Addis Ethiopia Weblog

Ethiopia's World

ተዓምረ ትንሣኤ | የኢየሱስ ክርስቶስ ፊት ደመናው ላይ አበራ

Posted by addisethiopia on April 8, 2018

ኢትዮጵያዊውን ጃንደረባ ያጠመቀውን የሐዋርያው ፊሊጶስን ስም በያዘቸው በክርስቲያኗ የፊሊፒንስ አገር ነበር በትንሣኤ ዕለት ይህ አስደናቂ የደመና አፈጣጠር ለብዙ ፊሊፒናውያን የታየው።

[የዮሐንስ ራእይ ምዕራፍ ፩፥፯]

እነሆ፥ ከደመና ጋር ይመጣል፤ ዓይንም ሁሉ የወጉትም ያዩታል፥ የምድርም ወገኖች ሁሉ ስለ እርሱ ዋይ ዋይ ይላሉ። አዎን፥ አሜን።

______

Posted in Ethiopia, Faith | Tagged: , , , , , , , , | Leave a Comment »

ሞትን ድል አድርጎ ተነሥቷል! | እንኳን አደረሰን!

Posted by addisethiopia on April 8, 2018

ሰማያት (ሰማያውያን መላእክት) የደስታ በዓልን ያደርጋሉ፤ ደመናት (ቅዱሳን) የደስታን በዓል ያደርጋሉ፡፡ ምድር (ምድራውያን ሰዎችም) በክርስቶስ ደም ታጥባ (ታጥበው) የፋሲካን በዓል ታደርጋለች (ያደርጋሉ)፡፡ ያከብራሉ (ታከብራለች)፡፡ ዛሬ በሰማያት (በመላእክት ዘንድ) ታላቅ ደስታ ኾነ፤ ምድርም በክርስቶስ ደም ታጥባ የፋሲካን የነጻነት በዓል ታደርጋለች፡፡ የትንሣኤያችን በኵር ክርስቶስ ከሙታን ሰዎች ዂሉ ተለይቶ ቀድሞ ተነሣ፤” (ድጓ ዘፋሲካ)፡”

በጥንተ ጠላታችን ዲያቢሎስ አሳሳችነት አዳምና ሔዋን የእግዚአብሔርን ሕግ በመተላላፋቸው ሞተ ሥጋና ሞተ ነፍስ ተፈርዶባቸው ነበር፡፡ የዓለም መድኃኒት ኢየሱስ ክርስቶስ ለሰው ልጆች ካለው ፍጹም ፍቅር የተነሣ የተፈረደባቸውን ሞት በሞቱ ሊደመስስ ከእመቤታችን ቅድስት ድንግል ማርያም ተወለደ (ዮሐ. ፩፥፩)፡፡ ሠላሳ ዓመት ሲሞላው በዮርዳኖስ ወንዝ ተጠመቀ፡፡ እንደ ተጠመቀም ልዋል ልደር ሳይል ወደ ገዳመ ቆሮንቶስ ሔደ፡፡ በዚያም ጾመ፤ ጸለየ፡፡ በዲያቢሎስም ተፈተነ፡፡

ሦስት ዓመት ከሦስት ወር ካስተማረ በኋላ የአዳምና የሔዋንን ዕዳ ደምስሶ ነጻ ሊያደርጋቸው በገባው ቃል ኪዳን መሠረት መከራ ተቀበለ፡፡ በአይሁድ ሸንጎ ፊት ቆመ፤ ምራቅ ተተፋበት፤ ተገረፈ፤ በገመድ ታሥሮ ተጎተተ፤ በመስቀል ላይ ተሰቅሎ ሞተ፡፡ በሞቱ ሞትን ድል አድርጎ የአዳምን፣ የሔዋንንና የልጆቻቸውን ዕዳ በደል ደመሰሰ (ማቴ. ፳፯፥፳፰)፡፡

ቅዱስ ጳውሎስ “ሞቱንም በሚመስል ሞት ከእርሱ ጋር ከተባበርን ትንሣኤውን በሚመስል ትንሣኤ ደግሞ ከእርሱ ጋር እንተባበራለን፤” በማለት እንደ ገለጸው (ሮሜ. ፮፥፭)፣ ሞቱ ሞታችን፤ ትንሣኤው ትንሣኤያችን ነውና የኦርቶዶክስ ተዋሕዶ ሃይማኖት ተከታዮች በየዓመቱ ጌታ የጾመውን ጾም በመጾም፣ በሰሙነ ሕማማት ደግሞ መከራውንና ስቃዩን በማሰብ የክርስቶስን ቤዛነት እንዘክራለን፤ የነጻነትና የድል በዓላችንንም እናከብራለን፡፡

በጥንተ ጠላታችን ምክንያት አይሁድ ክብርህን ዝቅ ቢያደርጉ፣ ቢያዋርዱህ፣ ቢገርፉህ፣ ርቃንህን ቢሰቅሉህና ቢገድለህ እኛ ግን ‹ለከ ኃይል ክብር ወስብሐት ወእዘዝ ለዓለም ዓለም አማኑኤል አምላኪየ ለከ ኃይል ክብር ወስብሐት ወእዘዝ ለዓለም ዓለም ኦ እግዚእየ ኢየሱስ ክርስቶስ ለከ ኃይል ክብር ወስብሐት ወእዘዝ ለዓለም ዓለም – ኃይሌ፣ መከታዬና ረዳቴ ለኾንኸው ለአንተ ለአምላኬ ለአማኑኤል ለጌታዬ ኢየሱስ ክርስቶስ ክብርና ምስጋና ጽናትም ለዘለዓለሙ ይገባሃል›፤” እያልን አምላካችንን እናመሰግነዋለን፡፡

ቅዱስ ጳውሎስ በፊልጵስዩስ ፫፥፲ ላይ “እርሱንና የትነሣኤውን ኃይል እንዳውቅ በመከራወም እንድካፈል ወደ ሙታንም ትንሣኤ ልደርስ ቢኾንልኝ በሞቱ እንደመስለው እመኛለሁ፤” በማለት እንደ ተናገረው ምእመናን እንደ አቅማቸው እያዘኑ፣ እያለቀሱ፣ ከምግብ እየተከለከሉ፣ ጸጉራቸውን እየተላጩ የአምላካንን መከራ ያስባሉ፡፡

ሞትን ድል አድርጎ ተነሥቷል!” የሚለውን የምሥራች ከቤተ ክርስቲያን ለመስማት በናፍቆት ይጠባበቃሉ፡፡ የትንሣኤውን ብሥራት ሰከሙ በኋላም “ጌታ በእውነት ተነሥቷል!” እያሉ ትንሣኤዉን ይመሰክራሉ፡፡ የጌታችን ትንሣኤ፣ የድኅነታችን ብሥራት በመኾኑ ለአምሳ ቀናት ያህል በቅዳሴው፣ በማኅሌቱ፣ በወንጌሉ፣ በሌሎችም ቅዱሳት መጻሕፍት በልዩ ሥርዓት ይዘከራል፡፡ በየአብያተ ክርስቲያኑ “ክርስቶስ ተንሥአ እሙታን በዓቢይ ኃይል ወሥልጣን አሠሮ ለሰይጣን አግዐዞ ለአዳም ሰላም እምይእዜሰ ኮነ ፍሥሐ ወሰላም” እየተባለ ሞት መደምሰሱ፣ ነጻነት መታወጁ ይበሠራል፡፡

ወስብሐት ለእግዚአብሔር፡፡

ምንጭ

______

Posted in Ethiopia, Faith | Tagged: , , , , , , , | Leave a Comment »

ተዓምር በኢየሩሳሌም ጎልጎታ | መድኃኒታችን ኢየሱስ ክርስቶስ ከተገነዘበት ስፍራ ደም ወጣ

Posted by addisethiopia on April 7, 2018

በጣም አስደናቂ የሆነ ዘመን ላይ ነው የምንገኘው፦

የጌታችን አስከሬን ከመቀበሩ በፊት ካረፈበት የጎልጎታ ድንጋይ ደም ፈልቆ ሲፈስ በዚህ የስቅለት ዕለት እየታየ ነው። የእስራኤል ፖሊሶች አካባቢውን ሲዘጉ ቪዲዮው ላይ ይሰማሉ።

ይህን ጽሑፍ ሳቀርብ እርግቧ ለሰላምታ በመስኮት በኩል ገብታ የመጻፊያ ጠረቤዛየ ላይ ራሷን ወደ ግራና ቀኝ እያወዛወዘች ቁጭ አለች፡ የሚገርም ነው፤ እንዴት ደስ ይላል!!!

ማራናታ!!!

______

Posted in Ethiopia, Faith | Tagged: , , , , , , , , , | Leave a Comment »

የጌታ ስቅለት | በዚያን ዕለት የከርስቶስ ልጆች ክርስቲያን፤ የፀረ-ክርስቶሱ እስላም ተባሉ

Posted by addisethiopia on April 5, 2018

ከመጽሐፈ ጸሎት የተወሰደ

ሕማማተ መስቀል

የላይኛው ቪዲዮ በ Passion“ ፊልም ምክኒያት በብዙ አገሮች በዩቲዩብ የታገደ ነውና ይሄኛው እንድ አማራጭ ቀርቧል

ጌታም ቆላተ ዮሳፍጭ ከሚባል በረሀ አውርዶ መናውን ውሀውን ከወትሮ አብልጦ አወረደላቸውና ኃይሉን ከሂሎቱን አሳይቶ ወእንዘ ዓዲ መብልዖሙ ውስተ አፋሆሙ ነዘር እባብ አስንቶ ጐዳናቸውን እየስቀደደ አስፈጃቸው። ሙሴም አቤቱ ጌታዬ አሕዛብ ፳ኤልን የሚመግባቸው ቢያጣ ከበረሀ አውርዶ አስፈጃቸው እንዳይሉህ መድኃኒት ፈልግላቸው ብሎ ጸለየ። ጌታም የወዳጁን ጸሎት ፈጥኖ ይሰማልና ብርቱን እባብ አስመስለህ በተራራ ላይ ተራዳ ተክለህ ብርቱን በዚያ ላይ ሰቅለህ አሳያቸው ያን አይቶ ሰምቶ ያመነ ይዳን ያላመነ ይፈጸም አለው። ተራራው በቀራንዮ አምሳል ነው፤ ተራዳው የመስቀል ብርቱ የወልደ እግዚአብሔር እባብ የዲያብሎስ ቍስሉ የኃጢአት መርዙ የመርገመ ሥጋ የመርገመ ነፍስ በረኃው የገሃነም እሳት አምሳል ነው።

ያን አይተው ሰምተው ይዳኑ ማለት ስቅለተ ክርስቶስን አይተው ያመኑ ሐዋርያት፣ ሰምተው ያመኑ ምዕመናን የመዳናቸው አምሳል ነው። ያላመኑ ይፈጸሙ ማለቱ፡ ስቅለተ ክርስቶስን አይተው ያላመኑ አይሁድ ሰምተው ያላመኑ አይሁድ፣ ሰምተው ያላመኑ አሕዛብ ያለመዳናቸው አምሳል ነው።

ነፍስ ያለው እባብ የገደላቸውን ሰዎች ነፍስ የሌለው ብርት እንዳዳናቸው በባሕርዩ ሞት የሌለበት አምላክ ዲያብሎስ ያስገራቸውን ነፍሳት ተሰቅሎ ሞቶ የማዳኑ አምሳል ነው።

ጽዮን የተባለች ማኅፀነ ማርያም ደብረ መቅደሱ የተባለ አካሏ ነው

ጌታም እነዚያ አላወቁም እንጂ እኔስ በማኅፀነ ማርያም አድሬ ለጻድቃን ለሰማዕታት ነገሥሁላቸው በአይሁድ በመናፍቃን ነገሥሁባቸው ሲል ነው። አንድም ጽዮን የተባለ መሰቀሉ ደብረ መቅደሱ የተባለ አካሉ ነው

እነዚያ አላወቁም እንጂ እኔስ በመስቀል ተሰቅዬ ለጻድቃን ለሰማዕታት ነገሥሁላቸው በአይሁድ

በመናፍቃን ነገሥሁባቸው ሲል ነው እንዲህ ፯ት ተአምራት ሲሠሩ አይተው የባሕርይ አምላክ ነው እንጂ የባሕርይ አምላክማ ካልሆነ እንዲህ ያሉ ተአምራት ባልተሠሩ ነበር ያሉ ክርስቲያን ተባሉ።

አምላክ አይደለም፣ አልተወለደም፣ አልተሰቀለም፤ የአምላክ ወዳጅ ደግ ሰው ነብይ ብቻ እንጂ ያሉት እስላም ተባሉ። እስላምና ክርስቲያን የተባለበት ያን ዕለት ነው።

አይሁድ ግን አላክም ነብይም አይደለም ሐሳዌ መሲሕ ነው ከቄሣር በቀር ሌላ ንጉሥ የለም ብለው ካዱት።

መናፍቃን ካህናት አላውያን መኳንንት ከሀድያን ነገሥታት ሃይማኖታችሁን ጣሉ ፈጣሪያችሁን ካዱ ለጣኦት ስገዱ ብለው እንደ እኔ እራሳችሁን እየመቱ አክሊለ ሦክ ግንድ አሸክመው በብረት ቢቸነክሯችሁ መራር ሐሞት ቢያጠጧችሁ ዋጋችሁን በመንግሥት ተቀበሉት እንጂ ሃይማኖታችሁን አትጣሉ፤ ፈጣሪያችሁን አትካዱ፤ ለጣኦት አትስገዱ!በማለት ጌታችን አስተምሮናል

______

Posted in Ethiopia, Faith | Tagged: , , , , , , , , , | Leave a Comment »

ጸሎተ ሐሙስ | ቅ/ ልደታ ማርያም + መድኃኔ ዓለም ዓብያተ ክርስቲያናት

Posted by addisethiopia on April 4, 2018

በጸሎተ ሐሙስ የተፈጸሙ ተግባራት

በዕለተ ሐሙስ ከተፈጸሙ ዐበይት ተግባራት አንዱ መድኃኒታችን ክርስቶስ ‹‹ይህ ሥጋዬ ነው፤ ይህ ደሜ ነው፤›› ብሎ አማናዊ ሥጋውንና ደሙን መስጠቱ ነው (ማቴ. ፳፮፥፳፮፳፰)፡፡ እንደዚሁም ይህ ዕለት ሰፊ ጸሎት የተደረገበት የጸሎት ቀን ነው፡፡ ጌታችን ሐሙስ ዕለት ወዙ እንደ ውኃና እንደ ደም ወርዶ መሬቱን ጭቃ እስኪያደርገው ድረስ መላልሶ ስለ ጸለየ ዕለቱ ‹ጸሎተ ሐሙስ› ተብሎ ተጠርቷል፡፡ ጌታችን የጸለየበትን ቦታም ወንጌላውያኑ በተለያየ ስያሜ ጠርተውታል፤ ማቴዎስና ማርቆስ – ‹ዐፀደ ወይን›፣ ‹ጌቴሴማኒ›፤ ሉቃስ – ‹ደብረ ዘይት›፤ ዮሐንስ – ‹ማዕዶተ ቄድሮስ›፣ ‹ፈለገ አርዝ›፣ ‹ዐፀደ ሐምል› በማለት ሰይመውታል (ማቴ.፳፮፥፴፮፤ ማር.፲፬፥፴፪፤ ሉቃ. ፳፩፥፴፯፤ ፳፪፥፴፱፤ ዮሐ. ፲፰፥፩)፡፡

በተጨማሪም ይህ ዕለት (ሐሙስ) ያለ እርሱ ፈቃድ ሊይዙት እንደማይችሉ ለማስረዳት ጌታችን በመለኮታዊ ኃይሉ እንደ ቅጠል እንዲረግፉ ካደረጋቸው በኋላ በይቅርታው ብዛት መልሶ በማስነሣት በፈቃዱ ራሱን ለአይሁድ አሳልፎ የሰጠበት ዕለት ነው (ዮሐ. ፲፰፥፭)፡፡ በዕለተ ሐሙስ ከተከናወኑ ዐበይት ተግባራት መካከል ሠራዔ ሕግ፣ ፈጻሜ ሕግ የኾነው ጌታችን አምላካችንና መድኀኒታችን ኢየሱስ ክርስቶስ ሕገ ኦሪትን እየፈጸመ አድጓልና በኦሪት ሥርዓት የሚፈጸመውን የመጨረሻውን በግዐ ፋሲካ (የፋሲካ በግ) ከደቀ መዛሙርቱ ጋር መመገቡ አንደኛው ነው፡፡ ይሁዳ እንደሚያስይዘው ለሐዋርያት በምልክት ማስረዳቱ ሁለተኛው ሲኾን (ዮሐ. ፲፫፥፳፩)፤ እንደ አገልጋይ ራሱን ዝቅ አድርጎ የደቀ መዛሙርቱን እግር ማጠቡ ደግሞ ሦስተኛው ነው፡፡

ጌታችን የደቀ መዛሙርቱን እግር የማጠቡ ምሥጢር

ጌታችን አምላካችንና መድኃኒታን ኢየሱስ ክርስቶስ የደቀ መዛሙርቱን እግር ካጠበ በኋላ ‹‹እናንተ መምህራችን፣ ጌታችን ትሉኛላችሁ፤ መልካም ትላላችሁ፡፡ እኔ ጌታችሁ መምህራችሁ ስኾን ዝቅ ብዬ እግራችሁን ካጠብኋችሁ እናንተም ዝቅ ብላችሁ የወንድሞቻችሁን እግር ልታጥቡ ይገባችኋል፡፡ ምሳሌ ኾኛችኋለሁና፤›› በማለት የትሕትና ሥርዓት ሠርቶ እነርሱም በሥራ እንዲገልጡት አዝዞአቸዋል (ዮሐ. ፲፫፥፲፭)፡፡ በግእዝ የተጻፈ አንድ ትርጓሜ ወንጌል ‹‹እዘርእ ፍቅረ ወትሕትና ውስተ አልባቢክሙ፤ ፍቅርንና ትሕትናን በልባችሁ እዘራለሁ፤›› እንዳላቸው ይናገራል፡፡

ሠለስቱ ምእትም በአንቀጸ መነኮሳት ‹‹ወኢትትሐከይ ኀፂበ እግረ አኃው ሶበ መጽኡ ኀቤከ እስመ በእንተ ዛቲ ትእዛዝ ይትኀሠሥዎሙ ለእለ ያጸርዕዋ ለዛቲ ግብር ወለእመ ኮኑ ኤጲስ ቆጶሳተ እስመ እግዚአብሔር ኀፀበ እግረ አርዳኢሁ ቅድመ ወአዘዞሙ ከማሁ ይግበሩ፤ ወንድሞች ወደ አንተ በመጡ ጊዜ እግራቸውን ማጠብን ቸል አትበል፡፡ ይህችን ሥራ ቸል የሚሏትን ስለዚህች ትእዛዝ ሥላሴ በፍዳ ይመረምሯቸዋልና፡፡ ኤጲስቆጶሳትም ቢኾኑ እግዚአብሔር አስቀድሞ የደቀ መዛሙርቱን እግር አጥቦ እንዲሁ ያደርጉ ዘንድ አዝዟቸዋልና፤›› (ሃይማኖተ አበው ፳፥፳፱፤ ፩ኛ ጢሞ. ፭፥፱)፡፡

የጌታችንን ትሕትና በተናገረበት ክፍል፣ ሊቁ ያዕቆብ ዘሥሩግ ‹‹የማይታዩ ረቂቃን መላእክቱ አደነቁ፤ ከልዑል ዙፋኑ ወርዶ ለደቀ መዛሙርቱ ሲያገለግል ባዩት ጊዜ አገልጋዮቹ መላእክት ደነገጡ፡፡ ትሕትና ወዳለበት ፍቅር የአሕዛብ እግረ ልቡናን ያቀና ዘንድ ግሩም እሳት በትሕትና መገለጡን ባዩ ጊዜ ብርሃናት ደነገጡ፤›› ይላል (ሃይማኖተ አበው ፹፰፥፰)፡፡ ፊልክስዩስም ‹‹ወኅፅበተ ፋሲካ ትትሜሰል በምሥጢረ ትሕትና ፍጽምት፤ የፋሲካ ኅፅበት ፍጹም በኾነ የትሕትና ሥራ ትመሰላለች፤›› ብሏል (መጽሐፈ መነኮሳት)፡፡

አባ ጊዮርጊስ ዘጋሥጫ በመጽሐፈ ምሥጢር ‹‹… ጌታችን ወደ ስምዖን ጴጥሮስ በደረሰ ጊዜ ጴጥሮስም ‹አቤቱ እግሬን የምታጥበኝ አንተ ነህን? አለው፡፡ እርሱም መልሶ ‹እኔ እግርህን ከላጠብሁህ አንተም ከእኔ ጋር ዕድል ፈንታ የለህም› አለው፡፡ ይህም ማለት ‹እኔ በአገልጋይ ምሳሌ እግርህን ካላጠብሁ አንተም ከበታችህ ላሉ ራስህን ዝቅ ማድረግ አትችልም፡፡ ራስህን ዝቅ ካላደረግህም የእነርሱ አለቃ መኾን አትችልም፡፡ በሰማያት ባለው መንግሥቴስ ከእኔ ጋር እንዴት አንድ ለመኾን ትችላለህ?››› በማለት ራሱ ትሑት ኾኖ ጴጥሮስን ትሑት ይኾን ዘንድ አጥብቆ እንደ መከረው ይናገራል፡፡

በቅዱሳት መጻሕፍት መነሻነት ዘወትር በግልጥ ሲከናወን የኖረውን፤ አሁንም ባለ ማቋረጥ እየተከናወነ የሚገኘውን፤ ለወደፊትም የሚከናወነውን ቅዱስ የኾነውን የኦርቶዶከሳዊት ተዋሕዶ ቤተ ክርስቲያን ትውፊታዊ ሥርዓት ወደ ጐድን በመተው ግምታዊ ልማድን እየተከተለ ‹‹የሐዋርያት ጥምቀት በኅፅበተ እግር ነው፤ እኛ የዳነው በኅፅበተ እግር ነው፤›› የሚሉ ሰዎች አሉ፡፡ ቤተ ክርስቲያናችን ስታጠምቅም፣ ቅብዐ ቅዱስ ስትቀባም ከራስ ጀምራ ነው፡፡ በመጨረሻም በራስ ላይ እፍ ብላ መንፈስ ቅዱስን በማሳደር ነው እንጂ እግርን በማጠብ አጥምቃ አታውቅም፡፡

ይኸውም ከሐዋርያት የተገኘ፤ ከሐዋርያት ሲያያዝ የመጣ ትውፊታዊና ቅዱስ ሥርዓት ነው እንጂ አሁን የተፈጠረ አዲስ ባህል አይደለም፡፡ ስለዚህም የጸሎተ ሐሙስ ኅፅበተ እግር ጥምቀት ሳይኾን ፍጹም ትሕትናን ሠርቶ ለማሠራት ጌታችን የፈጸመው ተግባር ነው፡፡ ይህንም ያለ ጥርጥር ልንቀበለውና ልንተገብረው ይገባል፡፡ ከዚህ ሌላ የሐዋርያት ጥምቀት አንዳንዶቹ ‹‹ተከተሉኝ›› ሲላቸው ነው፤ አንዳንዶቹ ደግሞ በበዓለ ኀምሳ መንፈስ ቅዱስ በወረደላቸው ጊዜ ነው ይላሉ፡፡ ይህ ዅሉ አባባል ግን መጽሐፍ ቅዱሳዊ አይደለም፡፡ በቅዱሳት መጻሕፍት ማስረጃነት ያልተደገፈ ግምታዊ አሳብ ነው እንጂ፡፡

በዕለተ ሐሙስ በተከናወነው ኅፅበተ እግር ሐዋርያት እንደ ተጠመቁ የሚናገሩ ብዙዎች ናቸው፡፡ ነገር ግን ይህ ኅፅበት መድኃኒታችን ክርስቶስ ወሰንና አቻ የሌለው ፍጹም ትሕትናውን የገለጠበት ምሥጢር እንጂ ጥምቀት እንዳልኾነ ብዙ መጻሕፍት ይስማማሉ፡፡ ከዚህ በላይ የተዘረዘሩ መጻሕፍት በሙሉ ጌታችን ኢየሱስ ክርስቶስ የደቀ መዛሙርቱን እግር ማጠቡ ፍጹም ትሕትናውን ለመግለጥ እንደ ኾነ በማያሻማ ኹኔታ አረጋግጠዋል፡፡

ሐዋርያት በዚህ ጊዜ (በኅፅበተ እግር) ተጠመቁ የሚል ግን ማኅበረ ሐዋርያት ከባስልዮስ መጽሐፍ አገኘን ብለው ከጠቀሷት አንዲቷ ጥቅስ በስተቀር ሌላ አልተገኘም፡፡ ከዚህ ላይ ልናስተውለው የሚገባ ቁም ነገር ቅዱስ ጳውሎስ ‹‹ጌታ አንድ ነው፤ ሃይማኖት አንዲት ናት፤ ጥምቀትም አንዲት ናት፤›› (ኤፌ. ፬፥፭) ባለው መሠረት ሠለስቱ ምእት በጉባኤ ኒቅያ በተናገሩት የሃይማኖት ጸሎት ‹‹ኀጢአት በሚሰረይባት በአንዲት ጥምቀት እናምናለን›› (ሃይማኖተ አበው ፲፯፥፲፪) ከማለታቸውም ባሻገር ጥምቀት እንዳይደገም፣ እንዳይከለስ በፍትሕ መንፈሳዊ ከልክለዋል፡፡

ኅፅበተ እግር በቤተ ክርስቲያን

በየዓመቱ የሕማማት ሐሙስ በየአብያተ ክርስቲያናቱ፣ ዘወትር በየቀኑ በየገዳማቱና ትምህርት ቤቶች ለሚስተናገዱ እንግዶች ዅሉ ኅፅበተ እግር ይከናወናል፡፡ ኅፅበት ጥምቀት ነው ከተባለ ጌታችን ኢየሱስ ክርስቶስም ሠለስቱ ምእትም ኅፅበተ እግሩ ባለማቋረጥ ዅልጊዜ ሲተገበር (ሲከናወን) ሰዎች ዅሉ በየጊዜው ይጠመቃሉ ማለት ነው፡፡ ይህም ሐዋርያትና ሠለስቱ ምእት ጥምቀት አንድ ጊዜ ብቻ እንዲፈጸም ከወሰኑ በአንድ ምላስ ሁለት ምላስ ያሰኛል፡፡ በአንዲት ቤተ ክርስቲያን የሚጣረሱ ተቃራኒ ሥርዓቶችን ማራመድ አይቻልምና፡፡ ከዚሁ ዅሉ ጋር ደግሞ የእግር መታጠብ ጥምቀት ከኾነ ጌታችን እግራቸውን አጥቦ ‹‹እንዲህ አድርጉ›› ብሎ አዞናልና አዲስ ተጠማቂዎችን አብሶም ሕፃናትን መላ አካላቸውን እያጠመቅን ለምን በቅዝቃዜ እናሰቃያቸዋለን? እግራቸውን ብቻ አጥበን ‹‹ተጠምቃችኋል›› እያልን አናሰናብታቸውም? እስኪ በማስተዋል እንመርምረው፡፡

መድኀኔ ዓለም ክርስቶስ በመዋዕለ ስብከቱ ያከናወናቸው አምላካውያት ተአምራት እንዳይገለጡ ‹‹ይህን ለማንም እንዳትናገሩ፤›› እያለ አጥብቆ ይከለክል ነበር (ማቴ. ፰፥፬፤ ፱፥፴፤ ፲፮፥፳፤ ፲፯፥፲፱)፡፡ ይኸውም ገደቡ ካሣ እስከሚፈጸም እስከ ትንሣኤ ድረስ ኾኖ ከዚያ በኋላ ግን ተአምራቱ መነገር እንዳለበት ‹‹ወልደ እጓለ እመ ሕያው ክርስቶስ ከሙታን እስኪነሣ›› ብሎ ግልጽ አድርጎታል (ማቴ. ፲፯፥፲፱)፡፡ ይህንም ‹‹መከራን ከፊት አስቀምጦ፣ ደስታን፣ ክብርን መናገር ስለሚገባ ነው›› ብለው ሊቃውንቱ አትተውታል፡፡

በዚህ አንጻር ጌታችን እስከ መስቀል ሞት ድረስ ከፊቱ ከባድ መከራ ተደግሶለት እያለ ‹‹በኅፅበተ እግር ሐዋርያትን አጠመቀ፤ ልጅነትን ሰጠ›› ማለት አያስሔድም፡፡ ምክንያቱም አንድ መንግሥት ሕገ መንግሥቱን የሚያውጀው፤ ሹመት፣ ሽልማትን መስጠት የሚጀምረው ጠላቱን ድል አድርጎ መንግሥቱን ካደላደለ በኋላ ነው፡፡ ጌታችን ኢየሱስ ክርስቶስም ዓለሙን ያዳነውና ልጅነትን የሰጠው ዲያብሎስን በመስቀል ድል ከነሣው በኋላ ነው እንጂ በኅፅበተ እግር አይደለም፡፡

ከኅፅበተ እግር በኋላ ሊይዙት ወደ እርሱ የመጡትን የካህናት አለቆችን፣ የቤተ መቅደስ ሹሞችንና ሽማግሌዎችን ጌታችን እንዲህ ብሏቸዋል፤ ‹‹ሌባን እንደምትይዙ በሰይፍና በጎመድ ልትይዙኝ መጣችሁን? ዘወትር ከእናንተ ጋር በቤተ መቅደስስኖር እጃችሁን እንኳ አልዘረጋችሁብኝም፤ ነገር ግን ጊዜያችሁ ይህ ነው፡፡ የጨለማው አበጋዝም ሥልጣኑ ይህ ነው፤›› (ሉቃ. ፳፪፥፶፪፶፫)፡፡ ጌታችን የደቀ መዛሙርቱን እግር ካጠበበት እና በአትክልት ቦታ ከጸለየበት ከሐሙስ ማታ እስከ ዓርብ እኩለ ቀን ድረስ ለመግለጽ እጅግ የሚከብድና የሚያሰቅቅ ሥቃይና መከራን በፈቃዱ ተቀብሏል፡፡

ከዚህ አሰቃቂ መከራና ሞት በፊት ቅዱሳን ሐዋርያት ተጠመቁ፤ ልጅነትን አገኙ ማለት ከጋብቻ በፊት ልጅ መውለድ እንደ ማለት ከመኾኑም በላይ የዓለም ቤዛ የኾነውን የጌታችንን ሞት ከንቱ ዋጋ አልባ ማድረግ ነው፡፡ እንዴት ቢባል በክርስቶስ ክርስቲያን የተባለ በሙሉ ከሐዋርያት በተገኘ ልጅነት ነው፤ ቅዱሳን ሐዋርያት ከጌታችን ከኢየሱስ ክርስቶስ ሞት በፊት በተከናወነ ኅፅበተ እግር ተጠመቁ ከተባለ ሞቱ ምንም ሥራ አልሠራም ማለት ነውና፡፡ ወገኔ ሆይ! ከዚህ በላይ እንደ ተገለጠው የዳንኸውና ልጅነትን ያገኘኸው በክርስቶስ ሞትና ደም እንጂ በእግር መታጠብ እንዳልኾነ ልታስተውል ይገባል፡፡

ምንጭ

______

Posted in Ethiopia, Faith | Tagged: , , , , , , , , , , , | Leave a Comment »

ሆሳእና ለዳዊት ልጅ | የተዋሕዶ ልጆችን ታታሪነትና የእመንት ጽናት ተመልከቱ

Posted by addisethiopia on March 31, 2018

ቢቢሲ፤ „Is this the world’s toughest commute?“

ይህ በዓለም በጣም ከባድ የሆነው ጉዞ ይሆንን?“ የሚል ርዕስ ሰጥቶታል።

ቪዲዮው የሚያሳየው የኢትዮጵያን ውብ የሆነ መልክዓምድራዊ ገጽታን የተላበሰውን የ ”ገራልታ ሰንሰለታማ ተራራ” ነው። በውስጡም እንደ “አቡነ የማታ ጎህ ገዳምየመሳሰሉትን እፁብ ድንቅ የሚባሉ ታሪካዊና ኃይማኖታዊ ቅርሶችን አቅፎ ይዟል፡፡ ገራልታ በትግራይ ክልል ሓውዜን ይገኛል፡፡ ሓውዜን ከውቡ ገራልታ ሰንሰለታማ ተራራ በተጨማሪ በርካታ ውቅር አብያተክርስቲያናት የሚገኙባት፤ የታታሪ ነዋሪዎች መገኛም ነች፡፡

ሁሉም ነገር ድንቅ ነው! ተራራዎቹ፣ ብርሃኑና ቀለማቱ በጣም ያስደንቃሉ። ጽሑፉ “ኮፕቲክ ቄስ” ከማለቱ በስተቀር፡ የካሜራው አነሳስም የሚያስደንቅ ነው። ምናለ ወደእነዚህ የተቀደሱ ተራሮች ሄጄ እንዲህ ማንሳት ቢቻለኝ?!

______

Posted in Ethiopia, Faith | Tagged: , , , , , , , , | Leave a Comment »

የጥፋት ርኩሰት | ኢሉሚናቲው ጳጳስ ፍራንቸስኮ ‘ሲዖል የለም!’ አሉ

Posted by addisethiopia on March 30, 2018

አቤት ቅሌት!

ኢሉሚናቲው ጳጳ ፍራንቸስኮ እንዳሉት ከሆነ “ንስሐ የማይገቡ ኃጢአተኞች ከሞት በኋላ አይቀጡም ይልቁንም ነፍሳቸው ጨርሳ ትጠፋለች እንጂ”።

አንድ አማኝ ፈላስፋ ጋር ባደረጉት ቃለ መጠይቅ “የኃጢአተኞች ነፍስ ከሞቱ በኋላ ምን ይሆናል?” ለሚለው ጥያቄ መልስ ሲሰጡ ነበር ይህን ቅሌታማ ነገር የተናገሩት።

ይህ አባባላቸው በዓለም ዙሪያ በሚሊዮኖች የሚቆጠሩ ካቶሊኮችን አስቆጥቷል

በሁኔታው የተደናገጠቸው ቫቲካን በሪፖርቱ ውስጥ የተጠቀሱት ጥቅሶች አጠያያቂ እንደሆኑ በማስተባበል ላይ ትገኛለች።

ተጨማሪ ለማንበብ

______

Posted in Curiosity, Ethiopia, Faith | Tagged: , , , , , , , , , , , , | Leave a Comment »

ጀርመን | የሁለተኛ ክፍል ተማሪ የሆነቸው አይሁዳዊት ህፃን “አላህን” ስላልተቀበለች ሙስሊሞች በሞት አስፈራሯት

Posted by addisethiopia on March 28, 2018

በበርሊን አንደኛ ደረጃ ትምህርት ቤት ሁለተኛ ክፍል ተማሪ የሆነቸው አይሁዳዊት ህፃን “አላህን” ስላልተቀበለች ሙስሊሞች በሞት አስፈራርተዋታል።

ይህ አሰቃቂ ዜና አሁን በመላው ጀርመን ትልቅ የመወያያ ርዕስ ሆኗል።

41 ዓመቱ አይሁድ ባለፉት ጥቂት አመታት ውስጥ ሴት ልጁ በሙስሊም ተማሪዎች በተደጋጋሚ ስትረበሽ እንደነበረች ለሜዲያዎች ዘግቧል።

ይህ ጉዳይ ፀረ ሴማዊነት ብቻ አይደለም፤ ሁሉንም እስላም ያልሆኑትን ሃይማኖቶች ሁሉ ይመለከታል። ሙስሊሞች አይሁዶችን፣ ክርስቲያኖችን፣ ሂንዱዎችንና ሌሎች እስላም ያልሆኑትን ሁሉ “በ አላህ ካላመናችሁ” እያሉ መከታተሉንና፣ ማስፈራራቱንና ማሸበሩን ከጀመሩ ውለው አድረዋል።” በማለት አባቷ መስክሯል።

አባትየው በተጨማሪ፦ “ፖለቲከኞች፣ የትምህርት ቤት አስተዳደሮች ይህን መሰሉ አስከፊ ሁኔታ የፈጠረውን ችግር ለመቅረፍ ወደ ኋላ በማለታቸው ተጠያቂዎች ናቸው። ምንም እንኳን እኛ ቤተሰቦቻቸው ስለ ጉዳዩ አሳሳቢነት ለሚመለከታቸው አካላት ሁሉ ደጋግመን ብናሳውቅም ማንም ከዚህ በፊት ሊሰማን ፍላጎት አልነበረውም። ስለዚህ አሁን ለመገናኛ ብዙኃንን ለማሳወቅ ከመሞከር ሌላ አማራጭ አልነበረንም።” ብሏል።

ይህ ከብዙ ሌሎች ተመሳሳይ ክስተቶች መካከል አንዱ ነው፡ በበርሊንና በሌሎች የጀርመን ከተሞች ውስጥ እስላም ባልሆኑ ህፃናት ተማሪዎች ላይ የተፈጸሙ ያሉት በደሎች ለማመን የሚከብድና ሁላችንንም ኡ! ! የሚያሰኝ ነው።

በበርሊን የመጀመሪያ ደረጃ ት / ቤት ህፃኗን የሙስሊም የክፍል ጓደኞች በሞትም እንኳ ሳይቀር ማስፈራራታቸው፤ ሚሊየን ሙስሊሞች በአንጌላ “ኤሊዛቤል” ሜርኬል ወደ ጀርመን ተጋብዘው እንዲጎርፉ ከተደረጉ ከ መስከረም 2015 .ም በኋላ ጀርመን አገር ውስጥ ምን ጉድ እየተካሄደ እንደሆነ በግልጽ የሚያሳይ ነው።

ይህች ህጻን ልጃችሁ ብትሆንስ?

______

Posted in Conspiracies, Ethiopia, Faith, Infos | Tagged: , , , , , , , , , , , , , , | Leave a Comment »

ፈረንሳይ | የሂትለርን እሳት ቃጠሎ ያመለጡት የ 85 ዓመቷ አረጋዊት አይሁድ በመሀመድ ሰይፍ ታረዱ

Posted by addisethiopia on March 28, 2018

85 ዓመ አረጋዊ አይሁድ የተገደለቸው በፓሪስ አፓርታ ውስጥ ሲሆን፡ ገዳዮቹ ሙስሊሞች “አላህ ዋክበር!” እያሉ አስራ አንድ ጊዜ በሰይፍ ቆራርጠው ከገደሏት በኋላ ሬሳዋን በእሳት አቃጥለውታል።

ይህ አሰቃቂ ድርጊት የተፈጸመው ባለፈው ዓርብ ማታ በፓሪስ ከተማ ነበር።

20 ዎቹ የዕድሜ ክልል ውስጥ የሚገኙት ሁለት ሙስሊሞች ከግድያው ጋር በተያያዘ ተይዘዋል። 29 ዓመቱ ሙስሊም ከዚህ በፊት የ10 ዓመት ልጃገረድን በወሲብ ወንጀል በመድፈሩ ታስሮ ነበር።

ይህ ወንጀል እንደ ፀረሴማዊ፣ ፀረክርስቲያናዊ ጥላቻና ግድያ በመላው አውሮፓ፣ በተለይ በፈርነሳይ፣ ጀርመንና ስዊደን መጧጧፋቸውን ይጠቁመናል።

ለእስማኤላውያኑ እርዳታ በማድረግ ላይ ያሉትም ከሃዲዎቹ ዒአማንያን የዔሳው ዘሮች ናቸው።

እኝህ ምስኪን ሴትዮ አያታችን ሊሆኑ ይችላሉ፤ እስኪ እናስበው! በሕይወታቸው መጀመሪያ እና መጨረሻ ላይ ክፉ ጥላቻን አይተዋል። የሂትለርን ሆሎኮስት ጭፍጨፋ አምልጠው አደጉ፤ አሁን በሰላም በማረፊያቸው የመጨረሻቸው ዘመናቸው የሂትለር አፍቃሪ በሆኑት ሰይጣን መሀመዳውያን ቤታቸው ውስጥ ተገደሉ።

ነፍሳቸውን ይማርላቸው!

ለእርኩስ ገዳዮቻቸው በሲዖል ልዩ የእሳት ቦታን ያዘጋጅላቸው!

______

Posted in Conspiracies, Ethiopia, Infos, Life | Tagged: , , , , , , , , , , , , | Leave a Comment »

የእህቶቻችን እንባ? | የዱባዩ መሪ ሴት ልጅ ይህን አስደናቂ ቪዲዮ ከለቀቀች በኋላ ተሰውራለች

Posted by addisethiopia on March 26, 2018

በጣም የሚገርም ነው፤ ልክ በእህቶቻችን ላይ የደረሰው ግፍ ነው በአረቦቹ ልጆቻቸው ላይ እየደረሰ ያለው፤ “እርስበርስ አባላቸው!” እያልን ስናደርስ የነበረው ጸሎታችን እየሠራ ነው ማለት ነው።

የምታስለቅስ ሴት ናት፤ እግዚአብሔር ይድረስላት!

ይህን ቪዲዮ ህንድ አካባቢ ከሚገኝ መርከብ ላይ ሆና ነው የለቀቀችው። ይህን “የመጨረሻዬ ነው” ያለችውን ቪዲዮ ከለቀቀች በኋላ የት እንዳለች አይታወቅም፤ ጠፍታለች።

33 ዓመቷ ምስኪን፡ ልዕልት ወይም ሼካ ላቲፋ መሀመድ አል ማክቱም ትባላላች። የዝነኛው የዱባይ እና የተባበሩት አረብ ኤሚራቶች መሪ የሸክ መሀመድ ቢን ራሺድ አል ማክቱም ነው (መሀመድ ሁልጊዜ መቅሰፍት ነው)። በጥቂቱ የሚከተለውን ለማመን የሚከብድ (100% አምናታለሁ፡ እግዚአብሔር ይርዳት) ትናገራለች ትላለች፦

በዱባይ የመኖር ምንም ምክኒያት የለኝም

በርግጥ እዚያ የምወዳቸው ሰዎች ቢኖሩም ለመሄድ አልሻም፣ እነርሱ እዚህ መጥተው ሊያዩኝ ይችላሉ።

ከዚህ በኋላ የት፣ እንዴት እንደምኖር አላውቅም፣ በሌላ በኩል አማራጭ ስላለኝ ጥሩ ነገር ነው

አባቴ ለብዙ ሰዎች ሞት ተጠያቂ ነው! ትልቅ ወንጀለኛ ነው!

በዱባይ ፍትህ የለም፤ በተለይ ለሴቶች! እዚያ የሴቶች ህይወት ዋጋ የለውም!

ይህ ቪዲዮ የህይወት ዋስትናዬ ነው፤ ከለቀክኩት በኋላ ምናልባት በህይወት እኖር ወይም አልኖር ይሆናል።

እናቴ ከአልጀርያ ስትሆን፣ አባቴ ደግሞ የኤሚራቶች ጠ/ ሚኒስትር እና የዱባይ መሪ ሸክ መሀመድ ቢን ራሺድ አል ማክቱም ነው

አባቴ ከእናቴ ሦስት ሴት ልጆች አሉት እኔ የመካከለኛዋ ነኝ።

አባቴ ከ6 ሚስቶቹ ባጠቃላይ 30የእኔ ወንደሞችንና እህቶችን በተጨማሪ ወልዷል።

ይህን ቪዲዮ ለመሥራት የፈልግኩት ምናልባት የመጨረሻው ቪዲዮየ ሰለሚሆን ነው።

ምናልባት ይህ ቪዲዮ የአባቴን ቅሌት ለማጋለጥ ይበቃ ይሆናል። አባቴ ክብሩን ለመጠበቀ ሲል

ንጹሃን ሰዎችን የሚገድል ጨካኝ ሰው ነው።

አባቴ የራሱ ጉዳይ ብቻ ነው የሚያሳስበው እንግዲህ ይህ ቪዲዮ እኔንም ያስገድለኝ ይሆናል።

ቪዲዮን በምትመለከቱበት ወቅት ምናልባት ተገድዬ ልሆን እችላለሁ።

2000 .ም የ18 ዓመቷ እህቴ፡ ሻምዛ ወደ እንግሊዝ አገር አመለጠች። ዱባይ ነፃነት ሰላልነበራት ነበር ያመለጠችው። ነፃ በሆኑ አገሮች የሚፈቀዱትን ነገሮች እዚያ ማድረግ ስላልቻለች፤ ለምሳሌ፦ መኪና መንዳት፣ መጓዝ ወዘተ

በኑሯችን የመምረጥ መብት የለንም። እህቴ ስታመልጥ እኔ የ14 ዓመት ልጃገረድ ነበርኩ

እንግሊዝ እያለች አልፎ አልፎ እንጻጻፍ ነበር፣ ሁልጊዜ እነደ እናቴ አድርጌ ነበር የማያት። በማምለጧ ደስ ቢለኝም ግን አጠገቤ ባለመኖሯ ሁሌ ይከፋኝ ነበር።

እህቴ ዱባይ ከነበረችው ጓደኛዋም ጋር ትደዋወል ነበር፤ አባቴ ይህን ስላወቀ በሮሌክስ ሰዓት ደልሎ አድራሻውን እንድታጣራለት ጠይቋት ነበር።

እህቴንም ከሴትየዋ ጋር እንዳትደዋወል አስጠነቀቅኳት ግን በብቸኝነት መደዋወሏን ስለቀጠለችበት

ያለችበትን ቦታ አጣርተው አገኙባት።

የአባቴ ሰዎች በእንግሊዝ መንገድ ላይ እየሄደች እያለች ጠልፈው በመኪና ወደ አንድ ሂሊኮፕተር ወሰዷት።

ከዚያም በፈረንሳይ አድርገው ወደ ዱባይ አመጧት። በግል አውሮፕላን ውስጥ ማደንዘዣ መርፌ ተወግታ ነበር። ዱባይ መጥታ ቤተመንግሥት ውስጥ በሚገኝ አንድ ድንኳን ውስጥ ታሠረች።

እኔና ሌላው እህቴ ልብሶች እና ስልክ በድብቅ እንልክላት ነበር

ስልኩንም እንዳገኘች እንግሊዝ ከሚገኙ ጋዘጤኞች ጋር ግኑኝነት ማድረግ ቻለች

ግንቦት 2001 .ም አካባቢ ታሪኳ በጋርዲያን ጋዜጣ ወጣ። ይህን ስሟን ጉግል በማድረግ ማጣራት ይቻላል።

ፖሊሶች ይህን ባወቁ ጊዜ እህቴን አምጥተው እንድትናዘዝ ገረፏት፤ ስለግርፋቱም ወደ እኔ መጥታ አጫወተችኝ።

ሌላዋ እህቴም አንድ ክፍል ውስጥ ተዘግቶባት ነበር የምትኖረው። አንድ ቀን ስላመለጠችው እህቴን ታሪክ

በወረቀት ላይ ጽፌ በበሯ ሥር እኒድወረወርላት አደርግኩ።

እንዳነበበቸውም በጣም አበደች፣ ክፍሏን ስታተራምሰው፣ መስኮቱን ስተሰብረው ይሰማ ነበር

ከክፍሏም ወጥታ በመሮጥ የአባቴን አገልጋዮች በቢለዋ ታስፈራራ ነበር።

በኋላ ተያዘች፣ ወደ እስር ቤትም አስገብተው እርሷንም ገረፏት፤ ግን ምንም እንደማታውቅ ተገነዘቡ።

በዚያ ዕለት ሁሉንም እህቶቼን አጣኋቸው ግኑኝነት ሁሉ ተቋረጠ፣ ከዓመት በኋላ የ16 ዓመት ልጃገረድ ሆኘ ከቤት ማምለጥ ፈለግኩ።

2002 .ም ኢንተርኔት እንድጠቀም አይፍቀደልኝም፤ ስልክም ቢሆን ጓደኛየ ደብቃ የሰጠችኝ ነበር።

ሰለዚህ ኤሚራቶችን ለቅቄ መውጣትና ወደ ሌላ አገር ሄጄ ጠበቃ እፈልጋለሁ ብዬ አሰበኩ፤

ወደ ኦማን ማምለጥ ፈለግኩ።

ብያዝ፡ ቢከፋ ቢከፋ እስርቤት ከእህቴ ከሻምዛ ጋር ነው የሚጨምሩኝ፤ ከርሷ ጋር መሆኔ ደስታዬ ነው

ስለዚህ በ2002 .ም አመለጥኩ፤ ግን ጠረፍ ላይ ተያዝኩ፤ የዋህ ስለነበርኩ፡ በረሃው ክፍት መስሎኝ ነበር፤ ጠረፍ የሚጠበቅ አይመስለኝም ነበር፤ ማን መሆኔን እንዳወቁ ወደ ዱባይ መለሱኝ

የአባቴ ታመኝ ሰው በአባቴ ትዕዛዝ እስር ቤት አስገባኝ።

እስር ቤት ውስጥ ይገርፉኝ ነበር አንዱ ሰው ሲይዘኝ ሌላው ደጋግሞ ይገርፈኛል። መጀመሪያ ላይ ለግማሽ ሰዓት ያህል ሲገርፉኝ፡ ድንዝዤ ስለነበር ብዙም አለተሰማኝም ነበር፤ ቀጥሎ ግን የቤተመንግሥቱ እስር ቤት ውስጥ ለአምስት ሰዓታት ያህል ይገርፉኝ ነበር።

አባትሽ እስክትሞች ድረስ እንድንገርፍሽ አዘውናል!”፡ አሉኝ።

የዱባይ ገዥው አባቴ ለሰብዓዊ መብት ቆሚያለሁ ማለቱ ቅጥፈት ነው። በህይወቴ እንደ አባቴ እርኩስ ሰው አይቼ አላውቅም። ምንም በጎ ነገር የለውም፤ አባቴ ለብዙ ሰዎች ሞትና የተመሰቃቀለ ኑሮ ተጠያቂ ሰው ነው። ግድ የለውም፤ ሰው ለመግደል ትዕዛዝ በቀላሉ ይሰጣል። አጎቴ እንደሞተ ከሚስቶቹ አንዷን ሞሮኳዊት ገድሏታል፤ ምን ዓይነት ሰው እንደሆነ ሁሉም የሚያውቁት ነው።

እስር ቤት የቆየሁት ባጠቃላይ ለ3 ዓመታት ከ4 ወራት ያህል ነበር።

አንድ ግዜ፡ በመሃል ለአንድ ሣምንት ያህል ከእስር ቤት ወደ ቤት፡ ቤት አልለውም፡ መልሰውኝ ነበር፤ ወደ እናቴ ቤት።

እናቴን ማየት ጓጉቼ ነበር፤ የምታዝንልኝም መስሎኝ ነበር። ምክንያቱም የእስር ቤቱ ኑሮ በጣም ከባድና አስቃቂ ስለነበር ነው።

እንደወጣሁ ብዙ ኪሎ ቀንሼ ነበር፤ ግን ምንም ነገር እንዳልተፈጠረ፡ በእኔ ላይ ምንም እንዳልደረስ ሆኖ ነበር ሰው ሁሉ የሚያነጋግረኝ።

ከእስር ቤት ለብዙ ወራት ስላልተቀንሳቀስኩ፡ መኪናው ሁሉ በጣም ፈጥኖ የሚሄድ ይመስለኝ ነበር።

ዘመዶች ምንም ነገር እንዳልተፈጠረ ታዲያስ? እያሉ ሲቀርቡኝ በጣም ተገርሜ እናደድ ነበር።

ለእኔ ሁሉም ሰቀቀን ሆነበኝ፤ አሁንም ኮሽ የሚል ድምጽ ሰሰማ እባንናለሁ፡ በጣም መጥፎ ጊዜ ነበር።

እናቴ ግን የእኔ ስቃይ ብዙም አልረበሻትም፤ ቀዝቃዛ ነበረች፤ እናቴ፡ እንደ አንድ እናት፡ ለእኔ ባለማዘኗ በጣም አዝኜ ነበር፤ ሌላዋ እህቴም እንደዚሁ አላዘነችልኝም፣ አላጽናናችኝም።

መርዳት ቢፈልጉ ሊረዱኝ ይችሉ ነበር፤ ግን አላደረጉትም፤ ቢፈልጉ ኖሮ እስርቤት ይጎበኙኝ ነበር፤ ግን አላድረጉትም።

እኔ ምንም ያጠፋሁት ነገር ኖሮ አይደለም፤ ለእህቴ ለሻምዛ ጠበቃ በመቆሜ ብቻ ነው ይህ ሁሉ በደል የተፈጸመብኝ።

ለአንድ ሳምንት እንደተመለስኩ፤ በአንድ ወቅት፡ ቤት ውስጥ “የታሰረችውን እህቴን ሻምዛን ማየት

እፈልጋለሁ!” እያልኩ እጮህ እንደነበር አስታውሳለሁ። ፖሊሶች ይዘውኝ እንደነበርና፤ ዶክተር ነገር መርፌ እንደወጋኝ ትዝ ይለኛል።

ከዚያም በመኪና ወደ ሆስፒታል ወሰዱኝ፡ ብዙ ከመጮሄ የተነሳ ድምጼ ተዘግቶ ነበር።

ለአንድ ሣምንት ያህል በሆስፒታል ተኛሁ ከዚያም መልሰው ወደ እሥር ቤት አስገቡኝ

እስር ቤት የቆየሁት ባጠቃላይ ለ3 ዓመታት ከ4 ወራት ያህል ነበር።

በአባቴ ትዕዛዝ ሊገድሉኝ ሞከሩ፤ ግን አልሆነላቸውም

ለሁለተኛ ጊዜ ከእስር ቤት እንደወጣሁ ሁሉንም ሰዎች እጠላቸው ነበር፤ ማንንም ማመን አልቻልኩምና።

አብዛኛውን ጊዜዬን ከእንስሶች ጋር ነበር የማሳልፈው፤ ከፈረሶች፣ ውሾች፣ ድመቶችና ወፎች ጋር። በተረፈ በክፍሌ ውስጥ ፊልሞችን አይ ነበር። ከሰዎች ጋር የመገናኘት ፍላጎት አልነበረኝም።

ከእስር ቤቱ አስከፊ ልምድ ለመመለስ የብዙ ዓመታት ጊዜ ወስዶብኛል።

በጋ 2017 .ም ላይ የእህቴ ጉዳይ ስለረብሸኝና ምንም ላደርግላት እንደማልችል በመረዳቴ እንደገና ለመጥፋት አሰብኩ።

በዚህ መልክ ብቻ ነው ሻምዛንና ሌሎችንም ልረዳ የምችለው እዚህ ሆኜ እህቴን ልረዳት አልችልም።

2017 ላይ አንድ ጥሩ ጓደኛየን አጣሁ ህይወት አጭር ናት፣ ዋስትና የለም፤ ሌሎች ለውጥ እስኪያመጡ መጠበቅ ከትንቱ ነው፤ ትልቅ እርምጃ ወስዶ ማምለጥ ብቻ ነው ያለው አማራጭ።

ይህን ቪዲዮ ለመስራት የመረጥኩት ለዚህ ነው። ይህን ሠርቼ ብሞት እንኳን አይጸጽተኝም።

የመጨረሻ ቪዲዮዬ ሊሆን ስለሚችል ሁሉንም ማስታወስ ፡ አለብኝ፤ ሌላስ ስለምን መናገር ይኖርብኝ ይሆን?

ይህን ቪዲዮ እንደሚያጣጥሉት ጥርጥር የለውም፤ ውሸት ነው፡ ቅብርጥሴ ይሉ ይሆናል።

ስለ እኔ ህይወት በጥቂቱ የምለው፦

በዱባይ የእንግሊዝኛና የዓለም አቀፍ የሴቶች ትምህርት ቤቶች ውስጥ ተምሬያለሁ። ፈረስ መጋለብና የጥልቅ ባህር ዋና እንዲሁም የሰማይ ዝላይ ትምህርት ሁሉ ለመማር በቅቻለሁ።

አሁን ፊቴን የሚያይ ሁሉ በደንብ ያውቀኛል፤ ሊያጣጥሉ ቢሞክሩ ማን እንደሆንኩ ያውቃሉ።

ታዋቂ ከሆኑት እህቴና ወንድሜ ጋር እመሳሰላለሁ፡ ስለዚህ ውሻትም ሊሉኝ አይችሉም።

የፓስፖርቴናን የሌሎችን መረጃዎች ኮፒ አድርገው ሰጥተውኛል፤ አሁን በነገራችን ላይ፣ ፓስፖርት የለኝም

ተነጥቂአለሁ።

በዱባይ መኪና መንዳት እንኳን አይፈቀደልኝም ነበር ከ2000 .ም ጀምሮ አንዴም አገሩን ለቅቄ እንደወጣ ተፈቅዶልኝ አያውቅም።

ወደ ቤት የምገባበትና የምወጣበት ሰዓት ውሱን ነበር። እናቴና ሾፌሮቿ የት እንዳለሁ፣ ምን እንዳደርግኩ

በመከታተል ሁሉን ነገር እየተቆጣጠሩ ለአባቴ ቃል ያቀብሉት ነበር።

ነፃነት አልነበረኝም፤ ያለፈቃድ ወደ ሌላው የኤሚረቶች ግዛት እንኳን መጓዝ አይፈቀደለኝም ነበር፤ ከዱባይ እንድወጣ እከለከል ነበር።

አሁን የምናገረውን ሁሉ ሊያጣጥሉት ይሞክሩ ይሆናል፤ ነገር ግን አይችሉም፤ እራሳቸው ይጋልጣሉ እንጅ፤ ምክኒያቱም ብዙ መረጃ አለኝና።

አያድርገውና፣ ምናልባት ይህ የመጨረሻ ቪዲዮየ ሊሆን ይችላል።

የእኔ ትልቅ ምኞት ፓስፖርቴን ማግኘት፣ የመምረጥ ነፃነት ማግኘትና እህቴን መርዳት ነው። ለእህቴ ፓስፖርት ቢሰጧትና መውጣት ብትችል መልካም ነበር

6 ዓመት ህፃን እያለሁ የአባቴ እህት፡ አክስቴ ከእናቴ ነጥላ ወሰደችኝ። ስለዚህ ቤተመንግስት ውስጥ ለአስር አመት ያህል ከእርሷ ጋር ኖርኩ፤ አክስቴ ሁሌ የወለደችኝ እናቴ ትመስለኝ ነበር።

ሌላ ስለምን ላውራ? በህይወቴ ብዙ ስላየኋቸው ነገሮች ማለት እችላለሁ። የወለደችኝ እናቴን በዓመት አንዴ ነበር እንድጎበኛት የሚፈቀድልኝ። ከርሷ ጋር ማደር እንኳን አልችልም፤ ማታ ላይ ወደ ቤት መመለስ ግድ ነው።

ትንሹ ወንደሜም በአክስቴ እንጀራ ነበር ያደገው፡ እናታችን ማን እንደሆነች ሳናውቅ ለአስር አመት ያህል

ከኖርን በኋላ ነበር ሃቁን አውቀን እርሷን የተዋወቅናት

እህቴ ሻምዛ ነበርች ወደ እናታችን ያስጠጋችን፡ ያዳነችኝ ሻምዛ ነበርች፤ ለዚህ ነው ላድናት የምሻው

ግን እስካሁን አልተሳካልኝም።

አሁን ሻምዛን ቪዲዮ ሠርተሽ እኔን አንቋሺያት ብለው ሊያዙት ይችላሉ፤ በደንብ አውቃቸዋለሁና!

ሻምዛ ባሁኑ ሰዓት በህክምና ላይ ናት24 ሰዓት የምታደርገውን ሁሉ ይቆጣጠራሉ፤ ህሊናዋን ይቆጣጠሩ ዘንድ ኪኒኖችን በስነሥርዓት እንድትወስድ ያስገድዷታል።

በጋ 2017 ላይ ሻምዛ ብዙ ሞባይሎችን ደብቃ ስለተገኘች ነበር ወደ ህክምና የገባችው።

እናቴና ሰዎቿ ከእንግሊዝ ጋዜጠኞች ጋር ትገናኝ ይሆናል በማለት ስለተርበተበቱ ነበር ተቆጣጣሪ ዶክተሮች ያዘዙላት። በእውነት መፈናፈኛ የሌለው የዋሻ ኑሮ ነው የምትኖረው፤ ስለዚህ እኔን ለማጥላላት ሻምዛ እህቴን ይጠቀሙባት ይሆናል።

እኔን ቆሜ ከእነ ህይወቴ ሊይዙኝ አይችሉም፤ የሲዖል ኑሮየ 20 ዓመታት ሊሞሉት ነው

የብዙ ሰዎች ኑሮ ተመሰቃቅሏል፤ ብዙዎች ተገርፈዋል፣ ተገድለዋል። አባቴ ግድ የለውም፤ የገደላቸውን ሰዎች ማንነት ይደብቃል አባቴ በጣም የከፋ ወንጀለኛ ሰው ነው።

አባቴ እርሱን ዘመናዊና ተራማጅ እንደሆነ ለማስመሰል ይሞክራል፤ አታላይ!

31 ልጆቹን ፎቶ በየክፍሉ በመስቀል የቤተሰብ ሰው እንደሆነ ለማሳየት ይሞክራል፡ ማታለያ ነው!

ሌባኖስ አንድ ወንደ ልጅ አለው፤ በዓመት አንዴ ሲያገኘው፡ የእጅ ሰላምታ ብቻ ነው የሚሰጠው። የአባትነት ፍቅር የለውም! በጣም አሳፋሪ ሰው ነው! አባቴ ሜዲያው እንደሚያሳየው ሳይሆን፤ በእውነተኛው ኑሮ ጥሩ ሰው አይደለም።

በዱባይ ልክ እንደ ሌላው የመካከለኛው ምስራቅ አገር ሜዲያው ነጻ አይደለም

ሌላ ምን እንደምል አላውቅምምናልባት ከሞትኩ ያው ይህን ቪዲዮ አቅርቤዋለሁ።

ይህን ቪዲዮ እንዳወጣ መገደዴ አሳዛኝ ነው፤ ግን ሌላ አማራጭ አልነበረኝም። ሌላ ምን እንደምል አላውቅም

በወደፊቱ ተስፋ አደርጋለሁ፤ ሁሉም ቀላል እንዳልሆነ ይገባኛል፤ የመምረጥ ነፃነቴ ግን መጠበቅ አለበት።

ለህይወቴ አዲስ ምዕራፍ የሚከፈትበት ወቅት ነው ጸጥ በይ! የምባልበት ዘመን አልፏል። ስለ ኑሮዬ ስለ ሻምዛ እህቴ ኑሮ ደፍሬ እናገራለሁ።

በዚህ ተስፋ አደርጋለሁ፤ ጠዋት ላይ ስነቃ እንደ ሌላው የመረጥኩትን የማድረግ መብት እንዳለኝ ሆኖ ይሰማኛል።

ነፃነት በሌለበት አገር ለሰው ልጅ መብት መከበር ሲባል ብዙ ሥራ መሥራት ይቻላል፤

ለሻምዛ እህቴ የተሻለ ኑሮ እመኝላታለሁ።

አሁን ለህይወቴ አዲስ ምዕራፍ የሚጀምርበት ወቅት ነው። በዱባይ የመኖር ምንም ምክኒያት የለኝም። በእርግጥ እዚያ የምወዳቸው ሰዎች ቢኖሩም ለመሄድ አልሻም፤ እነርሱ ከፈቀዱ እዚህ መጥተው ሊያዩኝ ይችላሉ።

ከዚህ በኋላ የት፣ እንዴት እንደምኖር አላውቅም፤ በሌላ በኩል አሁን አማራጭ ስላለኝ ጥሩ ነገር ነው።

ያልተናገርኩት ነገር ይኖር ይሆን?

ስለግድያዎቹ ልናገር? ረጅም ስለሚሆን ልተወው!

አባቴ ለብዙ ሰዎች ሞት ተጠያቂ ነው! ትልቅ ወንጀለኛ ነው!

በዱባይ ፍትህ የለም፤ በተለይ ለሴቶች! የሴቶች ህይወት ዋጋ የለውም!

አባቴ ማስረጃዎችን ለመደበቅ ቤቶችን ያቃጠለ እብድ ነው! ለሠራቸው ወንጀሎች ሁሉ ተጠያቂ የሚሆንበት ጊዜ ነው፤ ፈጠነም ዘገየም ለፍርድ ይቀርባታል! የፈለገውን ቢያደርግ እኔ አልፈራውም! ወሽካታ ሰው ነው!

ለሠራቸው ወንጀሎች ሁሉ ተጠያቂ የሚሆንበት ጊዜ ይመጣል፤ ፈጠነም ዘገየም ለፍርድ ይቀርባታል!

ለአሁኑ ሌላ የምለው ነገር የለም፤ ይህን ቪዲዮም መሥራት ባላስፈለገኝ ነበር

የመጨረሻ ቃላትየእኔ ጉዳይ ለሚያሳስባቸው ጓደኞቼና አንዳንድ ቤተሰቦቼ ሁሉ ምስጋናየን ላቀርብ እወዳለሁ።

______

Posted in Conspiracies, Ethiopia, Life | Tagged: , , , , , , , , , , , , , , , , | 1 Comment »

 
%d bloggers like this: