted by addisethiopia / አዲስ ኢትዮጵያ on February 26, 2015

ከያየህይራድ ወንጌሌ

ለአሕዛብ ሁሉ ምስክር እንዲሆን ይህ የመንግሥት ወንጌል በዓለም ሁሉ ይሰበካል፥ በዚያን ጊዜም መጨረሻው ይመጣል[ማቴ. 2414]

Hubble_07

“በሕዋ ቴሌስኮፕ የመላእክት ፎቶ ተቀረፀበሚል ርዕስ ኦክቶበር 16 ቀን 1990 ..አ፥ ጥቅምት 1982 .. ለንባብ የበቃው ሰንየተባለው በአሜሪካ የሚታተም መጽሔት በገለጸበት እለት ነበር ከላይ የተጠቀሰው በማቴ. 2414 የተጻፈው የትንቢት ቃል የተፈጸመው።

የአሜሪካ ብሔራዊ ኤሮናቲክና የሕዋ አስተዳደር (NASA) በመንኮራኩር ጭኖ በሕዋ በተከላት በ ሀብልየሕዋ የርቀት መነጽር (HUBBLE SPACE TELESCOPE) ሰባት ግዙፍ መላእክትን ለማየት በቅተዋል። ያዩት የሥነሕዋ ተመራማሪዎች እንዳሉት ብርሃናቸው ኃይለኛና ብሩህ ብርቱካናማ ቀለም ሲሆን፡ ጭጋጋማ የሆነ በራስ ዙሪያ የሚታይ አክሊል ተደፍቶባቸዋል። የክንፎቻቸውም ርዝመት ሰማንያ ጫማ ያህል እንደሚረዝምና የአውሮፕላን ክንፍ እንደሚያክል ሲናገሩ የሰባቱም አባላት ቡድን የታዩት ሲበሩ ነው። ፊቶቻቸው ክብ ሲሆን በዝምታ የተደበቡ ይመስላሉ። ሁሉም ብርሃን ይፈልቅባቸዋል፤ ሁሉም በሀብል ቴሌስኮፕ ፎቶ ግራፍ ለመነሳት የተዘጋጁ ከመምሰላቸውም በቀር ምሥጢራዊ በሆነው የሕዋ ዓለም እርስ በርሳቸው ፈገግታ እየተለዋወጡ ይታያሉ።ይላል።

ይህ ጌታ ያለው የወንጌል ስብከትም በዓለም ሁሉ የመፈጸሚያው ጊዜ ሲደርስ እንዴት እንደሚፈፀም ደግሞ የጌታ የትንቢት መንፈስ አስቀድሞ ለወንጌላዊው ዮሐንስ በራእይ አሳይቶታል። ዮሐንስም ያየውንና የሰማውን እርሱም ከወንጌል ለዓለም መስበክ ጀምሮ ያለውን የፍጻሜ ዘመን ትንቢቶች መፈጸም ለምድር ሕዝብ በሙሉ የሚያበስሩ የሚያረጋግጡም ሰባት መላእክት በሰማይ መካከል ሲበሩ እንደሚታዩ ከነቅደም ተከተል መልእክቶቻቸው ከራእይ 146 ጀምሮ አስቀምጦልናል። እነዚህም ለሥነ ሕዋ ተመራማሪዎች በሀብል ቴሌስኮፕ የታዩአቸውና ምስላቸውንም የተቀረፁላቸው ሰባቱ ሊቃነመላእክት ነበሩ።

ይህንም የሰማይ ላይን ድንቅ ነገር ይዞ የወጣው ጋዜጣም ሁሉም መላእክት በሀብል ቴሌስኮፕ ፎቶግራፍ ለመነሳት የተዘጋጁ ከመምሰላቸውም በቀር ምስጢራዊ በሆነው የሕዋ ዓለም እርስ በርሳቸው ፈገግታ እየተለዋወጡ ይታያሉብሎአል።

እንደ ሥነሕዋ ተመራማሪዎች አባባል እነዚህ ሰባት መላእክት ፎቶግራፍ ለመነሳት የተዘጋጁ መምሰል ብቻ ሳይሆን ሮቶግራፍ ለመነሳት ፈልገውና ተዘጋጅተው ነበር ያደረጉት። ምስጢራዊ በሆነው የሕዋ ዓለም እርስ በርሳቸዋ ፈገግታ እየተለዋወጡ መታያታቸውደግሞ የሥነሕዋ ተመራማሪዎች አልገባቸው እንደሆነ እንጂ ጌታ ኢየሱስ ስለመምጫው በወንጌል የተናገረው ትንቢት አፈጻጸሙ በሰባቱ ሊቃነመላእክት እንደሚከናወን ዮሐንስ በጻፈልን መሠረት የእያንዳንዳቸውን ተልዕኮ ማስተላለፋቸው ነው።

ምሥጢራዊ በሆነው የሕዋ ዓለም እርስ በርሳቸው በፈገግታ ከተለዋወጡ መልእክቶቻቸው መካከል የመጀመሪያውን መልእክት የአብሳሪውን ቅዱስ ገብርኤል እነሆ፦

በምድር ለሚኖሩ ለአሕዛብም ለነገድም ለቋንቋም ለወገንም ሁሉ ይሰበክ ዘንድ የዘላለም ወንጌል ያለው ሌላ መልአክ ከሰማይ ከመካከል ሲበር አየሁ፤ በታላቅ ድምፅም፦ የፍርዱ ሰዓት ደርሷልና እግዚአብሔርን ፍሩ ክብርንም ሰጡት፤ ሰማይንና ምድርንም ባሕርንም የውኃንም ምንጮች ለሠራው ስገዱለት አለ[ራእ. 146-7]

ይህም መልእክት በማቴ. 2414 የተባለውን የወንጌል ስብከት በዓለም ሁሉ መፈጸም በማያጠራጥር መልኩ ሲያረጋግጥ ነው። በሕዋ ቴሌስኮፕ የመላእክት ፎቶ ተቀረፀበሚል ርዕስ ሰን” (ፀሐይ) የተባለው መጽሔት የጻፈው ልክ መልአኩ በተናገረው መሠረት በምድር ለሚኖሩ አሕዛብ ሁሉ በየነገዱ ቋንቋ ለየወገኑ ተተርጉሞ በራዲዮ በመጽሔቶች በጋዜጦች በቴሌቪዥንም ቀርበውለታል። በአገራችንም በኢትዮጵያም አዲስ ዘመን ጋዜጣ አድማስ ህዳር 23 ቀን 1983 .ከሰንመጽሔት ያገኘውን ተርጉሞ ለሕዝብ አቅርቦታል። በሦስት ነገድ (ብሔር) ቋንቋዎችም ተሠራጭቷል።

የጌታ ቃል በራእዩ እንደሚፈጸም የተጻፈው ይፈጸም ዘንድ በራእይ 146 ጀምሮ የተጻፈው የሰባቱ መላእክት መልእክት በዚህ ሁኔታ ተላልፎአል።

እንዲያውም እነዚህ መላእክቶች ቀደም ብለው እኛ የእግዚአብሔር መልእክተኞች ነን፥ አለንሲሉ እግዚአብሔር የለም በሚል ከንቱ ፍልስፍና ውስጥ ለነበሩ ለሩሲያውያን ነበር የተገለጹት። ስለዚህም (የናሳ) የምርምር ተቋም ባለሥልጣኖች፦ ይህ በሕዋ ላይ ምስል ማየቱ የመጀመሪያው መረጃ እንዳልሆነ ይናገራሉ። በ1972 .. ወደ አሜሪካ የኮበለለ አንድ የሶቪየት ሩሲያ ጠፈርተኛ በበኩሉ ከጥቂት ዓመታት በፊት ሳዩዝ 8” በተባለች መንኮራኩር የጠፈር ተልዕኮው በመቶ ሃያኛ ቀኑ ላይ አንድ በብርሃንና በፈገግታ የታጀበ የመላእክት ቡድን አይቶ እንደነበረ ገልጿል፤ መስክሮአል። ይህም ለአሕዛብ ሁሉ ወንጌል ይሰበካል።የተባለው ቃል ፍፃሜ ዋዜማው ነበረ።

hst_hourglass_nebula_650የዚህም ሁሉ ውጤት የአሜሪካና የሶቪየት መሪዎች ሮናልድ ሬጋንና ሚሐኤል ጐርቫቾቭ መላጢያ (ማልታ) በተባለች በታላቁ ባሕር (ሚድትራንያን ባሕር) በምትገኝ ደሴት ስለ ሰላም ስብሰባቸውን ከጨረሱ በኋላ ሚሐኤል ጐርባቾቭ ወደ ኢጣሊያ ተጉዘው ዮሐንስ ጳውሎስ ፪ኛ የካቶሊክ ፓፓ ፊት ሲደፉ (ንስሃ ሲገቡ ይመስላል) የጌታ ኢየሱስ ሥነስቅለት ያለበትን ቀለበታቸውን ስጥተዋቸዋል። እርሳቸውም ኮሙዩኒዝምን፥ በሶቪየት ሕብረት መሪነት ለረጅም ዘመናት በብዙ አገሮች የነበረን እግዚአብሔርንና ሥራውን የመካድ ልብወለድ ፍልስፍና ሻሩ። በሶቪየት ሕብረት የእጅ አዙር ባርነት ሥር የነበሩ አገሮችን ሁሉ ነፃነት ሰጡ፥ ለቀቋቸውም። በክህደት የነበሩ አገሮች ፈጣሪአቸውን እግዚአብሔርን ወደ ማምለክ እምነት ተመለሱ። የተከፋፈሉ አገሮችም አንድ ሆኑ። የዚህ ማምለክ እምነት ተመለሱ። የተከፋፈሉ አገሮችም አንድ ሆኑ። የዚህ ውጤትም በሀገራችን በኢትዮጵያ ብዙ ሰዎች በውሸት ዕውቀት ከተባለ ከከንቱ መለፍለፍ ተላቅቀው ወደ ቤተክርስቲያን እንዲመለሱ እንዳደረጋቸው በዓይናችን አይተናል። ከዚሁ የወንጌል ስብከት በዓለም ከተፈፀመበት ከ1983 .. አካባቢ ጀምሮ፦

  • የሥነስቅለት፥ በአጠቃላይ የጌታ ኢየሱስ ክርስቶስ የእመቤታችን የቅድስት ድንግል ማርያምና መጽሐፍ ቅዱስ ታሪክ በስዕልና በጥቅስ በየቦታው መታተምና መበተን፤ በየሰዓቶች ላይም፥ ሰዓትን በተመለከቱ ቁጥር የመምጫውን ሰዓት ምልክት አስተውሉ እያለ ነው።

  • የመስቀሉ በየሁሉ ክርስቲያን አንገት መደረግ (መሸከም)

  • በታላቋ የኢትዮጵያ ኦርቶዶክስ ተዋሕዶ ቤተ ክርስቲያን የምሽት መሥዋዕት (የሠረክ ጸሎት) መርሐ ግብር መካሄድ መጀመር፤

  • ሕዝብ ተሰጥኦውን መለሰ፥ ከካህናት ጋር አብሮ ቀደሰ፥ አመሠገነ፤

  • የብዙ ወንጌላውያን መነሳትና በየቦታው መሰበክ፤

  • ከመቶ የማያንሱ መንፈሳዊ መጻሕፍት ተዘጋጅተው ታትመዋል።

  • ለፍጻሜ ዘመን የተሰጡት ምልክቶች አንዱ ሌላውን እያጎላው እስከ ፍጻሜ ድረስ እየበረቱ ይሄዳሉና ስብከተ ወንጌሉ በተፈጸመበት በ1983 .. በተካሄደው የኢራቅና የሕብረብሔሩ (የፋርስ ባሕረ ሰላጤ) ጦርነት የስብከተ ወንጌሉን ፍጻሜ ሲያበረታው በዚያን ወቅት፦

  • ስለ አርማጌዶን ጦርነት በእንግሊዝ ጋዜጣ ታትሞ ወጣ፤

  • በዮሐንስ ራእይ ምዕራፍ 18 ስለ ባቢሎን (ስለ ኢራቅ) ጥፋት የተጻፈው በኢትዮጵያ በአዲስ ዘመን ጋዜጣ ታትሞ ወጣ፤

  • ሕዝብም በመጽሐፍ ቅዱስ ገበያ ላይ ዘመተ። በጊዜው ግን ለሻጭም ሆነ ለገዥ በቂ ቃለ እግዚአብሔር (መጽሐፍ) በገበያ ላይ አልተገኘም።

  • በአብያተክርስትያናትም ሆነ በየአደባባዩ ቃሉ ተዘራ። በየቤቱና በየመንገዱም በየመሥሪያ ቤቱም፥ በማንኛውም ሥፍራ በየመጠጥ ቤቱ እንኳ ሳይቀር በሁሉም ዘንድ ጭውውቱ ስለ ወንጌል ሆነ።

  • እንኳንስ ክርስቲያን በተባሉ ባይደሉትም ዘንድ ለመከራከሪያ ወንጌል ተጠቀሰ። ስለ እንደዚህ ዓይነት ነገሮች ግን በጳውሎስ፦ የሚያናውጧችሁ የክርስቶስንም ወንጌል ሊያጣምሙ የሚወዱ አንዳንዶች አሉ እንጂ። ንገር ግን እኛ ብንሆን ወይም ከሰማይ መላእክት ከሰበክንላችሁ ወንጌል የሚለይ ወንጌልን ቢሰብክላችሁ፥ የተረገመ ይሁን።ሁለተኛ አላለሁ፥ ከተቀበላችሁት የተለየውን ማንም ቢሰብክላችሁ የተረገመ ይሁን።ተብሎ በገላ. 17-9 የተሰጠንን ማስጠንቀቂያና የውግዘት ቃል በተቀበልን ክርስትያኖች ዘንድ ትምህርቱ ተቀባይነት አይኖረውም እንጂ በአሕዛብ ሁሉ ላይ ምስክር እንዲሆን ይህ የመንግሥት ወንጌል በዓለም ሁሉ ይሰበካልየተባለው ቃል ፍጻሜ ውጤት ነው።

Space Angels: Aliens or Sign of the Apocalypse?

AngelsInSpaceIn 1985, six crew-members on board the Soviet Salyut-7 space station witnessed something incredible:

A flash of bright light blinded all the cosmonauts on board for a short time. After a few seconds when they could see again, the cosmonauts saw silhouettes of seven figures outside the station.

The silhouettes looked like humans, but were huge, at least 90 feet. They also had large wings and luminous halos above their heads, the creatures looked like angels.

They were glowing, they reported…

“We were truly overwhelmed.”

“There was a great orange light, and through it we could see the figures of seven Angels.”

“The entire Space Station became filled with a feeling of peace and calm”

“These glorious beings were sent by God to watch over us during our long mission”

CosmosAngelsThe Angels kept pace with the space station for some 10-minutes before vanishing.

Although the “official” chronicling of this event is fraught with chronological inconsistencies, but, by the best estimations, the first reported sighting of these so-called “celestial beings” — which would also come to be known as “space angels” — occurred on July 12, 1984.

Cosmonauts Leonid Kizim, Vladimir Solovyov and cardiologist Oleg Atkov were on their astonishing 155th day aboard the Salyut 7, conducting “medical experiments,” when the trio noticed what they described as an “brilliant orange cloud” surrounding the station.

The Salyut 7 had been plagued by a steady stream of system failures and the men aboard the craft were understandably concerned that the glow might represent a life threatening fire. Fearing the worst, the cosmonauts rushed to the portholes only to find themselves blinded by an eerily intense luminescence the poured in through the circular apertures.

After their vision adjusted to the light, the curious cosmonauts radioed ground control that the station was bathed in an anomalous, self illuminated mist. The men returned to the portholes, shielding their eyes from the radiance, and that’s when they spied something so incredible that it would forever alter their perception of reality.

According to reports published in newspapers across the globe — including, allegedly, the Washington Post — the three Russian explorers saw colossal, winged, humanoid entities hovering just outside the station in the vacuum of space.

The faces of these beings were said to resemble those of humans with “peaceful expressions” and the Soviet scientists even claimed that the creatures noticed them and offered distinctly beatific smiles.

This quote was published in the later newspaper reports, although it’s difficult to discern which cosmonaut it was credited to, though some have suggested it may have been Solovyov:

What we saw were seven giant figures in the form of humans, but with wings and mist-like halos as in the classic depiction of angels.”

The cosmonauts went on to described these mist haloed beings as being nearly 80-feet in height with a wingspan comparable to that of a 747 jet; although, it should be noted, that there’s no indication in the public record of how these men of science came to these proportional estimations. The men observed the soaring seraphim for approximately 10-minutes before they vanished; leaving the isolated and surely perplexed comrades to ponder what it was that they had seen and try to gather the courage to report it to their superiors below.

By their own admission, the cosmonauts were themselves reluctant to accept the existence of the oddly angelic beings which they had seen, and concluded that they were more likely suffering from some form of mass delusion brought on by their extended space travel than an actual encounter with alien — or perhaps even divine — entities. Their self induced denial would be put to the test 11-days later when additional cosmonauts arrived at the station and the celestial beings returned.

ምንጭ

__

Posted in Curiosity, Ethiopia, Faith, Infos | Tagged: , , , , , , , , , , , , , | Leave a Comment »

ለታኅሣሥ ገብርኤል እንኳን አደረሰን

Posted by addisethiopia / አዲስ ኢትዮጵያ on December 28, 2014

የታኅሣሥ ገብርኤል

ኢትዮጵያ እና ኢትዮጵያዊነትከሚለው የንቡረ እድ ኤርምያስ ከበደ ወልደየሱስ መጽሐፍ የተወሰደ

ከከበረ ሰላምታ ጋር

በታኅሣሥ ወር በ፲፱ነኛው ቀን የሚውለው የ ታኅሣሥ ገብርኤልበዓል የሚከበርበት ምክንያት እንዲህ ነው፦

እግዚአብሔር በሙሴ መሪነት የእሥራኤልን ሕዝብ በግብፅ አገር ይገኙበት ከነበረው የባርነት አገዛዝ ነጻ አውጥቶ ቤተ መቅደሳቸውንና ከተማቸውን በኢየሩሳሌም አድርገው በምድረ ከነዓን እንዲኖሩ አበቃቸው። እነርሱ ግን ባካባቢያቸው ያሉትን አሕዛብ እየተከተሉ አምልኮ ባዕድን በመፈጸም አምላካቸውን እግዚአብሔርን አሳዘኑት። በነቢያቱ ቢመክራቸውና ቢገሥፃቸውም በዚያ ኃጢአታቸው እየጨመሩበት ከመኼድ በቀር ከበደላቸው ተጸጽተው ሊመለሱ ጨርሶ የማይቻል ኾነ።

በዚህ መልክ በፈጣሪያቸውና ከእርሱ ጋር በተጋቡት ቃል ኪዳናቸው ላይ በሥውርና በገሃድ ያካሂዱት የነበረው ክህደት ዓመፅና አመንዝራነት፡ በመጨረሻ ጽዋው ስለሞላ እግዚአብሔር ለዚህ ድርጊታቸው ምስክር የሆነችው ታቦተ ጽዮን ከእሥራኤላዊው ንጉሥ፡ ከሰሎሞንና ከኢትዮጵያዊቷ ንግሥት፡ ከመከዳ በተወለደው፡ በቀዳማዊ ምኒልክ አማካይነት በቅድሚያ ወደ ኢትዮጵያ እንድትሄድ አደረገ። ከዚያ በኋላም ያወረሳቸውን አገርና ከተማ ወርሮ ይበዘብዝ ዘንድ አረማዊውን ንጉሥ፡ ናቡከደነፆርን ታላቅ የሠይፍ ኃይልን አስታጥቆ ወደ ኢየሩሳሌም ላከ፡ እርሱም በዚያ የቅጣት ተልእኮውን እንዲፈጽም ኃጢአተኛውንም የእሥራኤል ትውልድ ፈጅቶ የተረፉትን በምርኮ ወደምድሩ ወደ ባቢሎን እንዲወስዳቸው ለስደትም እንዲዳረጋቸው አሠለጠነው።

ለዚያ ስደት ከተዳረጉት እሥራኤላውያን መካከል በሃይማኖታቸው የጸኑና በምግባራቸው የተጠናከሩ፡ አካሄዳቸው ከነቢዩ ዳንኤል ጋር የሆኑ፡ አናንያ፥ አዛርያን ሚሳኤል የተባሉ መንፈሳውያን ወጣቶች ነበሩ። እነዚህ ሠለስቱ ደቂቅ የተባሉት ሦስት ልጆች በእውቀታቸውና በብልህነታቸው ተመርጠው የንጉሡ ሹማምንት ኾነው ያገለግሉ ነበር።

የኋላ ኋል ግን የአገሩን አማልክት እንዲያመልኩ ንጉሡ ላቆመውም ጣዖት እንዲሰግዱ ያን ባያደርጉም በአዋጅና ባደባባይ እየነደደ ባለ አስፈሪ የእሳት ነበልባል ውስጥ የሚጣሉ መሆናቸውን የሚገልጽ የፈተና ጥያቄ ከንጉሡ ቀረበላቸው። እነርሱም ለገንዘብና ለሹመት ጓጉተው የንጉሡን ቍጣም ፈርተው አምላካቸውን የማይክዱ፡ ሃይማኖታቸውንም የማይለውጡ መሆናቸውን በመግለጽ ንጉሥ ሆይ! የምናመልከው አምላካችን ፡ ከእጅህም ሆነ ከዚህ ከሚነድደው የእሳት ነበልባል ሊያድነን ይችላል፡ ባያድነንም እንኳ አማልክትህን እንዳናመልክ ላቆምኸውም ለወርቁ ጣዖት እንዳንሰግድለት እወቅ!” ሲሉ በድፍረትና በቆራጥነት መልስ ሰጡት።

በዚህ ጊዜ ፍርዱ እንዲፈጸምባቸው ከንጉሡ ታዝዞ ሦስቱም ገድለኞች በሚነድደው እሳት ውስጥ ተጣሉ። ወደ እሳቱ ሊጥሏቸው የወሰዷቸው ኃያላንም በነበልባሉ ብርቱ ወላፈን እየተቃጠሉ ሞቱ።

ወደ እሳቱ ውስጥ ታሥረው የተጣሉት እኒህ መንፈሳውያን አርበኞች ግን የእግዚአብሔር መልአክ እሳቱን አቀዝቅዞላቸው በነበልባሉ መካከል ወዲያ ወዲህ ሲመላለሱ ከመታየት በቀር በአካላቸው ቀርቶ በልብሳቸው ላይ እንኳ አንዳችም ጉዳት ሳይደርስባቸው ከተፈረደባቸው የቃጠሎ ሞት ድነው በደህና ሊወጡ ችለዋል። ይህንም፡ የዚያን ጊዜም፡ ንጉሡ ናቡከደነፆር ተደነቀ፡ ፈጥኖም ተነሣ፡ አማካሪዎቹንም ሦስት ሰዎችን አሥረን በእሳት ውስጥ ጥለን አልነበረምን? … እነሆ፡ እኔ የተፈቱ በእሳቱም መካከል የሚመላለሱ አራት ሰዎችን አያለሁ ምንም አላቆሰላቸውም የአራተኛውም መልክ የአማልክትን ልጅ ይመስላል፡ብሎ መለሰ።

የአራተኛው መልክ የአማልክትን ልጅ ይመስላልየተባለው ሊቀ መላእክት ቅዱስ ገብርኤል መኾኑን ከትውፊታችን አግኝተነዋል።

በሃይማኖት ሳይወላውሉ በምግባር ተጠናክረው እስከመጨረሻው፡ ማለትም የሞት ጽዮን ለመቀበል ተዘጋጅቶና ቆርጦ እስከመቅረብ ድረስ በጅመሩት ገድል ጸንቶ መገኘት የሚያስከትለው ውጤትና የሚያስገኘው ፍሬ በነፍስ ብቻ ሳይኾን የሥጋ ሞትን ጭምር በማስቀረት፡ የምሕረት ሕይወትን በክፋት ኃይላትም ላይ ድልን የሚያቀዳጅ የመላእክት ተራዴነትን መኾኑን በዚሁ በታኅሣሥ ፲፱ ቀን የምናከብረው የታኅሣሥ ገብርኤልበዓል ያስታውሰናል፡ ያስተምረናልም።

__

Posted in Ethiopia, Faith | Tagged: , , , , , , , , , , | Leave a Comment »

ከአፄ ዋሻ ማርያም ገዳም የተሰረቀው ታቦት ከጅቡቲ በተዓምራት ተመለሰ

Posted by addisethiopia / አዲስ ኢትዮጵያ on April 27, 2014

የእስራኤልን አምላክ ታቦት ስደዱአት፤ እኛንና ሕዝባችንን እንዳትገድል በስፍራዋ ትቀመጥ፡፡[1ኛ ሳሙ. 512]

TabotArkበሰሜን ሸዋ ሀገረ ስብከት በደብረ ብርሃን ከተማ ልዩ ስሙ ጎሸ ባዶ ከሚባለው አካባቢ ከጥንታዊቷ አፄ ዋሻ ማርያም ገዳም የተሰረቀው የመድኀኔዓለም ታቦት ከጅቡቲ በተዓምራት ተመለሰ፡፡

ከአፄ ዋሻ ማርያም ገዳም የተሰረቀው የመድኀኔዓለም ታቦት ጅቡቲ ውስጥ ለ17 ዓመታት በአንድ ግለሰብ ቤት ተደብቆ ከቆየበት ተዓምራቱን በመግለጡ በተደናገጠው ቤተሰብ ጠቋሚነት፤ ጅቡቲ ለሚገኘው ለምሥራቀ ጸሐይ ቅዱስ ገብርኤል ቤተ ክርስቲያን በማስረከብ ሚያዚያ 17 ቀን 2006 .. ወደ ኢትዮጵያ ተመልሷል፡፡

1938 .. የተቀረጸውና በአፄ ዋሻ ማርያም ገዳም የነበረው የመድኀኔዓለም ታቦት ሐምሌ 28 ቀን 1989 .. የቤተ ክርስቲያኑን በርና መስኮት ተሰብሮ መሰረቁን ለወረዳው ቤተ ክህነትና ለፖሊስ በወቅቱ አሳውቀን ነበር፡፡ ለማፈላለግ ያደረግነው ጥረት ሁሉ መና ሆኖብን ቆይቷል፡፡ እግዚአብሔር በወደደ ጊዜ ወደ ቤቱ ይመለስ ዘንድ ፈቀደ፡፡” ይላሉ የገዳሙ አስተዳዳሪ ቄስ ኃይለ ጊዮርጊስ መኮንን፡፡

ጅቡቲ እንዴት እንደተወሰደ እስካሁን በግልጽ የታወቀ ነገር እንደሌለ የሚገልጹት የጅቡቲ ምሥራቀ ጸሐይ ቅዱስ ገብርኤል ቤተ ክርስስቲያን አስተዳዳሪ ቆሞስ አባ ዮናስ መልከ ጼዲቅ “ታቦቱ በግለሰቡ ቤት ታላቅ ተዓምራትን ነው ያደረገው፡፡ በቤቱ ውስጥ ደብቆ ያስቀመጠው ግለስብ ሚስት ስታብድ ልጁ ሞቶበታል፡፡ በዚህ የተደናገጠው ሌላው የሰውየው ልጅ በቤታቸው ውስጥ ታቦት እንዳለና ወደ ቤተ ክርስቲያን እንዲወሰድ ባቀረበው ጥያቄ መሠረት ጉዳዩን በመከታተል ከጠቅላይ ቤተ ክህነት፤ ከውጭ ጉዳይ ሚኒስቴር፤ በጅቡቲ የኢትዮጵያ ኤምባሲና ከሌሎችም ጋር መረጃ በመለዋወጥ ወደ ኢትዮጵያ ለማምጣት ችለናል” ብለዋል፡፡

ምንጭ

__

Posted in Ethiopia, Faith, Infos | Tagged: , , , , | Leave a Comment »

 
%d bloggers like this: