Addis Ethiopia Weblog

Ethiopia's World / የኢትዮጵያ ዓለም

  • November 2011
    M T W T F S S
     123456
    78910111213
    14151617181920
    21222324252627
    282930  
  • Archives

  • Categories

  • Recent Posts

አንጎልና ጦርነት – No pain, No Brain

Posted by addisethiopia / አዲስ ኢትዮጵያ on November 6, 2011

አንጎልህን መመልከት አትችልም

በሩስያ አብዮት አንድምታ መሠረት መምህሩ እምነትንና የእግዚአብሔርን ሕልውና ስለ መካድ ለአንደኛ ደረጃ ትምህርት ቤት ተማሪዎች እንዲህ እያለ ያስተምር ነበር፦

እነዚህ ምንድር ናቸው?”

የዐይን መነፅሮች ናቸው!”

የዐይን መነፅሮቹን ታዩአቸዋላችሁ?”

አዎ፥ እናያቸዋለን!”

በእርግጥም የዐይን መነፅሮቹን ታዩአቸዋላችሁ። በመሆኑም መነፅሮቹ አሉ ማለት ነው። ይሁን እንጂ እግዚአብሔርን ታዩታላችሁ?”

አናየውም!”

እዚህ ላይ ሲደርሱ አንድ ልጅ ተነሣና “የአንተን አንጎል ማየት አንችልም። ስለሆነም አንተ አንጎል የለህም ማለት ነው።” አለ።

ምስጋና እና እግዚአብሔርን መካድ።

እግዚአብሔርን የከዳ ሰው ምስጋና ማቅረብ አይችልም። የዚህ ምክንያቱ እርሱ በበረከት ሲጥለቀለቅና ለዚህ ምስጋናውን ለማቅረብ ሲፈልግ ማንን ማመስገን እንዳለበት ስለማያውቅ ነው።

በእግዚአብሔር የማያምንን ሰው ለመግለጽ የሚመረጠው መንገድ ለእርሱ የሚጣፍጥ ምግብ ካቀረቡለት በኋላ “ይህን ምግብ ያዘጋጀች ምግብ አብሳይ እንዳለች ታምናለህ?” ብሎ በመጠየቅ ነው።

ከዚህ ምግብ በስተጀርባ ምግብ አብሳይ መኖሯ እርግጥ ከሆነ ይህ ዓለም በውስጡ ከሚገኙት ድንቅ ሕግጋቶቹ ጋር ሊቆይ የቻለው በአጋጣሚ ነው ማለት ነው።

ጦርነት እንዴት ይጀምራሉ?

አንድ ልጅ አባቱን “ጦርነቶች እንዴት እንደሚጀምሩ ንገረኝ።” ብሎ ጠየቀው።

አባቱም እንዲህ ብሎ መለሰለት፦ “እንደ ምሳሌ አድርጌ የምነግርህ የአንደኛውን የዓለም ጦርነት ነው። ይህ ጦርነት የተጀመረው ጀርመን ቤልጂየምን በወጋች ጊዜ ነበር።”

በዚህ ጊዜ የልጁ እናት በቁጣ ቃል የባሏን መልስ አቋረጠችና እንዲህ አለች፦ “ለልጅህ እውነተኛውን ነገር ነገረው።” ጦርነቱ የተጀመረው ጥቂት ሰዎች እርስ በእርሳቸው በተገዳደሉ ጊዜ ነው።”

አባት የልጁ እናት እንዲህ ባለ ሁኔታ በመካከል ጣልቃ ገብታ ስላቋረጠችው ተበሳጨና ወደ እርሷ እየተመለከተ በተግሣጽ ቃል “የጠየቀው እኔን እንጂ አንቺን ስላልሆነ ለምንድር ነው የምታቋርጭኝ?” አላት።

በዚህ ጊዜ እናትየዋ በጣም ስለ ተናደደች የቤቱን መዝጊያ በሃይል ወርውራ ስትወጣ በግድግዳው ላይ የታሰረው መደርደሪያ ተናጋ። በዚህ ጊዜ በላዩ ላይ ከተደረደሩት ውድ ዕቃዎች መካከል ጥቂቶቹ ወለሉ ላይ ወድቀው ተሰባበሩ።

በዚህ ጊዜ ጥቂት ነግሦ የቆየው ፀጥታ በልጁ ንግግር ተቋረጥ፦ “አሁን አባዬና እማዬ ጦርነት እንዴት እንደሚጀምር ስላሳዩኝ ለጠየቅሁት ጥያቄ መልስ አልሻም።

_________________________________

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: