Addis Ethiopia Weblog

Ethiopia's World

አባቶች ሠዐልያን ዛሬ ኖረው የእኛን ዘመን ሰው በሥዕል አሳዩ ቢባሉ ያለ ዐይን ይስሉን ይሆን?

Posted by addisethiopia on May 7, 2017

የእንግሊዙ Express ጋዜጣ በትናንትናው ድኽረገጹ ላይ፤ ከዚህ ቀደም ቀርቦ የነበረውን “ኢየሱስ ክርስቶስ የፈረንጅ ገጽታ የለውም” የሚል መረጃ በማረጋገጥ በድጋሚ አቅርቦልናል። የ ፎረንሲክ ባለሙያዎች እንደደረሱበት የኢየሱስ ክርስቶስ እውነተኛ መልክ አሁን በየአገሩ እንደምናየው ረጅም ጸጉር ያለው የኮውኬዢያ (ነጭ ዘር) ሰው ዓይነት ያለው መልክ አይደለም። ኢየሱስ ክርስቶስ ነጭ ቆዳና ሰማያዊ ዓይኖች ሳይሆን፡ ልክ እንደ ብዙው ኢትዮጵያዊ ቡናማ የቆዳ እና ጥቁርቡናማ የዓይን ቀለማት የነበረው መሢሕ ነበር።

ይህ ሥዕል ኢየሱስ ክርስቶስን በቅርበት የሚመስል ነው፡ ይሉናል የሳይንሱ ሊቃውንት።

ለእኔም ከዚህ ጋር የሚቀራረብ የጌታችን ሥዕል እንዳል ተገልጾልኝ ነበር፤ በሌላ አጋጣሚ አቀርበዋለሁ።

ከዚህ በፊት ደጋግሜ የምናገረው ነገርና አሁንም እጅግ በጣም በማዘን እንድጠይቅ የሚያስገድደኝ ነገር፡ ለምንድን ነው አንዳንድ የአሁኑ ትውልድ ኢትዮጵያውያን ሠዐልያን፡ ጌታችንን፣ እመቤታችንን፣ መላዕክቱን ሳይቀር ፈረንጅ በማስመሰል የሚስሏቸው? ፈጣሪንና አባቶቻችንን ማስቀየም አይሆንምን? በግድ የለሽነት? ወይስ በክኽደት? ቤተክህነት፣ ማሕበረ ቅዱሳንና የሚመለከታቸው ድርጅቶች፡ በተለይ ውጭ ያለን ሁሉ ይህን፡ በእኔ አመለካከት፡ ለማረም ቀላል የሆነ ከባድ ወንጀል እንዴት ማስተካከል አቃተን? ዓለማዊው ወገናችን ለራሱ በፈጠረው ሰፊ መድረክ ኢትዮጵያውያንን ፈረንጅ እና እንግሊዝኛ ተናጋሪ ለማድረግ ተግቶ በመሥራት ላይ ነው፤ መንፈሳዊ የሆነ ግን፡ ለምንድን ነው አማራጭ በናፈቃት ዓለማችን ለሰው ልጅ ሁሉ የሚጠቅም ብርቀኛ ማንነታችንን እየተው ሊያጠፉን የሚታገሉትን ጸረክርስቶሳውያን ፈረንጆች ለመኮረጅ የሚሻው? በጣም ያሳዝናል፤ ያቆስላል! ይህን ጉዳይ ቶሎ ካላስተካክልን አባቶቻችን በጣም ይዝኑብናል፤ መጪውም ትውልድ ክፉኛ ይረግመናል።

የሚከተለው ጽሑፍ፡ „እመጓ” ከሚለው የ ዓለማየሁ ዋሴ እሸቴ ድንቅ መጽሐፍ የተወሰደ ነው። ከከበረ ስላምታ እና ምስጋና ጋር።

.ጉብኝታችንን የጀመርነው ከጥንታዊቷ የናዳ ማርያም ቤተክርስቲያን ሕንፃ ነው….

የጥንቱ ሊቃውንት ሥዕሎች ቤተ መቅደስን ከማስዋብ በዘለለ ትልቅ ማስተማሪያና የታሪክ መዛግብት ሆነው እንዲያገለግሉ በማሰብ ሲሳሉ ወጥ የሆነ የቦታ አቀማመጥና የአሳሳል ሥርዓት ተሠርቶላቸዋል። ሁል ጊዜ፡

  • በስተምሥራቅ በኩል ባለው የቤተ መቅደሱ ግድግዳ ላይ የሚሳሉት ሥዕሎች ጌታ ኢየሱስ ክርስቶስ ያደረጋቸውን ተዓምራት የሚያሳዩ ሲሆኑ፤
  • በስተምዕራብ በኩል ደግሞ ጌታችን ኢየሱስ ክርስቶስ ሰው ሆኖ በምድር ላይ ተገልጦ በተመላለሰበት ዘመን የፈጸማቸውን መጽሐፋውያንም ትውፊታውያንም ታሪኮች፡ ለምሳሌ ከብሥራት እስከ ዕርገት ያለውን፤
  • በስተደቡብ ደግሞ የድንግል ማርያምን ስደትን

የሚያመለክቱ ይሳላሉ።

ሁሉም ሥዕሎች ክብ ፊት፣ ትልልቅ ዓይኖችና ጥቁር ፀጉር አላቸው። በአንድ ወቅት የድኅረ ምረቃ ጥናቴ አማካሪ ፕሮፌሰር ከነበረ ሆላንዳዊ ወዳጄ ጋር ጣና ሃይቅና ዘጌ የሚገኙ ገዳማትን ስንጎበኝ ሥዕሎቹን በአድናቆት ሲመለከት ከቆየ በኋላ የተናገረኝም ትዝ አለኝ፦

ከሥዕሎቹ ጥንታዊነትና ውበት በላይ የአስገረመኝ ሁሉም ሥዕሎች ራሳችሁን ኢትዮጵያውያንን እንዲመስሉ ተደርገው መሳላቸው ነው። ይህም በራሳችሁ የምትተማመኑ ሕዝቦች መሆናችሁን ያስረዳል” ነበር ያለኝ።

እኔም በውስጠ ወይራ ንግግር “አዎን ነበርን” ብዬ ነበር የመለስኩለት።

አስጎብኚዬ አባ፦ “ይህን ሥዕል ተመልከተው ግማሽ ፊቱ ከአንድ ዐይኑ ጋር ብቻ ነው የተሳለው። እንደዚህ ሲሆን ባለታሪኮቹ ኃጥኣን፥ ከሃድያን፡ አረማዊያን ናቸው ማለት ነው። ምክኒያቱም በሰማዕታቱና በቅዱሳኑ ያን ሁሉ መከራ ያደረሱባቸው በተፈጥሮ የተሰጣቸውን በነጻነትና በሙሉነት የማሰቢያ ጭንቅላት ስላልተጠቀሙበትና አስተሳሰባቸውም ሆነ ድርጊታቸው ሰብአዊነትን ለቅቆ ከእንስሳም ከፍቶ አውሬነት የታየበት ስለሆነ በሙሉ ሰውነት አይሳሉም። ከዚህ በተቃራኒው የጌታ፣ የእመቤታችን፣ የቅዱሳንና የሰማዕታት ግን ሙሉ ፊታቸው ከሁለት ዐይኖቻቸው ጋር ራሳቸው አካባቢ የብርሃን ክበብ ኑሮበት ይሳላሉ” አሉ። “ምክኒያቱም ደግነታቸውና በጎነታቸው፣ አዛኝነታቸውና ርኅራኄያቸውም ለገዳዮቻቸውም ጭምር ስለሆነና በሚገደሉበት ሰዓት እንኳ በገዳዮቻቸው ላይ ቂምም ሆነ በቀል ስለሌላቸው አምላካቸውንም ስለሚመስሉት ሙሉነታቸውን፡ አድሎም የሌለባቸው መሆኑን፤ ቅድስናቸውንና ክብራቸውን ስለመግለጥ ባለሙሉ ገጽ ባለ ክብ ዐይን (ሁሉንም እኩል የሚያይ ማለት ነው) ሆነው ክብራቸውና ጸጋቸውም በራሳቸው ላይ ባለው የብርሃን ክበብ ተወክሎ ይሳላሉ” ሲሉ፡ እኔ በመገረም፦

እነዚህ ሠዐልያን ኖረው የእኛን ዘመን ሰው በሥዕል አሳዩ ቢባሉ ያለ ዐይን ይስሉን ይሆን?„ የሚል የኅሊና ጥያቄ መጣብኝ

__

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: