Addis Ethiopia Weblog

Ethiopia's World / የኢትዮጵያ ዓለም

  • December 2009
    M T W T F S S
     123456
    78910111213
    14151617181920
    21222324252627
    28293031  
  • Archives

  • Categories

  • Recent Posts

Archive for December 22nd, 2009

እነማን ናቸው? Who Are They?

Posted by addisethiopia / አዲስ ኢትዮጵያ on December 22, 2009

HummerAliens

የሚከተለውን ታሪክ ዓይነት ተመሳሳይ ነገር የሰማ ወይም ስለነገሩ የሚያውቅ ወገን ይኖራል ብዬ በመገመት፡የሚከተለውን በጣም አስገራሚና ሃቀኛ ታሪክ ሳንሱር ሳላደርገው በደስታ ላንባብያን ላካፍል እወዳለሁ።

ልጅ እያለሁ፡ አንድ በጣም የተከበሩ አዛውንት ዘመዴ (ነፍሳቸውን ይማርላቸው) በብራና ጫር ጫር አድርገው የሳሉትን አንድ ስዕል ሊያሳዩኝ ወደ አንድ ኮረብታ ይዘውኝ ወጡ።

በጊዜው እድሜአቸው ምናልባት ወደ 70 ዓመት ይጠጋ ይሆናል። ይህን ስዕል የሳልኩት ጣልያን ወደ ኢትዮጵያ ከመግባቷ በፊት ነውአሉኝ። ይህም ምናልባት በ1930ቹ ዓመታት መሆኑ ነው። ስዕሉ ላይ ተሽከርካሪ መኪና የሚመስል ነገር ይታያል። ምንድን ነው አባ?” በማለት ጠየቅኳቸው። ልጄ ይህን ነገር፡ እዚያ የምታየው የጥርጊያ መንገድ ላይ ያለማቋረጥ ሲሽከረከር በማየት ነበር የሳልኩትአሉኝ፡ መንገዱን ከኮረብታው ጫፍ ላይ ሆነው እያሳዩኝ። እነዚህን ሰፋፊ ተሽከርካሪዎች የሚያሽከረክሯቸው እዛ ኩባ ሰፈር በሚባለው ቦታ የሚገኙትን አንዳንድ በቁምጥና በሽታ የሚሰቃዩትን ወገኖቻችንን የሚመሳስሉ ሰዎችናቸው። እነዚህን ሰዎች ፊት ለፊት ስለሆነ ያየኋቸው፡ በጣም አጫጭር፡ ወፋፍራም ሆነው ነበር የታዩኝ። ተሽከርካሪው ውስጥ ሁለት ሁለት በመሆን ቁጭ ያሉት ሰዎችእንዴት ወደውጭ ማየት እንደሚችሉ በጣም ይገርመኝ ነበር፡ ምክኒያቱም በጣም ድንክየዎች ነበሩና።አሉኝ

እኔም፡ ለመሆኑ ስንት ተሽከርካሪዎች ነበሩ? አንዴ ብቻ ነው ወይ ያዩአቸው?” ብየ ስጠይቃቸው፡ የለም! ልጄ፡፡በተደጋጋሚ ነበር ያየኋቸው። ግር ብለው በብዛት እንደ ሰንሰለት ተከታትለው ይጓዙ ነበር። እርስ በርሳቸው ጮክ እያሉ የሚነጋገሩ ይመስላሉ፡ ለኔ ግን፡ አስደንጋጭ ከሆነው የተሽከርካሪዎቹ ድምጽ ሌላ የሚሰማ ነገር አልነበረም። እነዚህ ሰዎች፡ እዚያ ውስጥ ሆነው በጣም ይቁነጠነጡ ነበር።አሉኝ።

ታዲያ እርስዎ ምን ተሰማዎት? ምንስ አደረጉ?” በማለት ጥያቄየን እየተርበተበትኩ ቀጠልኩ። አይዞህ ልጄ፡ አንተ ጠንካራ ነህ፡ ለዚህ ነው ላንተ ላጫውትህ የወደድኩት፡ በወቅቱ እኔን ምን ተሰምቶኝ እንደነበር ለማውሳት በጣም አዳግቶኝ ነበር። ብቻ በዚያ መንገድ የሚያልፉበትን ወቅት እየጠብቅኩ ቆሜ ከማየት ሌላ ምንም ማድረግ አልቻልኩም፡ ለማንም አልተናገርኩም። ሁሉ ነገራቸው ግን አላስደሰተኝም ነበር፡ እነሱን የመሳሰሉ ሰዎች ልክ ኩባ ሠፈር እንዳሉት ለማየት ስበቃ ትዝ ይሉኛል፡ አሁንም ከፊቴ ድቅን ብለው ይታዩኛል። ንጉሥ ኃይለ ሥላሴ ከዙፋናቸው ሊወርዱ ጥቂት ዓመታት ሲቀራቸው ነበር እነዚህን ተሽከርካሪዎች በዚያው መንገድ ሲጓዙ ለመጨረሻ ጊዜ ያየኋቸው።አሉኝ።

በጣም የሚደንቀው፡

  • ተሽከርካሪው፡ ልክ በ 2009 .ም በአሜሪካው የ General Motors ኩባንያ የሚመረተውን ዝነኛውን የ “Hummer” መኪና ዓይነት ይመስል ነበር ብል አላጋንንም

  • እኚህ ዘመዴ ያን ስዕል በሳሉበት ወቅት ተሽከርካሪ መኪና የሚባል ነገር በመንደራቸው አልነበረም፡ ጭራሽም አይተውት አያውቁም ነበር።

ምን ሊሆን ይችላል? እውነት “Reptile” የሚባሉት ደም መጣጭ ፍጥረታት በመኃከላችን ይገኙ ይሆን? ለምን በኢትዮጵያ? የጣሊያን ወረራና የንጉሡ ከዙፋን መውረድ ከዚህ ሁኔታ ጋር ምን የሚያገናኛቸው ነገሮች ይኖሩ ይሆን? ለምንስ በመስከረም ወር?

__________________________________________________________

    • ይህ ጽሁፍ የረቀቀው በመስከረም ወር 2000 .ም ላይ ነው። ስዕሉ ላይ የሚታየው ዓይነት የመኪና ካራቫን በአዲሱ የሮላንድ ኤመሪሽ ፊልም „2012“ በተመሳሳይ ሁኔታ ማየት ይቻላል።

__________________________________________________________________

Posted in Curiosity, Ethiopia | Tagged: , | 2 Comments »

The Magic 22

Posted by addisethiopia / አዲስ ኢትዮጵያ on December 22, 2009

  • በዚህ እለት በኢትዮጵያ አገራችን አንዳንድ ተቃዋሚ ፖለቲከኞች የሞት ፍርድ እንደተሰጣቸው ታወቀ

  • 22 ዓመት እድሜ ያለውና ድንቁ አረጀንቲኒያዊ እግር ኳስ ተጫዋች፡ ሊኦኔል ሚሲ፡ የ 2009 የዓለም ምርጥ ተጫዋች መሆኑን አረጋገጠ

  • Formula One ስፖርት ጀግናው ሚካኤል ሹማከር ደግሞ በ 22 October, 2006 ስፖርቱን ከተሰናበተ በኋላ፡ አሁን በ December 22, 2009, በሚቀጥለው ዓመት እንደገና ለመወዳደር መመለሱን አረጋገጠ

  • በመላው ዓለም ኃብታም እንደሆነ የሚነገርለት ዓመታዊ የገና ሎተሪ በስፔይን አገር ለተለያዩ ከተሞች ተበተነ። ዕጣው የወጣላቸው እድለኞች ከ 2ቢሊየን ዮሮ የሚበልጥ ገንዘብ ተከፋፍለው ወስደዋል። ስፓንያውያን ይህን ሎተሪ ከ 1812 .. ጀምረው ነው በየዓመቱ የሚጫወቱት። በዚህ ዓመት እያንዳንዱ ስፓንያዊ 60 ዩሮ ለሎተሪው አውጥቷል።

::::::::::::::::::::::::::::::::::::::::::::::::::::::::::::::::::::

Posted in Ethiopia | Tagged: | Leave a Comment »

 
%d bloggers like this: