Addis Ethiopia Weblog

Ethiopia's World / የኢትዮጵያ ዓለም

  • February 2013
    M T W T F S S
     123
    45678910
    11121314151617
    18192021222324
    25262728  
  • Archives

  • Categories

  • Recent Posts

Archive for February 23rd, 2013

ኪዳነ ምሕረት

Posted by addisethiopia / አዲስ ኢትዮጵያ on February 23, 2013

በንቡረ እድ ኤርምያስ ከበደ ወልደ ኢየሱስ

KidaneMeheretMariamእግዚአብሔር ወልድ፡ ኢየሱስ ክርስቶስተብሎ ከቅድስት ድንግል ማርያም በመወለዱ የተገኘው ዘለዓለማዊ የምሕረት ቃል ኪዳን ኪዳነ ምሕረትይባላል። የዓመቱም በዓል በዛሬው የካቲት ፲፮ ቀን ይውላል።

የመጀመሪያዎቹ አዳምና ሔዋን የፈጣሪያቸውን ፈቃድ መተላለፋቸው በየራሳቸውና በልጆቻቸው ላይ የዲያብሎስን ገዢነት የኃጢኣጥትን ቀንበርና የሞትን ፍዳ አመጣባቸው። በየዘመናቱ ለደጋጎች ልጆቻቸው የተሰጡት አምላካውያት ቃል ኪዳናትና የ፭ሺ፭፻ ዓመታት ንስሓቸው ግን እግዚአብሔር ወልድን ከሰማየ ሰማያት ልዕልናው ወደምድር አውርዶ ሰው ለመኾን አበቃው፡ መለኮታዊውም ፈቃድ በመጨረሻዎቹ ኣዳምና ሔዋን፡ በኢየሱስ ክርስቶስና በድንግል ማርያም ስለተፈጸመ፡ ይህ ፍቅርና ርኅራኄ የሰው ልጆች የእግዚአብሔር ልጆች የሚኾኑበትን የመጨረሻውን ክብር አቀዳጃቸው፤ የኃጢኣት ሥርየትንና የትንሣኤ ሕይወትን አስገኘላቸው። ይህ፡ የልጅነት ጸጋ ይህ የሥርየት ነጻነት ይህ የትንሣኤ ክብር ለዘለዓለም ጸንቶ ይኖር ዘንድ በመለኮታዊ የምሕረት ቃል ኪዳን ለአንዴና ለመቼውም ጊዜ ታተመ!

ማኅተሙም፡ እግዚአብሔር ወልድ ከድንግል ማርያም፡ ከሥጋዋ ሥጋን፡ ከነፍሷም ነፍስን ነሥቶ የተዋሓደውና በመስቀል ላይ የሠዋው ዛሬም እኛ እውነተኞች ኢትዮጵያውያን በንስሓ ነጽተን ከቅዳሴ ጸሎት በኋላ የምንቀበለው ቅዱስ ሥጋውና ክቡር ደሙ ነው። በእርሱ በልጇ

በኪዳነ ምሕረት ክብረ በዓል መናፍቁ ተጋለጥ

በኪዳነ ምሕረት ቃል ኪዳን የተያዘውን መናፍቅ ስናይ የቅድስት ኦርቶዶክስ ተዋሕዶ ቤተ ክርስቲያን ተከታይ የሆነ ሰው ሁሉ በዘመናችን በተለቀቀው አደገኛ ተኩላ እንዳይበላ ጥንቃቄ ማድረግ እንደሚገባው እንገነዘባለን።

የመምጣትህና የዓለሙ መጨረሻ መቼ ይሆናል? በማለት ሐዋርያት ክርስቶስን በጠየቁት ጊዜ ክርስቶስ የመለሰላቸው መልስ፦ ማንም እንዳያስታችሁ ተጠንቀቁ ብዙዎችንም ያስታሉየሚል ነበር ማቴ. 24 . 38 ይህ አምላካዊ ቃል ይፈፀም ዘንድ አስመሳዩ ተኩላ በጎቻችንን ሊነጥቅ ሲያደባ ነሐሴ 15 16 አጥቢያ ከሌሊቱ 5 ሰዓት ላይ በሐመረ ኖህ ኪዳነ ምሕረት ገዳም ቅጥር ግቢ ውስጥ ተይዟል።

ይኽ ተኩላ በአዲስ አበባ ውስጥ ያደገ ሲሆን ከሰባዊነት ወደ ተኩላነት ከተለወጠበት ጊዜ ጀምሮ በአዲስ አበባና አካባቢዋ በደብረ ዘይት፣ በናዝሬት፣ በቁልቢና፣ በደብረ ሊባኖስ በመሳሰሉት እየተገኘ ዓላማውን ለማሳካት ሲሯሯጥ መቆየቱን በተያዘበት ዕለት ለቀረበለት ጥያቄ መልስ ሰጥቷል።

ይኽ ተኩላ ርካሽ ዓላማውን ለማሳካት አመች ነው ተብሎ እሱን ከመሳሰሉት እበላ ባዮች የተሰጠው መመሪያ ምንና ምን እንደሆነ ሳይረዳ የሚሰብከው ልብስ የቤተ ክርስቲያናችንን የካህናት ልብስ በቀሚሱ ላይ ካባ በመደረብ በአንገቱ ላይ መስቀል ማንጠልጠል በተጨማሪ ዳዊትና የመሳሰሉት መጻሕፍትን ከነማሕደራቸው በግራና በቀኝ ጎኑ ማንጠልጠል ሆኖ ቁጥጥሩ በላላበት ቦታ ዓላማውን ማራመድ እንደነበር በወቅቱ ሳይሸሽግ ተናግሮአል።

ወዲያውኑ ይኽ አስመሳይ ተኩላ በተለያዩ የሕዝብ ብዛት በሚታይበት በሸንኮራው ጠበል ተገኝቶ ዓላማውን ሲያመቻች እንደነበረ የተደረሰበት መሆኑ ተገልጿል።

__

Posted in Ethiopia, Faith | Tagged: , , | 2 Comments »

 
%d bloggers like this: