Addis Ethiopia Weblog

Ethiopia's World / የኢትዮጵያ ዓለም

  • June 2010
    M T W T F S S
     123456
    78910111213
    14151617181920
    21222324252627
    282930  
  • Archives

  • Categories

  • Recent Posts

Archive for June 22nd, 2010

ትክክለኛው ፍቅር

Posted by addisethiopia / አዲስ ኢትዮጵያ on June 22, 2010


መንፈሳዊ ፍቅር ነው!

ኢትዮጵያ አገራችን ለፈጣሪያችን አምልኮት የተዘጋጀች አገር ናት። እኛ ኢትዮጵያውያንም አምላካችንን በያለንበት ለማገልገል የተፈጠርን ልዩ ህዝብ ነን። ልዩ የሚያደርገን ከሌሎች ህዝቦች በልጠን ወይም አንሰን ስለምንገኝ ሳይሆን፡ አባቶቻችንና እናቶቻችችን በምድር ላይ ካሉት አብዛኞች ሕዝቦች ይልቅ እግዚአብሔርን በይበልጥ በመፍራትና በማክበር ለረጅም ጊዜ ትሁትና ታጋሽ ህዝብ ለመሆን በመብቃታቸው ነው።

ይህም ልዩ የሆነ ጸጋ በቀላሉ የተገኘ ሳይሆን ብዙ ፈተናዎችንና መሰናክሎችን፡ እንዲሁም ከፍተኛ መስዋዕትን በመጠየቀ የተገኘ ጸጋ ነው። ሰይጣን ጠላቶቹን ከማንበርከርክ ወደኋላ አይልምና እኛንና ሌሎችን ሕዝበ እግዚአብሔር የሆኑትን የዓለም ነዋሪዎች እንደምሳሌ በመውሰድ ወደ ትክክለኛው ጎዳና እንዳያመሩ ያታልላቸዋል፡ ያሳስታቸዋል። ምድርን ባጥለቀለቋት የእግዚአብሔር ጠላቶች አማካይነት በምስኪኑ ህዝባችን ላይ እንዲያላግጡበት፡ እያንቋሸሹና እየናቁ ሞራሉን እንዲሰብሩት ያነሳሳቸዋል።

ታዲያ አንዳንድ ኢትዮጵያውያንም እነዚህ የሚንቋቸውና የሚጠሏቸው የአፍ ወዳጆች የልብ ጠላቶች በሚነዙት ስብከትና ማወናበድ የተነሳ ማንነታቸውን በመሳት ለኢትዮጵያ ጠላቶች ምግብ ለመሆን እየበቁ የምናየው በዚህ ምክኒያት ነው። ማንነቱን የረሳ ደግሞ ሌላውን የማወቅ ብቃት አይኖረውም። እንዲያውም ማንነቱን አጠንቅቆ የማያውቅ እራሱን በቀላሉ አሳልፎ ለመስጠት ዝግጁ ነው የሚሆነው።

ኢትዮጵያውያን ባህላችንን፡ ሥርዓታችንን፡ ከአባቶቻችንና ከእናቶቻችን የተረከብነውን አምልኮተ እግዚአብሔርን ከመተው የተነሳ ኢትዮጵያዊ ማንነታችንን ቸል በማለት መንፈሳችንን ለሌላው እያስረከብን የዲያብሎስ ጥገኞች በመሆን ላይ እንገኛለን። ይህም ጥገኝነትና ባርነት በተለይ መንፈሳዊ ፍቅር በጎደላቸው ግኑኝነቶች ላይ ይንጸባረቃሉ። መንፈሳዊነት በተለይ ለእኛ ለኢትዮጵያውያን ቸሩ እግዚአብሔር የሰጠን ተወዳዳሪ የሌለው ታላቅ ጸጋ ነው። ይህን ጸጋ በሚገባ እየተንከባከብን ለመኖር ካልሞከርን ህይወታችን የተመሰቃቀለ፡ የተበላሸና ባዶ የሆነ ነው። በእኛ ዘንድ የሚታየው ክፋተኛነት፡ ምቀኝነት፡ ተጠራጣሪነት፡ ሃሰተኛነት፡ ንቀትና ጥላቻ፡ ብሎም እራስን መጥላት ከየት መጣ? ለዚህ ታላቃ መንፈሳዊ ጸጋ ተገቢውን አክብሮት ለመስጠት ባለመቻላችን አይደለምን!?

እኛ ኢትዮጵያውያን በተቀረው ዓለም የምንደንቅበት ውበታችን ከዚህ ከመንፈሳዊ ውበት ጋር የተያያዘ ነው። ግን ብዚ ጊዜ ይህን ውስጣዊ ውበታችንን ፈልፍለን ለማየት ስለምንሰንፍ፡ አጥንታችንን እንደ ኤክስሬይ ለማየት የሚችሉት አፈጮሌዎች እንደ ሙዝ እየላጡ በቀላሉ እንዲመገቡን እናደርጋለን። ለኛ ዶሮ እንጂ አሳ አልተሰጠንም፡ ታዲያ ያልተሰጠንን አሳ ስንጎረጎር ዘንዶውን ለማውጣት እንበቃለን።

ደግመን ደጋግመን በስሜት ለማውሳት የምንፈልገውና እንደ ዶሮ ወጥ ንፍቅ የሚያደርገን ፍቅርየመንፈሳዊነት ቅመም ካልተጨመረበት የማይጣፍጥ፡ የሚሰለችና ዘላቂነት የሌለው ነገር ይሆናል – ህይወትም ልክ እንደ በረሃ ባዶ ሆና ትቀራለች።

በመንፈስ ለመቀራረብ የበቁ አፍቃሪ ወገኖች ቀጥተኛውን መንገድ በመከተል፡ ግልጽ በመሆን፡ ሳይጠራጠሩና አንዱ ከሌላው ምንም ሳይጠብቅና በግኑኝነት ጨዋታዎች ሳይጠመድ አብሮ ለማደግ ሲል በሚያሳዩት ባሕርይ ይንጸባረቃል። ይህም ባሕርይ መንፈሳዊ ፍቅር ከዓለማዊ ፍቅር የሚለይበት ዋና ባሕርዩ ነው። አንዱ በሌላው ላይ አምላክን ለማየት ከሞከረ ንጹህና ከፍተኛ ወደሆነው የፍቅር ደረጃ ይደርሳል።

አለማዊ ፍቅር አንዱ ከሌላው ብዙ ዓለማዊ የሆኑ ነገሮችን እንዲጠብቅ ያደርገዋል። የሚከተለው ምስል ዓለማዊ ፍቅር ምን እንደሚመስል ያሳየናል። ይህም፡ ከሌላው እየጠበቅን የምናፈቅር ከሆነ ፍቅራችን ከሌላው ጋር በሚኖረን ተመሳሳይ ባሕርይ ላይ የተመረኮዘ ይሆናል። ነገር ግን ከሌላው ጋር በሁሉም ነገር ተመሳሳይነት ሊኖረን ወይም ሁሉም ሊያረካን እንደሚችል አስተማማኝ የሆነ ነገር የለም። ቆየት ብለን ልዩነት መኖሩን ማየት ስንጀምር ጠብ ያለሽ ዳቦ አለ ይሆናል።


መንፈሳዊ ፍቅር ግን በማይቀየር ነፍስ ላይ የተመሠረተ ስለሆነ አንዱ ከሌላው ምንም ሳይጠብቅ በዚህም ሆነ በወዲያኛው ዓለም በፍቅር አንድ ሆኖ ለመኖር ይበቃል። የሦስት ውርድና ስፋት ባለው መልክ በዓይናችን ለምናየው ነገር ሁሉ ብዙም ክብደት አንሰጠውም – የውጩ ዋና ነገር አይሆንም ማለት ነው። ተመሳሳይነቱ የነፍስ ተመሳሳይነት ስለሆነ በአንዱ ውስጥ የሚኖረው አምላክ በሌላዋ ውስጥ ከሚገኘው አምላክ ጋር አንድ ዓይነት አምላክ እንደሆነ ይህ ምስል ያሳየናል፡

____________________


Posted in Love | Tagged: , , | 3 Comments »

 
%d bloggers like this: