Addis Ethiopia Weblog

Ethiopia's World

  • Sweet Orange

  • October 2011
    M T W T F S S
    « Aug   Nov »
     12
    3456789
    10111213141516
    17181920212223
    24252627282930
    31  
  • Archives

  • Categories

  • Recent Posts

ይሉኝታ፡ የዜና ማሰራጫዎች በሽታ

Posted by addisethiopia on October 10, 2011

የወቅቱን የዓለማችንን ሁኔታ በቅርብ ለሚታዘብና አገራቱንም በደንብ ተዘዋውሮ ለመመልከት አጋጣሚው ያለው ሁሉ የመጀመሪያዋና የመጨረሻዋ የክርስትና ምድር ምናልባት ኢትዮጵያ አገራችን ብቻ ልትሆን እንደምትችል ለመመስከር ይችላል።

ምንም እንኳን ትውልዳችን ሞኛሞኝ፥ ደካማና ለጠላት በቀላሉ ተጋልጦ የሚኖር ትውልድ ሆኖ ቢታየንም፡ ጽኑ በሆነ የክርስቲያናዊ ሕይወት ጎዳና ተግቶ የሚጓዘው ኢትዮጵያዊ ቁጥር ከምንገምተው በላይ በጣም ከፍ ያለ ነው። በአሁኑ ጊዜ በተለይ ኢትዮጵያውያን ወጣት ሴቶች፡ እናቶችና ልጆች ናቸው የክርስትናችንና የኢትዮጵያውነታችን ጽኑ መከታዎች ሆነው የሚገኙት። ጠላቶቻችን አንዳንድ መንፈሰደካማ የሆኑ ሴቶቻችንን እንደምሳሌ በመውሰድ የወገኖቻችንን ስም ለማጥፋት ይጥራሉ፡ እኛም በቀላሉ የምንሰማውና የምናየው ይህ ብቻ ስለሚሆን እህቶቻችን ሁሉ የተበላሹ እንደሆኑ አድርገን ለመውሰድ እንበቃለን። ይህ ግን እጅግ በጣም የተሳሳታና ከእውነትም የራቀ ነገር ነው። ሴቶቻችን ከምንግዜውም በበለጠ ጥልቅ መንፍሳዊ ጉዞ ላይ ይገኛሉ፥ ሴቶቻችን አስደናቂ በሆነና ትጋት በተሞላበት መልክ የዓብያተ ክርስቲያናቱን ግቢዎች ዕለት ተዕለት እየሞሉ ጸሎታቸውን ያደርሳሉ። ይህ ሁኔታ እስካሁን አለመታየቱና ተገቢውን ትኩረት አለማግኘቱ በጣም ሊያሳዝነን ይገባል።

ባጠቃላይ ግን፡ የኢትዮጵያ ወጣት በሚያገኘው አጋጣሚ ሁላ የክርስትና ሕይወቱን በሚገባ ለመኖር ከፍተኛ ጥረት በማድረግ ላይ ይገኛል። መንፈሳዊ ጦርነት ላይ እንገኛለንና፡ ክርስቲያኑ በየትምህርት ቤቱ፡ በየገባያው፡ በታክሲና በየአውቶቡሱ የቅዱሳንን ምስሎች በመለጠፍና መስቀልንም በማንጠልጠል ለጠላቶቹ ድምጽአልባ የሆነ ኃይለኛ መልእክት በማስተላለፍ ላይ ይገኛል። ከቀስት ፊት ያመልጡ ዘንድ፥ ለሚፈሩህ ምልክትን ሰጠሃቸው” (መዝ.59:4)

ታዲያ ይህ በእንዲህ እንዳለ፡ መንግሥታዊና መንግሥታዊ ያልሆኑ የብዙኃን ዜና ማሰራጫዎች ደግመው ደጋግመው የሕዝቡን ኃይለኛ የልብ ትርታ ለማዳመጥ አሻፈረኝ ይላሉ፥ ክርስቲያኖችንና ክርስትናን፡ ማለትም፡ ኢትዮጵያውያንን በቸልታ ማለፉን ይመርጣሉ። የሬዲዮና የቴሌቪዥን ጣቢያዎች፤ እንዲሁም ጋዜጦችና መጽሔቶች ሁሉ በክርስትና ላይ ለማመጽ በአንድነት ውል የገቡ ይመስላሉ፡ ከእሁድ እስከ እሁድ ያለማቋረጥ የሚያወሩት፡ የሚያሳዩትና የሚጽፉት ስለ ፖለቲካ፥ ስለ ገንዘብ፥ ስለ ዘፈንና ዳንኪራ ብሎም ስለ እንግሊዝ እግርኳስ ጨዋታ ብቻ ነው።

የክርስትና እምነታቸው በተሸረሸረባቸው የምዕራቡ ኢዱስትሪ አገሮች እንኳ ብሔራዊ የቴሌቪዥን ጣቢያዎች በየሰንበቱ የጸሎት ስነሥርዓት ከዓብያተ ክርስቲያናት በቀጥታ ያስተላልፋሉ። የክርስቲያኖች ደሴት በሆነችው ኢትዮጵያ ግን ቴሌቪዥኑ በቅዱስ ሰንበት ፈጣሪን በትንሹም ቢሆን በማስታወስ ፈንታ፡ እንደ ኢትዮጵያን አይደልወይም ፖሊስና እርምጃውየመሳሰሉት ፕሮግራሞች ደጋግሞ ማቅረቡን ይመርጣል። ጸረክርስትና፡ ጸረክርስቲያን እየሆኑ በመጡት የአሜሪካ እና አውሮፓ አገሮች የዜና ማሰራጫዎች እንደ ፋሲካእና ገናለመሳሰሉት በዓላት የሚሰጡት አትኩሮት አሁንም አልቀነሰም፤ ሪዲዮና ቴሌቪዥን ጣቢያዎች በዓላቱ ከመድረሳቸው ከሣምንታት በፊት ነው የገና ዜማዎችን የሚያሰሙት፥ ምርጥ የገና ዜማ ሰሌዳዎችንም ያወጣሉ፤ የሮማው ፓፓስ ሆኑ ነገሥታቱና የአገር መሪዎቹ ሁሉ ለሕዝቦቻቸው የሚያቀርቡትን መልዕክት በሬዲዮና ቴሌቪዥን በቀጥታ ያስተላልፋሉ። ቀንደኛ ኢአማንያን እንደሆኑ የሚታወቁት እንደ Bill Mahr የመሳሰሉት ታዋቂ አሜሪካውያን የቴሌቪዥን ሰዎች ሳይቀሩ አሁንስ በዛ! ከቤተሰብ ጋር አብረን የምናከብረውን የገና በዓላችንንማ አንነጠቅምበማለት እየመጣ ወዳለው አስከፊ ጊዜ ይጠቋቁማሉ።

ታዲያ በpolitical correctness (ይሉኝታ)በሽታ የተለከፈው   የምዕራቡ ዓለም እንኳ ማንነቱን ገና ሙሉ በሙሉ ለመካድ ሳይነሳሳ፡ ለምንድን ነው የኛዎቹ መሪዎች፡ ጋዜጠኞችና ጣቢያዎቻቸው አባቶቻቸው ለታገሉለትና ለሞቱለት የክርስትና ሕይወት ግድየለሽነትን የሚያሳዩት? በትዕግስተኛውና በዝምተኛው ሕዝብ ዘንድ ከፍተኛ ቅሬታን እያሳደረ የመጣውን ይህን ሁኔታ አይተው አስፈላጊውን የማሻሻያ እርምጃ ለመውሰድስ እስካሁን ለምን ተሳናቸው?

_____________________________________________________

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: