Addis Ethiopia Weblog

Ethiopia's World / የኢትዮጵያ ዓለም

Posts Tagged ‘ህመም’

ያለ ህመም ትርፍ የለም፡ ያለ መስቀል አይገኝ አክሊል

Posted by addisethiopia / አዲስ ኢትዮጵያ on July 1, 2011

 

መከራ ምንድን ነው?

 

በሚል ርዕስ ሥር ቀሲስ ደጀኔ ሽፈራው የሚከተለውን ጠቃሚ ትምህርት አበርክተውልናል፤ ከታላቅ ምስጋና ጋር

የሕዝቤን መከራ በእውነት አየሁዘጸ.፫፥፯

እግዚአብሔር ከሲዖል ካወጣን በኋላ ለምንድነው ወደ ሲዖል የምንጓዘው?

በደልን መፈጽም በኃጢአት መመላለስ ወደ ሲዖል መጓዝ ነው። ምናልባት የተያያዝነው መንገድ ቅን ሊመስለን ይችላል። የእግዚአብሔር ቃል ግን ለሰው ቅን የምትመስል መንገድ አለች ፍጻሚዋ ግን የሞት ነው።ይለናል። ምሳ.፲፬፥፲፪። ዛሬም መከራ፣ ጩኸትና ስቃይ አለ። በዓለማችን በመከራ ማዕበል የማይንገላታ ሰው የለም።

ለመሆኑ መከራ ለምን ይመጣል? መከራስ ጥሩ ነው ወይስ መጥፎ?

በእንዴት ያለ የመከራ ጊዜስ ነው እግዚአብሔር በፍቅር የሚያየን?

. መከራ የኃጢአት ውጤት ሊሆን ይችላል። እኛ ፈቃደ እግዚአብሔርን ትተን በፈቃደ ሥጋ ስንመራ መከራ ይመጣል። የሥጋ ምኞታችንን እና የዐይን አምሮታችንን ብቻ ለመፈጸም ስንሮጥ በመከራ ወጥመድ እንያዛለን።

  • ጣዖትን ለማምለክ
  • ለሟርት
  • ለጥል
  • ለክርክር
  • ለቅንዓት
  • ለቁጣ
  • ለአድመኝነት
  • ለመለያየት
  • ለመናፍቅነት
  • ለመግደል
  • ለስካር

እና ይህን ለመሰለው ስንጣደፍ መከራ ይመጣብናል። እንደሥራችንም ይከፈለናል። የምናጭደውም ያንኑ የዘራነውን ነው። ሞትን ወይም ሕይወትን፡

በገዛ ሥጋው የሚዘራ ከሥጋ መበስበስን ያጭዳልና። በመንፈስ ግን የሚዘራ ከመንፈስ የዘላለምን ሕይወት ያጭዳል።ገላ.፮፥፰።

. መከራ፣ ሰዎች ከክፋታቸው እንዲመለሱ የእግዚአብሔር ቅጣት ሊሆን ይችላል። ብዙውን ጊዜ ሰዎች በክፋት እየባስን ስንሔድ እንጂ ስንመለስ አንታይም። መልካሙን ትተን የምንጓዘው በክፉ መንገድ ነው። መንገዱም ሰፊ ስለሆነ ለጊዜው ለጉዞ አያስቸግረንም። እንኳን ለወገኖቻችን ለራሳችንም ቢሆን ክፉዎች ነን። እግዚአብሔር ግን ደግ ስለሆነ ስለሚወደንም በክፋት ወደ ጥፋት ስንሮጥ ዝም ብሎ አይመለከተንም። በመከራ አለንጋ እየገሠፀ ይመልሰናል። እኛም በመከራው ሳንመረር ለጥቅማችን መሆኑን ዐውቀን ከክፋት ወደ በጎነት እንመለስ። አባታችን ስለሆነ ከቤት ወጥተን በዚያው ጠፍተን እንዳንቀር በመከራ ቀጥቶ በደሙ ወደ መሠረታት ቤቱ ወደ ቤተ ክርስቲያን እንድንመለስ ይፈልጋል።

ልጄ ሆይ የእግዚአብሔርን ተግሳፅ አትናቅ በገፀህም ጊዜ አትመረር። እግዚአብሔር የወደደውን ይገሥፃልና። አባት የሚወደውን ልጁን እንደሚገሥፅ።ምሳ.፫፥፲፩፲፪።

. መከራ፣ ሰዎች የሚፈተኑበት የሚጸኑበትም ነው። ወርቅ በእሳት እንደሚፈተን እውነተኞች ክርስቲያኖችም በመከራ እሳት ይፈተናሉ።

  • ረሀቡን
  • ጥማቱን
  • መራቆቱን
  • ስደቱን
  • እሳቱን
  • ስለቱን

ሁሉንም ነገር ታግሰው በመከራ መካከል ጸንተው ይቆማሉ። በዐለት ላይ እንደተመሠረተው ቤት አይወድቁም። የመከራው ዝናብ አያደክማቸውም። ጎርፉ አይጠራርጋቸውም። ነፋሱም አያንሳፍፋቸውም። በመከራውም ብቻ አይደለም። በዚህ ዓለም ያለው

  • ደስታው
  • ሀብቱ
  • ሥልጣኑ
  • ዕውቀቱ

ይህን የመሳሰለውም ሁሉ አይችላቸውም። በጊዜውም ያለጊዜውም ጸንተው ይገኛሉ። እኛስ? የጣለን ምንድን ነው? ለምንስ መጽናት አልቻልንም? ብለን ራሳችንን የምንጠይቀው ዛሬ ነው። ነገ የእኛ አይደለምና። የእኛ ችግር በቃሉ አለመታነጻችን ነው። በቃሉ ብንታነጽ ኖሮ በእምነት ቆመን በምግባር ጸንተን እንገኝ ነበረ። ከእንግዲህ ራሳችንን እናስተካክል። በዓለሙ ሐሰት በነገሠበት ዘመን ስለ እውነት በመመስከር የሚመጣብንን መከራ በትዕግሥት እንቀበል። በመከራችን እንመካ እንጂ አንፈር በመከራ ጊዜ ሰዎች ባያዩንም እግዚአብሔር በእውነት ያየናል።

ነገር ግን መከራ ትዕግሥትን ትዕግሥትም ፈተናን፣ ፈተናም ተስፋን፣ እንዲያደርግ እያወቅን በመከራችን ደግሞ እንመካለን።ሮሜ.፭፥፫።

መከራን በትዕግሥት መቀበል ክርስቶስን መምሰል ነው። በእምነት የምንቀበለው መከራ ትዕግሥተኞች እንደሚያደርገን እንወቅ። እስከመጨረሻው የተገሠ እርሱ ይድናልና በትዕግሥታችሁ ብዛት ነፍሳችሁን ታድናላችሁ፡ የተባለውም የሚፈጸመው በመከራ ነው። በመሆኑም በመከራ ጊዜ ጸንቶ መገኘት ይገባናል።

 

 

Continue reading …’Mekera’

If you are unable to open the PDF file, please upload the Mekera file onto your PC.

 

 

 

 

 

Posted in Ethiopia | Tagged: , , , , , | Leave a Comment »

 
%d bloggers like this: