Addis Ethiopia Weblog

Ethiopia's World / የኢትዮጵያ ዓለም

Posts Tagged ‘ቅዱስ ራጉኤል’

ድንቁ ርዕሠ አድባራት እንጦጦ ደ/ኃ/ቅ ራጉኤል ወ ኤልያስ ቤ/ክርስቲያን

Posted by addisethiopia / አዲስ ኢትዮጵያ on September 11, 2020

እንኳን ለሊቀ መላእክት ቅዱስ ራጉኤል አመታዊ መታሰቢያ እለት አደረሳችሁ!

አማላጅነቱ ኃይለ ረድኤቱ ለሁላችን ይደረግልንና የመልአክት አለቃ ቅዱስ ራጉኤል ያደረገው ተአምር ይህ ነው።

እስራኤል ከግብጽ ከወጡ በኋላ እግዚአብሔር ለአባቶቻቸው ተስፋ የሰጣት ወደ ከነዓን ምድር በገቡ ጊዜ የሃገሪቱን አውራጃውንና ወረዳውን ለይቶ በየነገዳቸውና በየወገናቸው ለእስራኤል ርስትን ያከፋፈለ የነዌ ልጅ ኢያሱ የሚባል አንድ መስፍን ነበረ።

ከእለታት በአንድ ቀን የአምሬውን ነገስታት ኢያሱን ይወጉት ዘንድ የእስራኤል ሕዝብ ወደሰፈረበት በገባዖን ምድር ወደ ገልገላ ተከማቹ። ኢያሱም ይህን በሰማ ጊዜ ከእርሱ ጋር የነበሩት የጦር ሰራዊትና የጦር አለቆችንም ሁሉ ይዞ ሌሊቱን ሁሉ ገስግሶ ድንገት ደረሰባቸው። ኢያሱም ከጠላቶቹ ጋር ገና በተፋፋመ ጦርነት እንዳለ ፀሐይ ልትጠልቅ ተቃረበች ምሽትም ሆነ ።

በዚያም ጊዜ ኢያሱ የነዌ ልጅ ወደ አምላኩ ወደ እግዚአብሔር እንዲህ ሲል ጸለየ ሕዝብህ እስራኤል ጠላቶቹን ፈጽሞ እስኪያጠፋ ድረስ ፀሐይ በገባዖን ትቅም ዘንድ በኤሎንም ሸለቆ ጨረቃ ይዘገይ ዘንድ አብርሃምን፣ ይስሐቅንና ያዕቆብን አስበህ ፀሎቴን ተቀበል በማለት ጸለየ። ሁሉን የሚገዛ እግዚአብሔርም የነዌ ልጅ የኢያሱን ጸሎት ሰማውና ፀሐይን ከምዕራብ ወደ ምስራቅ መልሶ ባለችበት ፀንታ ትቆም ዘንድ መልአከ ብርሃናት ራጉኤልን አዘዘለት።

የመልአክ አለቃ ቅዱስ ራጉኤልም እግዚአብሔር እንዳዘዘው ፀሐይን ከምዕራብ ወደ ምስራቅ መለሰውና ፀሐይ በሰማይ መካከል ቆመ አንድ ቀን ሙሉውን ወደ መግቢያው ለመሄድ አልተቻኮለም ሕዝቡም ጠላቶቻቸውን እስኪበቀሉ ድረስ ፀሐይም ጨረቃም ባሉበት ፀንተው ቆዩ እንጂ።

የመላእክት አለቃ ራጉኤል በፀሐይ በጨረቃና በከዋክብት በሌሎችም ብርሃናት ሁሉ ላይ የሰለጠነ ነውና። መስፍኑ ኢያሱም በጠላቶቹ በገባዖን ሰዎች ላይ ድልን ከተቀዳጀ በኋላ በቅዱስ ራጉኤል መሪነት ፀሐይ ቦታውን አውቆ ወደ መግቢያው ተቀላቀለ። በዚህም ጊዜ መስፍኑ ኢያሱ የነዌ ልጅ በመልአከ ብርሃናት ራጉኤል እጅ ፀሐይን አቁሞ እግዚአብሔር ስላደረገለት ታላቅ ኃይል ፈጽሞ ተደሰተ ፈጣሪውንም አመሰገነ።

የሊቀ መላእክት ቅዱስ ራጉኤል አማላጅነቱ ለሀገራችን ለኢትዮጵያና ለመላው ህዝቦቿ ለዘለዓለሙ በእውነት ይደረግልን አሜን!

______________________________

Posted in Ethiopia, Faith | Tagged: , , , , , , , | Leave a Comment »

ከመከራክቶ ሲዖል አምልጬ በ ቅዱስ ራጕኤል ቤተክርስቲያን ሕይወት አገኘሁ

Posted by addisethiopia / አዲስ ኢትዮጵያ on February 17, 2019

ጨለማው በብርሃን አለቀ

ይህ ውብ የቤተክርስቲያን ግቢ በሲኦል ተከብቧል ብል አላጋነንኩም። ዙሪያውን ቀፋፊ በሆኑ የገባያ ቦታዎች፣ በመስጊዶች እና ቆሻሻ አውድማ የተከበበ ነው። ከመስጊዱ አዛን ጩኸት ጋር ውሾችም አብረው ሲጮሁና ሲያላዝኑ ይሰማሉ። የአካባቢው አቧራ ዓይን ያሳውራል፣ የቆሻሻው ሽታ አያድርስ ነው። በዚያ ላይ የአካባቢው ሰው ቀዥቃዣነትና ስነምግባር አልባነት፣ ለጣዖት የሚደፉት ሙስሊሞች እና ጥቁር ድንኳን ለብሰው ለገባያ የሚንጎራደዱት ሴቶቻቸው ሁኔታ፣ በእውነት ከአካባቢው ቶሎ ውጡ ውጡ የሚያሰኝ ነው። ሁሉም ነገር ጭልምልም ያለ ነው! ሌላ የሚያሳዝነው ነገር በአካባቢው ያሉት ክርስቲያኖችም ሆኑ ሙስሊሞች ይህን ነገር መላመዳቸውና ልዩነቱን ለመገንዘብ አለመቻላቸው ነው። እንግዲህ እነሱ ‘ኑሮ ካሉት፣ መቃብር ይሞቃል’ ይላሉ፡፡ እኔ ግን ‘ኑረው ካዩት፣ መቃብር ይሞቃል’ እላለሁ፡፡

አሁንም እያጋነንኩ አይደልም፤ ልክ ራጉኤል ቤተክርስቲያን ቅጥር ግቢ ውስጥ ስገባ ያ ሁሉ መንፈስን የሚያውክ ነገር እልም ብሎ ጠፋ፤ ብርሃኑ የአካባቢውን ድቅድቅ ጨለማ በመግፋት አካባቢውን አፍክቶት ይታያል፡ የሚገርም ነው! በአንድ ሰዓት ውስጥ የሲዖልን እና የመንግሥተ ሰማያትን የተለያዩ ገጽታዎች በድጋሚ ለመገንዘብ በቅቼ ነበር።

_________

Posted in Ethiopia, Faith | Tagged: , , , , , , , , | Leave a Comment »

ከሲኦል ጋር ለመተዋወቅ ወደ አረብ አገር መሄድ አያስፈልግም

Posted by addisethiopia / አዲስ ኢትዮጵያ on March 11, 2017

ይገርማል፡ ወደ ራጉኤል ቤተክርስቲያን ለመጀመሪያ ጊዜ ነበር የሄድኩት፤

ይህች ቆንጆ ቤተክርስቲያን በሲኦል ተከብባለች። በአስቀያሚ የገባያ ቦታዎች፣ በመስጊዶች እና በቆሻሻዎች ነው የተከበበችው። የአካባቢው ሰው ቀዥቃዣነትና ስነምግባር አልባነት፣ የመስጊዱ ጩኽት፣ ጥቁር ድንኳን ለብሰው የሚሄዱት ሴቶች ብዛት፣ አቧራው፣ የቆሻሻው ሽታ፡ ከአካባቢው ቶሎ ውጡ ውጡ የሚያሰኝ ነው። ሁሉም ነገር ጭልምልም ያለ ነው!

እያጋነንኩ አይደልም፤ ልክ ራጉኤል ቤተክርስቲያን ቅጥር ግቢ ውስጥ ስገባ ያ ሁሉ መጥፎ ነገር እልም ብሎ ጠፋ፤ ብርሃኑ ፈካ ብሎ ይታያል፡ የሚገርም ነው! ተዓምር ነው! በአንድ ሰዓት ውስጥ የሲዖልን እና የመንግሥተ ሰማያትን የተለያዩ ተፈጥሮዎች ለመገንዘብ በቃሁ። ይህን ላሳዩኝ ቅዱሳን ምስጋና ይገባቸዋል።


በጅማ ዩኒቨርስቲ: በማዕተብ ጉዳይ ከመምህሩ ጋራ የተጋጨው ተማሪ ራሱን አጠፋ፤ መምህሩ ታሰረ፤ “ቤተ ክርስቲያን፥ የእምነት ነጻነታችንን ታስከብርልን”/ተማሪዎቹ/


  • መምህሩ፣ በተመሳሳይ ጥፋት በተወሰደበት የዲስፕሊን ርምጃ ተባርሮ የተመለሰ ነው፤
  • ኦርቶዶክሳውያን ተማሪዎች፣ የእምነት ነጻነታቸው እንዲከበር አቤቱታ አቅርበዋል፤
  • በነጻነት መማር አልቻልንም፤ የእምነት ነጻነታችን ይከበር፤ የሕግ ከለላ ይሰጠን!”

በጅማ ዩኒቨርስቲ መምህራን ኮሌጅ፣ የኹለተኛ ዓመት የእንግሊዝኛ ቋንቋ ተማሪ የነበረው ወጣት፣ በማዕተብ ጉዳይ ከመምህሩ ጋራ ተጋጭቶ የትምህርቱ ውጤት በመበላሸቱ ራሱን አጠፋ፡፡

ተስፋዬ ገመዳ የተባለው ተማሪው፣ የሥነ ልቡና ሳይንስ መምህሩ፣ በቡድን የሰጧቸውን የቤት ሥራ አዘጋጅተው በመድረክ ሊያቀርብ ሲል፣ መምህሩ፥በአንገትኽ ላይ ያደረግኽውን ማዕተብ አውልቅ ወይም ሸፍነው፤” ሲሉት ተማሪው፥ ይኼ የእምነቴ መግለጫ ነው፤ ያዘዙኝን ማድረግ አልችልም፤” የሚል ምላሽ እንደሰጣቸውና መምህሩም፥ ያዘዝኩኽን ማድረግ ካልቻልክ የሠራኸውንም ማቅረብ አትችልም፤” ስላሉት ከመድረኩ ወርዶ በእጁ የያዘውን የቡድን ሥራ ሪፖርት በብስጭት ቀድዶ መቀመጡን የዓይን እማኞች አስረድተዋል፡፡

በወቅቱ ተማሪው፣ ክፍለ ጊዜውን አቋርጦ መውጣቱንና ተመልሶ ሊገባ ሲል፣ መምህሩ፣ አትገባም ብለው እንደከለከሉት፤ ተማሪውም፣ ስሜታዊ ኾኖ ከመምህሩ ጋራ ለጠብ መጋበዙንና ሌሎች ተማሪዎች በመሀል ገብተው እንደገላገሏቸው፤ የኮሌጁ አካዳሚክ ዲን፣ በቦታው ተገኝተው ስለተጠፈረው ችግር ተማሪዎችን በመጠየቅ ጠቡን ማረጋጋታቸውን፣ እማኞቹ ለአዲስ አድማስ ተናግረዋል፡፡

በሌላ ቀን፣ ተማሪ ተስፋዬ እንደተለመደው፣ የሥነ ልቡና ትምህርቱን ለመከታተል ወደ ክፍል ሲገባ መምህሩ ከክፍል እንዳስወጡት፣ ለአካዳሚክ ዲኑ አቤቱታ ማቅረቡንና፣ የትምህርቱ የመጨረሻ ክፍለ ጊዜ ስለኾነ በቃ ተወው፤ በውጤትኽ ላይ ምንም ለውጥ አያመጣም፤” ብለው አረጋግተው እንደሸኙት የተማሪው የቅርብ ጓደኞች ገልጸዋል፡፡

በኋላም ለፈተናው የተቀመጠ ሲኾን፣ የተለጠፈው የፈተና ውጤት ግን No Grade’’/ምንም ውጤት የለም/ የሚል ስለነበረ፣ ወዲያው በንዴት ወደተከራየበት ቤት በማምራት በግቢው በሚገኝ የማንጎ ዛፍ ላይ ራሱን ሰቅሎ መግደሉን ጓደኞቹ አስረድተዋል፡፡

ፖሊስና የአካባቢው ኅብረተሰብ ከቦታው ደርሰው ከተሰቀለበት ሲያወርዱት፣ ነፍሱ ከሥጋው እንዳልተለየችና ወደ ሆስፒታል ይዘውት በማምራት ላይ ሳሉ ሕይወቱ ማለፉን ምንጮች አስታውቀዋል፡፡ አስከሬኑ፣ ማክሰኞ፣ የካቲት 28 ቀን 2009 .. መሸኘቱንና የቀብር ሥነ ሥርዓቱም፣ በትውልድ ስፍራው በሰሜን ምዕራብ ሸዋ ዞን፣ ደገሞ ወረዳ ከትላንት በስቲያ መፈጸሙን ለማወቅ ተችሏል፡፡

አስከሬኑን ለቤተ ሰዎቹ ያደረሱት መርማሪ ፖሊስ ዮሐንስ መገርሳ፣ ተማሪው ከመምህሩ ጋራ በመጣላቱ ራሱን እንዳጠፋ ጥርጣሬ መኖሩንና፣ የሆስፒታል የምርመራ ውጤት በመጠበቅ ላይ መኾኑን፤ ጉዳዩም ገና በመጣራት ላይ እንዳለ ለአዲስ አድማስ ገልጸዋል፡፡

[ተማሪው የደረሰበትን በደል ቀደም ብሎ ለጅማ ሀገረ ስብከትም በማስታወቅ እገዛ ጠይቆ እንደነበር ያወሱ ምንጮች፣ ጽ/ቤቱ ከትላንት በስቲያ ኃሙስ ጀምሮ ጉዳዩን እየተከታተለው መኾኑን ተናግረዋል፡፡

የዩኒቨርስቲው የኦርቶዶክስ ተዋሕዶ እምነት ተከታዮችም፣ የሃይማኖት ነጻነታቸው እንዲከበር የሚጠይቅ አቤቱታ ተፈራርመው፣ ለሀገረ ስብከቱ ጽ/ቤት አስገብተዋል፤ ለሚመለከታቸው የኮሌጁና የመንግሥት ሓላፊዎችም በየደረጃው እንደሚያደርሱ ተነግሯል፡፡

በአቤቱታቸው፥ ከዚኽም በፊት፣ በአጽዋማት ወቅት ሥርዓተ እምነታቸውን በአግባቡ እንዳይፈጽሙ በሴኩላሪዝምና በአካዳሚክ ነጻነት ስም የተደረገባቸውን አድልዎ በማካተትበነጻነት መማር አልቻልንም፤ ቤተ ክርስቲያን የእምነት ነጻነታችንን ታስከብርልን፤ የሕግ ከለላ ይሰጠን፤ ሲሉ ጠይቀዋል፡፡ ለሀገረ ስብከቱ የደረሰው አቤቱታ፣ በሊቀ ጳጳሱ ብፁዕ አቡነ እስጢፋኖስ አማካይነት፣ ከዞን እስከ ፌዴራል መንግሥት አካላት ድረስ እንደሚቀርብ ተገልጿል፤ የሟች ቤተሰብም በሕግ እንደሚጠይቅ ተጠቁሟል፡፡]

  • አካዳሚክ ዲኑ ግጭቱን ሲያጣሩ፣ መምህሩ፥ ሊደበድበኝ ነው፤ ብሎ ተማሪውን ከሦት ነበር፤ የክፍል ጓደኞቹን ሲጠይቁ ግን፥ ማዕተብኽን ካልበጠስክ፤ ብሎት በዚያ የተነሣ እንደኾነ ተረድተዋል፤ ጥፋቱም የመምህሩ እንደኾነ ነግረውና ይቅርታ ጠይቀው ልጁን አረጋግተውት ነበር፤ ከዚያ በኋላ በነበረ አንድ ክፍለ ጊዜ፣ ውጣ ብሎ እንዳይገባ ሲከለክለውም ለአካዳሚክ ዲኑ አስታውቋል፤ እርሳቸውም፣ ለኮርሱ፥ የመጨረሻ ክፍለ ጊዜ ነው፤ በሚል አባብለውታል፤ ፈተናውን ተፈትኖ ውጤቱን ሲያበላሽበትም ወደ አካዳሚክ ዲኑ ሊያመለክት ሔዶ ነበር፤ አላገኛቸውምና በየአንጻሩ፣ ለመምህሩ በሚታየው የአስተዳደሩ ከልክ ያለፈ
    መለሳለስ ምክንያት ነው የተበሳጨው፤
  • መምህሩ፣ ከዚኽም በፊት በተመሳሳይ የዲስፕሊን ችግር ከማስተማር ሥራው ተባርሮ የነበረ ሲኾን፣ በአንዳንድ ሓላፊዎች ልመና ከተመለሰ ገና አንድ ዓመቱ ነው፤ የአእምሮም እክል እንዳለበት ነው የሚነገረው፤ እብሪትም ይታይበታል፤ የዲኑ ቢሮ ገብቶ ወንበራቸው ላይ ተቀምጦ፣ ጸሐፊዋን፥ ከዚኽ በኋላ ማንም ሰው እንዳይገባ፤ ዲኑ እኔ ነኝ” የሚልበት ጊዜ አለ፤
  • ተማሪው ራሱን ባጠፋበት ቀን ምሽት፣ መምህሩ በቁጥጥር ሥር ውሎ በእስር ላይ ነው ያለው፤ አስከሬኑ በተሸኘበት ዕለትም፣ በዩኒቨርስቲው በር ላይ ተማሪዎች ቁጣቸውን ሲገልጹ የነበረ ሲኾን፣ ፖሊስ በአስለቃሽ ጢስ በትኗቸዋል፤ ማምሻውንም ከዐሥር የማያንሱቱ ከየዶርሚተራቸው እየተያዙ ተወስደዋል፤
  • ተማሪው ከመሞቱ በፊት ለጓደኞቹ አራት ጊዜ በተከታታይ ደውሎ ነበር፤ ወደሚግባባው ጎረቤት ባለሱቅም ሔዶ ነበር፤ አላገኛቸውም፤ ብሶቱን የሚተነፍስበትና የሚያናግረው ሰው እየፈለገ ነበር፤ በርግጥ፣ የንስሐ አባቱን በዚያኑ ቀን ጠዋት አግኝቷቸው፣ ከመምህሩ ጋራ መጋጨቱን ነግሯቸው፣ እንደ መንፈሳዊ አባት አጽናንተውት ነው ወደ ቅዳሴ የገቡት፤ ከጸሎተ ቅዳሴው ሲወጡ የተረዱት ግን አሳዛኝ ኅልፈቱን ነበር፡፡
  • በጅማ ዩኒቨርስቲ መምህራን ኮሌጅ፣ በእንግሊዝኛ ዲፓርትመንት፣ የኹለተኛ ዓመት ተማሪ የነበረው ተስፋዬ ገመዳ(ወስመ ጥምቀቱ ወልደ ገብርኤል)3.6 በላይ ድምር አጠቃላይ ውጤት ያለው ጎበዝ ኦርቶዶክሳዊ ወጣት ነበር፡፡

ምንጭ

__

Posted in Ethiopia, Faith, Life | Tagged: , , , , , , , , | 1 Comment »

 
%d bloggers like this: