Addis Ethiopia Weblog

Ethiopia's World / የኢትዮጵያ ዓለም

የዘመናችን ፈርዖኖች ኢትዮጵያን፣ ተዋሕዶነትን፣ ሃገረ ርስተ ድንግልን፣ ሰንደቅ ዓላማዋን በዋናነት ዒላማቸው አድርገዋል

Posted by addisethiopia / አዲስ ኢትዮጵያ on December 26, 2019

[መጽሐፈ መክብብ ፲፥፭]

ከፀሐይ በታች ያየሁት ክፉ ነገር አለ፥ እርሱም ከገዢ የሚወጣ ስሕተት ነው

ታዲያ የዛሬዎቹ ገዥዎች ፋሺስት ጣሊያን ከሠራው የከፋ ወንጀል በመፈጸም ላይ ናቸው። ወገኔ፡ የዛሪዎቹ ገዢዎች፦

  • + አገርህን አላፈረሱም?!
  • + በዘር አላፋጁም?!
  • + ሰንደቅህን አላጠፉም?!
  • + እምነትህን ተዋሕዶ ቤተክርስቲያንህን አላቃጠሉም?!
  • + የክርስቶስ ልጆችን የድንግል ልጆችን አልገደሉም?! አላረዱም?! አላቃጠሉም?!

እነዚህ ገዢዎች እስኪ ከፋሺስት ጣልያን በምን ይለያሉ?! ካልከፉ በስተቀር!

ዛሬ ወገን ንስሐ ከመግባት ይልቅ የዘመኑን ዳታኖች ገዢዎች፣ አጭበርባሪዎች፣ ትዕቢተኞች፣ ዘረኞች፣ ጨፍጫፊዎች የሚነዙልህን ውሸትና ዲስኩር እያደመጥክ፣ ሆድህን በወሬ እየሞላህ በሙሉ ልትጠረግ ደርሰሃል፤ እየሞትክም የእነርሱን የተቀመመ ፕሮፓጋንዳ አሁንም ታዳምጣለህ፤ ሁለት እግር አለኝ ብለህ ሁለት ዛፍ ላይ ለመውጣት ትታገላለህ፤ ወዲህ አንዳንዴም የእግዚአብሔርን ቃል ልትሰማ ትፈልጋለህ ፥ ወዲያ ደግሞ ሕይወትህንም ኑሮህንም እነርሱ ናቸው ብለህ አምነህ የዘመኑን ፈርዖኖች፣ የዘመኑን ዳታኖች፣ የዘመኑን ሆድአደሮች፣ የዘመኑን ጨካኞች ዘረኞች ታምነህ ትሠማራለሁ፣ ትውጣለህ ትወርዳለህ።

ሕዝቡ በፈቃዱ ታሳሪ ሆኗል ፥ ከፈጣሪው የተጋጨ፣ የረከሰ፣ በምንዝርና፣ በሰዶምነት፣ በጠጭነት የተበከለ፣ ሰውነቱ ሁሉ የተልፈሰፈሰ ትውልድ ፈጥረው እንዳሻቸው እየፈጩት፣ እየነዱት ይገኛል፤ ልብ ላለው ሰው ይህ የሚያየው የየዕለቱ ተግባር ነው። የዛሬው ትውልድ የሆንከው ወገኔ ለምን የገዢዎች ፕሮፓጋንዳ ቀለብተኛ ትሆናለህ?! ለምንስ እራስህን ለሞት አሳልፈህ ትሰጣለህ?! በምድርም ውዳቂ፣ በሰማይም የሲዖል እራት፤ የገሃነም ወራሽ ለምን ትሆናለህ?! ለምን የፈጣሪህን ቃል ሰምተህ ተፀፅተህ ከጠፋህበት ተመልሰህ ወደ ፈጣሪ ጉያ አትሰበሰብም?!

የዘመናችን ደግሞ አባቶች፣ መምህራን ነን የሚሉ ሁሉ ሕዝቡን በወኔ አያስታጥቁትም፣ በእግዚአብሔር ቃል አያስታጥቁትም፣ ስለ ሃገር፣ ስለ ወገን፣ ስለ እምነት፣ ስለ ባንዲራ፣ ስለ እርስተ ድንግል፣ ስለ እውነት መዋጋት ወንጀል አድርገው ይሰብካሉ ያስተምራሉ፤ ያ ደግሞ ለጠላት ከፍተኛ መሣሪያ ሆኖ አገልግሏል፤ ይህ ግን ስህተት ነው። ወገኔ፤ እንግዲያውስ ሃጢዓቱ ያለመዋጋቱ፣ ሃገር ሲጠፋ፣ ሃይማኖት ሲፈርስ፣ ሃገር ሲቆራረስ ሰንደቅ ሲረክስ ሲናቅ ዝም ብሎ ማየት ነው፤ የሚያስጠይቅ፡ አባቶቻችን የሄዱበት እውነት ላይ አለመሄድ ነው። ይህ ደግሞ ትልቁ ጥፋታችን ነው።

________________________

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: