Addis Ethiopia Weblog

Ethiopia's World / የኢትዮጵያ ዓለም

ኡ!ኡ! የሚያሰኝ ጭካኔ በኡጋንዳ እና ዛምብያ | ጴንጤ ፓስተሮች አፍሪቃውያንን በመመረዝ ላይ ናቸው

Posted by addisethiopia / አዲስ ኢትዮጵያ on May 24, 2019

በኡጋንዳ፤ አንድ የአሜሪካ ፓስተር በፋብሪካ ከሚገኝ ማቅለጫ ዱቄት ተአምረኛ ፈውስነው፤ “ከወባና ኤች አይ ቪ ያድናል” እያለ በመስጠት ሃምሳ ሺህ ኡጋንዳውያንን መርዟቸዋል፤ ጨቅላ ሕፃናትን ሳይቀር።

52 ዓመት እድሜ ያለው አሜሪካዊው ሮበርት ቦልድዊን “ሉላዊ ፈዋሽ ሚንስትሪ” በተባለው ቸርቹ አማካኝነት በጨርቃጨርቅ ፋብሪካዎች ልብሶችን ለማገርጣት የሚጠቀሙትን ኬሚካል „ፈዋሽ ጠበል“ ነው እያለ ዳንኪራ በሚደረግበት ቸርቹ ውስጥ ኡጋንዳውያንን ለመመረዝ በቅቷል።

ብዚህ ዲያብሎሳዊ ዕቅዱ ላይ ለተሳተፉ ደሀ ኡጋንዳውያን ስማርት ስልኮችን እየሸለመ በመደለል የቀመመውን መርዝ በፈቃዳቸው እንዲወስዱ አታሎአቸዋል።

በሌላ በኩል፤ በተመሳሳይ ሁኔታ በዛምብያም አንድ አፍሪቃዊ ፓስተር ተመሳሳይ መርዝ “ጋኔን ያወጣል” እያለ ለዛምብያውያን በመስጠት ሃያ ሰባት ሰዎችን ገድሏል፤ ብዙዎችንም ክፉኛ አሳምሟል።

እነዚህ እርኩሶች የአፍሪቃውያንን ሕዝብ ቁጥር በተለያዩ መንገዶች (ክትባት በመውጋት፣ በመመረዝ፣ በሳተላይት ጨረር በመቀቀል፣ በማኮላሸት፣ ሕፃናትን በማስወረድ፣ በማስራብ፣ ግጭቶችንና ጦርነቶችን በመፍጠር ወዘተ.) ከመቀነስ ወደ ኋላ አይሉም። ከፍተኛ ፀረአፍሪቃውያን ወይንም ፀረጥቁር ሕዝብ ሤራ በምዕራቡ ዓለም በመጧጧፍ ላይ ነው። “አፍሪቃውያኖች የሚበሉት የላቸው ዝም ብለው ይፈለፍላሉ” በሚል ከንቱ ቅስቀሳ ሕዝቦቻቸውን ፀረአፍሪቃ የሆነ አቋም እንዲይዙ አድርገዋል። በአሁን ጊዜ ሰማንያ በመቶ የሚሆኑት ነዋሪዎቻቸው “ጥቁር ሕዝብ” ከፕላኔቷ ዕልም ብሎ ቢጠፋ አንዲት እንባ እንኳን አያነቡም፤ እንዲያውም “ለፕላኔታችን የተሻለ ነው” ነው የሚሉት።

ዕቅዳቸውም ወይም ዓላማቸው ከእንስሳቱ በቀር አፍሪቃውያንን ሙልጭ አድርጎ በማጥፋት እነርሱ ወደ አፍሪቃ መጥተው መስፈር ነው። ከኑክሌር ጨረር ወይም የተፈጥሮ ለውጥ ከሚያስከትሏቸው ክስተቶች (ቅዝቃዜ፣ የውቂያኖስ ጎርፍ፣ ሙቀት…) ጋር በተያያዘ፡ አውሮፓ፣ አሜሪካ፣ አውስትራሊያ እና እስያ ሰውአልባ የመሆን እድል አላቸው። ብቸኛ ተስፋቸው በተፈጥሮ ኃብት የታደለችው አፍሪቃ ናት። ተማሪዎቻቸው በየትምህርት ቤቱ ስለዚህ ክስተት እየተማሩና እራሳቸውንም እያዘጋጁ ነው።

እንደምናየው ይህን አስመልክቱ አፍሪቃውያኑ እውቀቱ እንዲኖራቸው አይፈቅዱላቸውም፤ በተቃራኒው ይኮንኗቸዋል፣ እራሳቸውን እንዲጠሉ ይገፋፏቸዋል፣ ዛሬ ቢነቁ እንኳን ነገ መልሰው ያስተኟቸዋል፣ የተፈጥሮ ኃብቱን እንዳይነኩ/ እንዳይጨርሱባቸው እርበርስ እንዲባሉ፣ እንዲሰደዱና ጠፍተው እንዲቀሩ ይተናኮሏቸዋል።

የዛሬይቱን ኢትዮጵያን እንደ ምሳሌ ብንወስድ፤ “ረጅም እድሜ የሚያስገኘው የመጠጥ ውሃ የሚገኘው በኢትዮጵያ ነው” በማለት ጥንታውያን ግሪኮች ይናገሩ ነበር። የስነ ሕይወት / የብዝሕ ሕይወት ሊቅ እና ዓለማቀፋዊ አሳሽ የነበረው እውቁ የሩሲያ ተወላጅ ቨላድሚር ኒኮላይ ቫቪሎቭ፤ “ኢትዮጵያና አፍጋኒስታን የሰው ልጅ ስልጣኔ ምንጮች ናቸው” ሲል ከመቶ ዓመታት በፊት ጠቁሞ ነበር።

እስኪ አሁን እራሳችንን እንጠይቅ፤ ለምንድን ነው ብርቅና ልዩ የተፈጥሮ ኃብትና ሥልጣኔ ባላት ኢትዮጵያ ይህን ያህል የውዳቂዎች መጫዎቻ የሆነችው? ለምንድን ነው እጅግ በጣም ከፍተኛ የሆነ የውሃ ሃብት ባላት አገራችን፤ ሕዝቦቿ ውሃ ላይ ተኝተው ሁሌ የሚጠሙት?

ከዚህ ጋር በተያያዝ፡ እነ ፓስተር/ሽክ አብዮት አህመድ በአገራችን ምን ዓይነት ዲያብሎሳዊ ሥራ እየሠሩ እንደሆነ በቀጣዩ ቪዲዮ

__________________

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: